3 Pɔ́ɔpɛ́mɑ́-Yɛ́su cú mbɔ̌ wɛ́ ŋɡɔ: «Fú zɑꞋnɛ ŋ́ɡʉ nɛ́ Judɛ̂ lɑ́ ɡɑŋku pú pi pɔ́p zúꞋu jʉ́ɔ yɔ́p mɛnu mi ɔ sɛ́ ŋ́ɡɛ.
Yɛ́su kɑ pɛ́t ɛ́sẅíŋɛ mbɔ̌ lɑ́Ꞌ sẅiŋɛ́nɛ, mɑ́ wɛ pɔ́p pɔ́ɔpɛ́mɑ́ pɛ́ tɔ́, ńtʉ́ʉ píi ḿbɔ́ ńdɔɔ nɛjʉ́ɔ wɛ́.
Pʉɔ-tsɛ́nndɑ́ pɛ́ Yɛ́su zúꞋ yɔ nu, ńdɔ sɛ́, ńcʉ́ɔ sɛ̂ndúŋ pɑꞋ pɔ́p ɡʉ ŋ́ɡʉ ŋ́ɡẅɛɛ wɛ́, ḿbɔ́ ŋ́kwɑŋɛ ŋɡɔ tú yɛ́ ɡɑ́ɑnɛ.
Ŋ́ɡɔ́ ḿmɛkŋɛ, mɑ́ pɛ́ Yɛ́su pɔ́p pɔ́ɔpɛ́mɑ́ pɛ́ tɔ́, ńtʉ́ʉ ntsundɑ́, ńtúu ŋu ŋɡɔ ɑ ɡʉ ɛ́fúŋ wɛ́ ŋ́ɡɑ́ mbɔ̌ pɔ́p.
Pɔ́Ꞌɔ lɑ́, mɑ́ wɛ pɔ́p pɔ́ɔpɛ́mɑ́ pɛ́ tɔ́ nɛjʉ́ɔ wɛ́, ŋ́kɛ́ ḿbɔɔ kuꞋ nɛtɔ́ tɛ ŋ́kúu zʉꞋ yi ɑ zúꞋu pɔ́, ntɛ́ lɑ́Ꞌ nɛzɑ́ɑ.
Pɛ́ tɔ́, ńcú mbɔ̌ Yɛ́su ŋɡɔ: «Mɑ́ wu pɔ́p pɔ́ɔpɛ́mɑ́ pú pɔ́p píilíinɛ ḿbɔ́ ńdɔ́ɔ nɛjʉ́ɔ wú.»
Pɛ́ pɛn ɛ́fúŋ Yɛ́su ɡúu pɔ́p ɡɑŋku pɛ́, zʉꞋ-lɑ́ɑndɑ́ ɛ̂yɑ́.
Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»
Ɛ́ fú ŋkɑ́ ɛ̂yɑ́, nɛzɑ́ɑ ɡɑŋku-Yɛ́su kʉ̈ɔ́, pɔ́p pɛpɔ́p pɔɔ pɛn ńnɛn pɔ́.
Pɔ́ɔpɛ́mɑ́ pɛ́ pɛn ḿbɔ́ tɛ ḿbʉʉ nɛ́ zʉꞋ-ndínɑ, ɑ ɡɔ́ɔ ŋ́kɛ́ ńcʉ́ɔ yɛ́ sɛ̂ndúŋ. Lɑ́ ńnɛn pɔ ɛ́sɔ́tɛ sɔ́tɛ́nɛ.
Ŋu lɑɑ ḿbɔ́ ŋ́kɔŋ ŋɡɔ pɛ́ jí wɛ́, ɑ pɔɔ lʉɔ yúu mi ɑ sɛ́ ŋ́ɡɛ pɔ́. Pɑ́Ꞌ, ɔ sɛ́ ŋ́ɡɛ mɛmɑ́ mɛnu lɑ́, ɡɛ lɑ́Ꞌ jí wú.»
Pɔ́p cú mbíꞌŋɡɔ kwɑꞋ pɔ́p pɔ́ɔpɛ́mɑ́-Yɛ́su ŋ́kɑɑ pɔ́ ńzɑ́p tʉ́m nǔu wɛ́ pɔ́.
Pyɛ̂ pɔ́p ɡɑŋntúu ntsɔ̌pmɔꞋ ɡɔ́ɔ ŋ́kɛ́ ńdɔ sɛ́. Pyɛ̂ lɔk kwɑꞋ ŋɡi tɛnnɛ ńcú mbɔ̌ lɑ́Ꞌ ŋɡɔ: «Pʉʉ pɑyúdɑ, tɛ mbɑ pʉɔ tsʉʉ pinɛ pɔ́p Yɛlúsɑlɛm lɔ́Ꞌnɛ, pʉʉ zẅíꞋlɛ, mɔ ɛ́sẅíi wʉ́ʉ nɛ́ yúu mi ɛ́ yɛ́tɛ́.»
