35 Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.
Pʉʉ pɛtsʉʉ pínɛ pʉʉ tíinɛ piꞋ nǔu mbɑɑndyɔŋ ɛ́ jɔt wʉ́ʉ tɛ pʉʉ kɑ́ɑ, pʉʉ tɔ́ ńtsɛ́t wɑ́ɑ, ŋ ɡɛ pʉʉ jẅiitɛ.
Pʉʉ pɛpɛktú, pʉʉ pinɛ pʉʉ ŋkɔ̂ɔnɛ ŋ́kwɛ́t ńzwɛ́t, mbíꞋŋɡɔ pʉʉ ɡʉ ńdɑ́Ꞌ ḿpfú nji. Pʉʉ pɛpɛktú pʉʉ pinɛ pʉʉ sɛ́ ŋ́ɡwɛ ŋkɔ̂ɔnɛ, mbíꞋŋɡɔ pʉʉ ɡʉ ńdɑ́Ꞌ ńtsʉ́ꞌ ńnɑ́ŋ pɔ tsɛt nɛmʉk ḿbɛn ḿbɔ́ ŋ́kíi.
Mɑŋɡɛ́ ɛ̂wɑ́ pʉ̈ɔt mbɔ̌ wɛ́ ŋɡɔ: «Ndɛ, ɡɑ́ ẅîwɑ́ ŋki mbɔ̌ mɔ, ɡɑ́k yɑ́ɑ pɔɔ lɑ́Ꞌ ḿbɛn ɛ́shí pɔ́. M bɔɔ pɛn ńtɔ́ zɑꞋnɛ ńtúꞋ ŋki pɔ́.»
Lɑ́, Pʉʉ pɛn ŋ́kɛ́ ḿbɔɔ ḿbɔ́ ŋ́kɔŋ nɛtɔ́ mbɔ̌ mɔ ŋ́ɡẅɛɛ kwɑꞋ luk pɔ́.
Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.
Pɑyúdɑ ɡɔ́ɔ ŋ́kɛ́ ńzɛ nɛcútɛ nzʉʉ Yɛ́su, mbíꞋŋɡɔ ɑ cú ŋɡɔ ɑ yúujʉ́ yi ɛ́ fúnɛ tʉ́nɛ́pú.
Yɛ́su pɛn ńcú ŋɡɔ, ɛ́ yúu mi ɛ́ ḿbɔ́ ŋ́ɡɛ lɑ n cú mbɔ̌ pʉʉ ŋɡɔ, ɛ́ lɑɑ ḿbɔ́ ŋu pɔɔ tɔ́ ŋ́kẅɛ́ɛtɛ wɑ́ɑ kɛ́ pɔ́ yi Tɑ̌ɑ mɔ ɡɛnɛ ŋɡɔ ŋɡɑŋ tɔ́ pɔ́.
Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.
Nji pɔɔ pɛn ńzɑ́ŋ wɔ́p pɔ́, ɡɑ́k yɔ́p pɔɔ pɛn ɛ́shí pɔ́. Nɛm pɔɔ pɛn ńtɔɔ ndǔ yɔp pɔ́. Yɛcɔ́ yúu pɔɔ pɛn ŋ́ɡɛ mbʉʉ yɔp tɔɔnɛ pɔ́.
