64 Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.
ŋ́ɡɛ Símɔ mɔ́ɔ-ŋɡɔŋ pɔ́p Jẅidɑ Iskɑlyɔt ẅí ɑ kɑ ɡɛnɛ ɛ́fɛn Yɛ́su.
Lɑ́ pʉʉ kɑ́ pɔ́ ńzɑ́p tʉ́m nǔu mɔ pɔ́, mbíꞋŋɡɔ pʉʉ kɑ́ pɔ́ tsɛt kɑt-mɛnjinjɔ mɑ́ɑ pɔ́.
Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»
Lɑ́, mɔ pɔ́nɛ ńjí wʉ́ʉ, pʉʉ tʉ́m pʉʉ mbɔɔ Sɛ́ kɔŋ.
Lɑ́, ŋ kɑ sẅíi wʉ́ʉ, pʉʉ kɑ jʉ́ɔ wɑ́ɑ, ŋ́kɛ́ mbɔɔ zɑ́p tʉ́m nǔu mɔ pɔ́.»
Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»
Yɛ́su jí ŋɡɔ ɡɑŋku pɛ́ sɛ́ ńcútɛ ntɛ́ nu yí ɑ cúnɛ, ḿbíkŋɛ wɔ́p ŋɡɔ sẅiŋɛ yɑ́ɑ sɛ́ ḿbɑ́klɛ wʉ́ʉ pɑ́klɛ́nɛ kɛ?
Ɛ́ fú ŋkɑ́ ɛ̂yɑ́, nɛzɑ́ɑ ɡɑŋku-Yɛ́su kʉ̈ɔ́, pɔ́p pɛpɔ́p pɔɔ pɛn ńnɛn pɔ́.
A pɛn ńcú nɛ́ pɔ́p ŋɡɔ: «Ɛ́ ɡʉ nǔu pʉʉ, mbɔ pʉʉ pʉɔ-ndǔ tsɛ́tsɑ́Ꞌ, m bɔ́ ŋu tʉ́nɛ́pú. Pʉʉ pʉɔ ndǔ mbí, mɔ m bɔɔ ŋu yɔ mbí pɔ́.»
Ŋ́kɛ́ ḿbɔɔ ḿbɔ́ ńjí wɛ́ pɔ́, lɑ́ mɔ sɛ́ ńjí wɛ́. N dɑɑ ŋɡɔ Ŋ kɑ́ pɔ́ ńjí wɛ́ pɔ́, mbɔ mɔ ńtsʉ́Ꞌ ŋɡɑŋ cɔtnu pɑ́Ꞌ pʉʉ. Lɑ́ mɔ sɛ́ ńjí wɛ́, ḿbɛn ḿbɔ́ ńnɛn nǔu sẅiŋɛ yɛ́.
Ɛ́ pɔ́ mɛnu mí ɑ kɑ lɑ́Ꞌmɔ́ ŋ́ɡɛ pɛ́ jí.
MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.
Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»
Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.
