40 Ɛ sẅíi wʉ́ʉ nɛ́ nu nɛ́nẅín yi ŋ kɑ zúꞋnɛ mbɔ̌ Sɛ́, pʉʉ pɛn ḿbɔ́ ŋkɔ̂ɔnɛ ḿbɔ́ ńdɔɔ nɛjẅí wɑ́ɑ, mbɑ Ábɛlɛhɑ̂m ŋkɑɑ pɔ́Ꞌɔ ɡɛ.
Yɔ nu lɛɛ, Yɛ́su pɔ́ pɔ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́kɑ́t ńnɛn, ɑ pɔɔ ḿbɔ́ ŋ́kɔŋ nɛɡʉ tsɛt pɑk-ŋɡɔŋ-Judɛ̂ pɔ́, mbíꞋŋɡɔ pɑsɑ́Ꞌlɑ́Ꞌ-pɑyúdɑ kɑ pɔ́ ńdɔɔ nɛjẅí wɛ́.
Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.
Tʉ́m tɑ́t wʉ́ʉ Ábɛlɛhɑ̂m kɑ pɔ́ ńtsɑ́ɑtɛ ŋɡɔŋ ŋ́kɑ́ tsʉʉ yi ɑ kɑ pɔ́ ńtsɑ́ɑ nɛjʉ́ɔ ŋkɑ́ yi mɔ ŋ́ɡɛ ńtɔ́. A kɑ kɛ́ ńjʉ́ɔ, ńtsɑ́ɑtɛ tɛꞋ.
Ábɛlɛhɑ̂m kɑ pɛn ḿbɔ́ tɑ́t pɛ́ pʉɔ pi pɛ́ kɑ púꞋnɛ wɔ́p. Ŋ kɑ́ pɔ́ ńdɑꞋ pʉɔ pi pɛ́ kɑ púꞋnɛ wɔ́p ɛ́ kuꞋ pɔ́Ꞌɔ mbɔ̌ pɔ́p pɔ́. N cú pɔ pi pɔ́p pɛn ḿbɔ́ ńzɑ́p tʉ́m nǔu Sɛ́, pɑ́Ꞌ tɑ́t wɛkŋɛ Ábɛlɛhɑ̂m kɑ zɑ́pnɛ yɛ́ ɡúu lɑ pɛ́ ɡɛ ḿbúꞋ wɛ́.
Ɛ́ ŋkɔ̂ɔnɛ, mbɔ n tsʉ́Ꞌ ŋɡɑŋmbuu wʉ́ʉ mbíꞋŋɡɔ n dɑ́Ꞌ ḿbɔ́ ɛ́sẅíi wʉ́ʉ pɔ nɛ nu nɛ́nẅín kíi?
Lɑ́ pɑ́Ꞌ ɛ́ kɑ pɔ́ yɛcɔ́ ŋkɑ́, mɔ́ɔ ẅí pɛ́ kɑ kɔŋ kɔŋnɛ ḿbí pɔ́ ŋ́kʉ́ʉnɛ ẅí Zẅikŋɛ-Sɛ́ kɑ ɡɛnɛ lɑ pɛ́ pí wɛ́ lɑ́, ɛ́ pɛn ḿbɔ́ lɔ́Ꞌnɛ ḿbɔ́ pɔ pɔ́Ꞌɔ.
Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.
A kɑ pɔ́ ńdɔk sɑ́ŋ wɛ́ ńzʉk tɑ́Ꞌ nji nǔu Pɛcʉ̈ɔ́Ꞌ-sɑŋ nji yɛ́tɑ́t, ḿbʉ̈ɔt ndǔ tsɛ́tsɑ́Ꞌ, ńtʉ́ʉ mbi mɑŋɡɛ́ ɛ̂wɑ́, ḿbɔ́ ḿbyɛ́p pɑ́Ꞌ ɑ ɡʉ ḿbí ɑ ɡɔ́ɔ ńtíi mɔ́ɔ ḿmi.
