Jɑ̂ŋ 7:28 - Kɑɑ Fí

²⁸ Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

Jɑ̂ŋ 7:28 교차 참조

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Mɑtʉ̈ɔ 2:23

ŋ́ɡʉ tɛ ŋ́kúu zúꞋu, ḿbɔ́ ńtswɛ́ tsɛt yɛcɔ́ tʉ́sɔŋ, pɛ́ fúŋ nɛ́ Nɑ̌ɑzɑlɛt, ɛ́ lɔk ḿbuutɛ nǔu pɑ́Ꞌ ŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú nu nǔu Nzɑ́Ꞌŋkʉ ŋɡɔ: «pɛ́ ɡʉ ńdɑ́Ꞌ ɛ́fúŋ wɛ́ nɛ́ ŋu-Nɑ̌ɑzɑlɛt.»

Mɑtʉ̈ɔ 26:55

Ŋ́ɡɛ pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ lɑ́Ꞌ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑ́Ꞌ ŋkɑ́ yi pʉʉ ɡʉ ɡẅɛɛ ntsɔ́ŋ pɑ́Ꞌɑ ŋɡɔ́ku? Mɔ m̄bɔ́ lɛ́Ꞌ tsʉʉ ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́! Pʉʉ kɛ́ mbɔɔ wɑ́ɑ ɡẅɛɛ.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Lúkɑ́shi 2:39

Yɔsɛ̂p pɔ́p Mɑlíyɑ ɡɛ ɛ́sẅíi nu yi pɔ́p tɔ́nɛ nǔu tɛ ḿmɛk pɑ́Ꞌ nɛpʉ́ʉ-Tsɑpʉɔ kɑ pɔ́ ḿbíkŋɛ, ḿbɛn nzʉʉ nɛ́ Ŋɡɑlilɛɛ, tʉ́sɔŋ pɔ́p Nɑ̌ɑzɑlɛt.

Lúkɑ́shi 2:4

Yɔsɛ̂p fú tʉ́sɔŋ-Nɑ́ɑzɑlɛt, tsɛt ŋɡɔ́ŋ-Ŋɡɑlilɛ́, ńtɔ́ tsɛt ŋɡɔ́ŋ-Jẅidɛ̂, tʉ́sɔŋ-Mbɛ́tɛ́lɛ́hɛm, nǔu zʉꞋ yinɛ pɛ́ kɑ pinɛ fɔɔ Ndɑvît zúꞋu, ḿbɔ́ ŋ́ɡʉ zúꞋu pɔ́Ꞌɔ, mbíꞋŋɡɔ ɑ ŋu nǔu njẅɛt ndɑ́-fɔɔ Ndɑvît.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

Jɑ̂ŋ 1:46

Nɑtɑnɑyɛ̂l cú mbɔ̌ wɛ́ ŋɡɔ: «Tɛ pɛ́ kɑ zɛɛ mɔ ńjʉ́ɔ yúu sʉ́Ꞌnɛ fú Nɑ̌ɑzɑlɛt?» Filîp tsɔ́Ꞌ mbɔ̌ wɛ́ ŋɡɔ: «Tɔ́, ɔ ɡʉ ńjʉ́ɔ.»

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 12:49

Ɛ́ mbíꞋŋɡɔ mɔ ŋkɑɑ cú pɔ nu yí ɛ́ fúnɛ mbɔ̌ mɔ pɔ́, ŋ kɑ cú pɔ nu yí Tɑ̌ɑ mɔ ẅí ɑ kɑ túunɛ wɑ́ɑ kɑ cúnɛ ŋɡɔ n cú, mbɑ nu yí ŋ ɡʉ ńcú nu nǔu.

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 14:31

«Lɑ́ pɛ́ pɛ́m ŋɡɔ ɑ tɔ́ pɔ́Ꞌɔ, pʉɔmɛsɔŋ ndǔmbí jí ŋɡɔ ŋ kɔŋ Tɑ̌ɑ mɔ, mɔ sɛ́ ŋ́ɡɛ pɔ yúu mi ɑ cúnɛ ŋɡɔ ŋ ɡɛ. Pʉʉ lɔ sɛ́ pɛkŋɛ fú zɑꞋnɛ ŋ́ɡʉ.»

Jɑ̂ŋ 16:3

Pɔ́p ɡʉ ŋ́ɡɛ pɔ́Ꞌɔ, mbíꞋŋɡɔ pɔ́p kɑ́ jí Tɑ̌ɑ pɔ́, ŋ́kɛ́ mbɔɔ wɑ́ɑ jí.

Jɑ̂ŋ 17:25

Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Jɑ̂ŋ 5:32

Ŋu ndɛꞋ cúnɛ nu yí ɑ jínɛ nǔu mɔ, m bɛn ḿbɔ́ ńjí ŋɡɔ nu yí ɑ cúnɛ nǔu mɔ ɛ́ nɛ́nẅín.

