28 Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.
MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ tík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ cú ŋɡɔ: «A Nzɑ́Ꞌŋkʉ, ńcú pɔ́Ꞌɔ ńdɔk fu pʉɔ tɛ ńzɑ́ɑ.»
Pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p cú ŋɡɔ ɑ Nzɑ́Ꞌŋkʉ ẅi Sɛ́ kɑ kɑꞋnɛ, ńcú pɔ́Ꞌɔ, ńdɔk fu pʉɔ tɛ ńzɑ́ɑ.
A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.
Mɔ sɛ́ ńjí ŋɡɔ, n cú nu ŋkɑ́ kʉ̈ɔ́ lɑ́, ɔ zúꞋ ŋɡi yɑɑ. Lɑ́ n cú pɑ́Ꞌɑ ntɛ́ pɔ pʉɔ pínɛ pɔ́p tʉ́ʉnɛ nɛjɔ́ŋ mɔ lɑɑ, ŋɡɔ pɔ́p pɛ́m ŋɡɔ ɡu kɑ túunɛ wɑ́ɑ.
N zɑ́Ꞌ njí ɛ́sẅíi wʉ́ʉ ŋkɔ̂ɔnɛ lɑ mɔ mɛnu ɡɛ ńtɔ́, pʉʉ lɔk pɔ́Ꞌɔ ḿbɛ́m ŋɡɔ mɔ ɡú.
Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu ndʉ́ŋndʉŋ, mbíꞋŋɡɔ mɔ sɛ́ ḿbɛn nɛ́ nɛjɔ́ŋ Tɑ̌ɑ mɔ, pʉʉ pɔɔ pɛn ńjʉ́ɔ wɑ́ɑ pɔ́.
Ɛ́ lɔk ḿbuutɛ nǔu nu yí Yɛ́su kɑ tsʉ́Ꞌ nɛcú ntɛ́ yí ɑ ɡʉ ŋ́ɡɛ ḿpfú ńcú.
Pɔ́p kúu zúꞋu, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ḿbɛn ŋ́kẅii pɛcɔ́ pʉɔ pɛ́pɑ́ nǔu mɔ́p mɛtʉ́ mbɑ́ŋtɛ pɑ́ŋtɛ́nɛ. Tɑ́Ꞌ pɔ́ nǔu ɡúŋ pɔ́-Yɛ́su yɛ́ tʉʉ, wɛcɔ́ pɔ́ nǔu ɡúŋ yɛ́ kẅɛpmɛ. Yɛ́su pɔ́ tsɛtsɛt.
Lɑ́ ɛ sẅíi wú, kwɑꞋ nɛ́nẅín, pɛk cú nu nǔu yúu mi pɛk sɛ́ ńjí, ńcú yi pɛk sɛ́ ńjí nǔu yúu mi pɛk kɑ jʉ́ɔnɛ, lɑ́ pʉʉ kɑ́ kɛ́ ḿbɛ́m nu yí pɛk cúnɛ pɔ́.»
Ndʉ́ŋndʉŋ pɑ́Ꞌ Mɔ̌sɛ̂ɛ kɑ kútnɛ nɔ́ nǔu tɑ́Ꞌ tʉ́, ŋ́kɑꞋ ŋ́ɡɑ́ tʉ́, kɔ̂ŋtɛt lɑ́, ɛ́ sɛ́ ḿbíkŋɛ ŋɡɔ pɛ́ ɡɛ ŋ́kɑꞋ Mɔ́ɔ-Ŋu pɔ pɔ́Ꞌɔ.
Yɛ́su cú mbɔ̌ wɛ́ ŋɡɔ: «Mɔ ẅí pûu sẅiŋɛ́nɛ lɑɑ, mɔ jʉ́.»
Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.
Ŋ kɛ́ zɑ́Ꞌ ntsɑŋ-ŋu kɛ́ píkŋɛ Sɛ́ pɔ́. Ɛ́ yɑɑ ntɛ́ nɛŋɑk, ɛ́ pɔ́ nɛ́nẅín, mbíꞋŋɡɔ ŋ kɑ́ pɔ́ ńdɔɔ pɔ nɛɡɛ yúu mi ŋ kɔŋnɛ pɔ́, ŋ ɡɛ yɑ́ɑ pɔ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.
MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.
Ɛ́ yúu mi ɛ́ lɑ́Ꞌnɛ ŋ́ɡɛ lɑ n cú mbɔ̌ pʉʉ ŋɡɔ: Pʉʉ ɡʉ ŋ́ɡɛ ḿpfú tsɛt mɛnu kɛpɔŋ mʉ́ʉ. MbíꞋŋɡɔ pʉʉ lɑɑ ḿbɛ́m ŋɡɔ ŋu ẅí pɛ́ fúŋnɛ wɛ́ ŋɡɔ Mɔ ɡú ɑ mɔ pɔ́, mbɔ pʉʉ ɡʉ ḿpfú tsɛt mɛnu kɛpɔŋ mʉ́ʉ.
Yɛ́su cú pɑ́Ꞌɑ, pɔ́p pɔɔ jí ŋɡɔ nu yí ɑ cúnɛ mbɔ̌ pɔ́p, ɑ cú pɔ nǔu Sɛ́ Tɑ̌ɑ pɔ́.
Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.
Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.
Ɛ́ ɡɔ́ ḿbɔ́, mbɔ ɛ́ ɡʉ nǔu pʉɔ pi pɔ́p zúꞋnɛ sẅíŋɛ-Pyɛ̂ pɔ́p Jɑ̂ŋ, nɛzɑ́ɑ pɛ́m. Tɛ pɔ́p pɔ́ ŋkɑ́ ɛ̂yɑ́ tɛmtɛ nǔu pɛcɔ́ pɑpɛ́m Yɛ́su ḿbɔ́ mbɛ́ɛnɛ yúu ntsɑ́Ꞌ yɛ́tɑ́ɑ.
Sɛ́ pɛn ńdɔk Zẅikŋɛ Lɛ́ɛnɛ́nɛ ŋ́ɡɛ ɑ pɔ́ Mɔ́ɔ nɛ́, ŋ́ɡẅɛɛ mɛtʉʉ. A lɔk pɑ́Ꞌ ɑ kɑ ɡɛnɛ ɑ zẅíimɛ tsɛtsɛt pɛpfú, mbɑ pɑ́Ꞌ ɑ kɑ níꞋnɛ Zẅikŋɛ Lɛ́ɛnɛ́nɛ nǔu wɛ́.
