55 MbíꞋŋɡɔ mbɑp-mbʉʉ yɑɑ yúujʉ́ sʉ́Ꞌnɛ, mɛci mɑ́ɑ pɔ́ kwɑꞋ yúu nɔ́nɛ.
Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»
Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.
Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»
Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, Mɔ̌sɛ̂ɛ ŋkɑɑ ɡɑ́ yúujʉ́ pi ɛ́ fúnɛ tʉ́nɛ́pú mbɔ̌ pʉʉ pɔ́. Tɑ̌ɑ mɔ sɛ́nɛ́ ŋ́ɡɑ́ kwɑꞋ yúujʉ́ pi ɛ́ fúnɛ tʉ́nɛ́pú mbɔ̌ pʉʉ.»
Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.
Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.
Yɛ́su cú mbɔ̌ pɑyúdɑ pínɛ pɔ́p zɑ́pnɛ tʉ́m nǔu wɛ́ ŋɡɔ: «Pʉʉ lɑɑ ŋ́kúꞋlɛ sẅiŋɛ yɑ́ɑ, mbɔ pʉʉ ɡʉ ḿbɔ́ kwɑꞋ ɡɑŋku pɑ́ɑ.
Ɛ́ pɔ́Ꞌɔ, lɑ́ ḿbɔ́ yi mɔ́ɔ-Sɛ́ lɑɑ ńcẅɛɛtɛ wʉ́ʉ ndɑ́-kwɑɑ, mbɔ pʉʉ ɡʉ ɛ́fú zúꞋu ńcẅɛt, kwɑꞋ nɛ́nẅín.
A sɛ́ ɛ́fɑꞋ fɑꞋ-NɔŋpɔꞋ wɛ ɡwɛ́ kwɑꞋ zʉꞋ yi Sɛ́ zúꞋu, tsɛt kwɑꞋ ntɑp-Sɛ́. Ẅîwɑ́ ntɑp pɔ́ ẅi Tsɑpʉɔ kɑ lɔknɛ kwɑꞋ mbɔ mɛ́ ńnʉk tɛ ŋumɛsɔŋ pɔɔnɛ nʉk.
Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.