Jɑ̂ŋ 5:43

Ŋ kɑ lɔk lík-Tɑ̌ɑ mɔ ńtɔ́, pʉʉ lʉꞋ nɛpɛ́m yɑ́ɑ nu. Lɑ́ ḿbɔ́ yi wɛcɔ́ ŋu ndɛꞋ lɑɑ ńtɔ́ ŋkɔ̂ɔnɛ pɔ nǔu yɛ́ lík, mbɔ pʉʉ ɡʉ ḿbɛ́m yɛ́ nu.

Jɑ̂ŋ 6:42

Pɔ́p pɛn ḿbɔ́ ńcú ŋɡɔ ŋu wɑ́ kɑ́ pɔ́ Yɛ́su mɔ́ɔ-Yɔsɛ̂p pɔ́ ɔɔ! Pɛkŋɛ kɑ́ pɔ́ ńjí tɑ́t wɛ pɔ́p mɑ́ wɛ pɔ́ ɔɔ! Ɛ́ pɛn ŋ́ɡɛ ŋɡɔ́ku lɑ ɑ sẅíi wɛkŋɛ ŋkɔ̂ɔnɛ ŋɡɔ ɑ kɑ fú tʉ́nɛ́pú ńcúŋ?

Jɑ̂ŋ 7:14

Ndíinɑ Pɛ́t kɛ́ mɛ, Yɛ́su ɡʉ nɛ́ ndɑ́-nɔŋpɔꞋ, ńzɛ nɛzíꞋ pʉɔ nɛ́ yúu.

Jɑ̂ŋ 8:14

Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

Jɑ̂ŋ 8:16

N dɑɑ zɛɛ ŋ́ŋɑk pɔ ntsɑŋ, mbɔ wɑɑ nɛŋɑk wɛ nɛ́nẅín, mbíꞋŋɡɔ n zɛɛ ḿbɔɔ zɛ́nɛ mɔ pɔ́. Pɛk Tɑ̌ɑ mɔ pɔ́nɛ. A jʉ́ ẅi ɑ kɑ túunɛ wɑ́ɑ.

Jɑ̂ŋ 8:19

Pɔ́p píkŋɛ wɛ́ ŋɡɔ: «Tɑ́t wu ɡɔ́?» Yɛ́su pʉ̈ɔt ŋɡɔ: «Pʉʉ kɑ́ pɔ́ ńjí wɑ́ɑ pɔ́, ḿbɛn ḿbɔɔ ḿbɔ́ ńjí mbɑ Tɑ̌ɑ mɔ pɔ́. Pʉʉ kɑ zɛɛ ḿbɔ́ pɛ́Ꞌnɛ ḿbɔ́ ńjí wɑɑ, mbɔ pʉʉ kɑ pɛn ńjí Tɑ̌ɑ mɔ ɡúu.»

Jɑ̂ŋ 8:26

Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

Jɑ̂ŋ 9:29

Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 17:23

Mɔ sɛ́ ńnɛn tsɛt tʉ́sɔŋ yʉ́ʉ, ńjʉ́ɔ mɛndɑ́-mɛsɛ́ mʉ́ʉ jʉ́ɔnɛ, tɛ ńjʉ́ɔ yɛcɔ́ pɔ́ ɡú, mbɔ pɛ́ kɑ ŋwɑꞋnɛ nǔu ŋɡɔ: “Yɔ ndɑ́-nɔŋpɔꞋ yi pɛk kɑ́ jí lík yɛ́ pɔ́.” Ɛ́ pɔ́Ꞌɔ lɑ́, yîyɑ́ Sɛ́ yi pʉʉ tswɛ́nɛ ŋ́ɡúꞋlɛ wɛ́ kɛ́ jí wɛ́ lɑ́, n tɔ́ pɑ́Ꞌɑ nɛsẅíi wʉ́ʉ nɛ́ nu yɛ́.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 3:4

Ŋɡɑ́ŋ, ḿbɔ́ ɑ pɔɔ pɔ́Ꞌɔ ɡɛ. Tɛ mbɑ pɑ́Ꞌ pʉɔmɛsɔŋ tsʉʉ pɔ́ pɔ ɡɑŋcɔtnu, jʉ́ Sɛ́ lɔɔ ŋ́kɛ́ ńcú nu ḿbɛn ŋ́kúpmɛ pɔ́. Ɛ́ ndʉ́ŋndʉŋ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ Sɛ́ ŋɡɔ: «Gu Sɛ́ pɔ́ tɛ ńcú nu pɛ́ ɡẅɛɛ nɛjí ŋɡɔ sẅiŋɛ yú ndʉ́ŋndʉŋ, ḿbɔ́ yi ŋu lɑɑ ŋ́ŋɑk wú ɑ pɔɔ wú jʉ́.»

2 Kɔlɛ̂ŋtɛ 1:18

Ŋɡɑ́ŋ! Ɛ́ ɡʉ nǔu nu yi pɛk kɑ sẅíinɛ wʉ́ʉ, pɛk ŋkɑɑ ḿbɔ́ ńcú nu ḿbɛn ŋ́kúpmɛ pɔ́. Sɛ́ sɛ́ ńjí.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

1 Jɑ̂ŋ 5:10

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.