27 Lɑ́, ẅîwɑ́ ŋu pɛ́Ꞌnɛ pɛk pɔ́ ńjí zʉꞋ yi ɑ fúnɛ zúꞋu. Lɑ́ ŋ́ɡʉ nǔu Nzɑ́Ꞌŋkʉ ẅi Sɛ́ kɑ kɑꞋnɛ, mbɔ ŋu kɛ́ ɡɛ ńjí zʉꞋ yi ɑ fúnɛ zúꞋu pɔ́.»
A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.
Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»
Pɔ́p pɛn ḿbɔ́ ńcú ŋɡɔ ŋu wɑ́ kɑ́ pɔ́ Yɛ́su mɔ́ɔ-Yɔsɛ̂p pɔ́ ɔɔ! Pɛkŋɛ kɑ́ pɔ́ ńjí tɑ́t wɛ pɔ́p mɑ́ wɛ pɔ́ ɔɔ! Ɛ́ pɛn ŋ́ɡɛ ŋɡɔ́ku lɑ ɑ sẅíi wɛkŋɛ ŋkɔ̂ɔnɛ ŋɡɔ ɑ kɑ fú tʉ́nɛ́pú ńcúŋ?
Ɛ́ kʉꞋnɛ pɑyúdɑ, pɔ́p cú ŋɡɔ: «A ɡɛ ŋɡɔ́ku ńjí ŋwɑꞋnɛ-ndɛn kɑɑ pɑ́Ꞌɑ, lɑ́ mbɔ ɑ ŋkɑɑ sɛkút zíꞋ?»
Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.
Pɛ́ kɑ tɛ́m sʉ́ʉ tú yɛ́, ńzɑ́Ꞌ yɛ ntsɑŋ kɛpɔŋ. Ḿbɔ́ pɛ́ kɛ ḿbɛn ŋ́kẅíitɛ njẅɛt yɛ́, ɛ́fú ɡɔ́ pɑ́Ꞌ pɛ́ kɑ zɑ́Ꞌ wɛ́ zɑ́Ꞌnɛ ńjẅí.»
