Jɑ̂ŋ 6:27 - Kɑɑ Fí

²⁷ Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Jɑ̂ŋ 6:27 교차 참조

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 6:19

Kɔɔ pʉʉ cúꞋlɛ yúu tʉʉndɛn yʉ́ʉ ndǔ tsɛ́tsɑ́Ꞌ. ZʉꞋ yí sɑɑ pɔ́p ɡwɛ́tkɑ́ɑ ɡʉ ŋ́kwɛ́t tsʉʉ, ŋ́kɛ́ ḿbɔɔ pɔ́Ꞌɔ pɔ́, pɛtsɔ́ŋ pʉ̈ɔ́Ꞌ ndɑ́, ńtíi.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑ́lɛ́kúshi 1:11

Ŋɡi fú tʉ́nɛ́pú ńcú ŋɡɔ: «Ɔ pɔ́nɛ mɔ́ɔ wɑɑ, ŋ kɔŋ wú tɛꞋ, ɔ ŋkʉ-tʉ́m yɑ́ɑ.»

Mɑ́lɛ́kúshi 9:7

Pɔ́p ɡɔ́ ńjʉ́ɔ, yɛcɔ́ lɑ́ɑ cúŋ, ŋ́kẅíipɛ wɔ́p. Ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ. Pʉʉ zúꞋ ntsu wɛ́,»

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Lúkɑ́shi 9:35

Ŋɡi-ŋu fú tsɛt lɑ́ɑ ɛ̂yɑ́, ńcú ŋɡɔ: «Yɔ mɔ́ɔ wɑ́ɑ ẅi ŋ kɑŋnɛ, pʉʉ zúꞋ ntsu wɛ́.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jɑ̂ŋ 11:42

Mɔ sɛ́ ńjí ŋɡɔ, n cú nu ŋkɑ́ kʉ̈ɔ́ lɑ́, ɔ zúꞋ ŋɡi yɑɑ. Lɑ́ n cú pɑ́Ꞌɑ ntɛ́ pɔ pʉɔ pínɛ pɔ́p tʉ́ʉnɛ nɛjɔ́ŋ mɔ lɑɑ, ŋɡɔ pɔ́p pɛ́m ŋɡɔ ɡu kɑ túunɛ wɑ́ɑ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 3:15

Ɛ́ lɛɛ pɔ́Ꞌɔ, ŋu ẅí ɑ zɑ́pnɛ tʉ́m yɛ́ nǔu wɛ́, ɡẅɛɛ luk kɛ́mɛ.

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 6:47

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m nǔu mɔ, mbɔ ŋɡɑŋ ɡʉ ŋ́ɡẅɛɛ luk kɛ́mɛ.

Jɑ̂ŋ 6:51

KwɑꞋ mɔ, mɔ yúujʉ́ yi ɛ́ kuꞋnɛ nɛɡɛ pɛ́ pɔ́ ɡú, ɛ́ yi ɛ́ fúnɛ tʉ́nɛ́pú ńcúŋ. Ŋu lɑɑ ńjʉ́ yîyɑ́ yúujʉ́, mbɔ ɑ ɡʉ ńdɑ́Ꞌ ḿbɔ́ pɔ ɡú mɛŋɡuꞋ mɛŋɡuꞋ. Yúujʉ́ yi ŋ ɡʉ ŋ́ɡɑ́, ɛ́ mbɑp-mbʉʉ yɑɑ. Ŋ ɡʉ ŋ́ɡɑ́ lɑ́ ɛ́ lɛɛ pɔ́Ꞌɔ, pʉɔmɛsɔŋ ndǔmbí pɔ́ ɡú.»

Jɑ̂ŋ 6:53

Yɛ́su tsɔ́Ꞌ mbɔ̌ pɔ́p ŋɡɔ, lɑ́ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kwɛ́t mbɑp-mbʉʉ-Mɔ́ɔ-Ŋu, ńnɔ́ mɛci mɛ́ pɔ́, mbɔ pʉʉ kɛ́ ɡɛ ŋ́ɡẅɛɛ kwɑꞋ luk pɔ́.

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Jɑ̂ŋ 6:58

Yɔ pɑꞋ yúujʉ́ pi ɛ́ fúnɛ tʉ́nɛ́pú pɔ́nɛ, ɛ́ kɑ́ pɔ́ pɑ́Ꞌ yi pɛtɑ́t pʉ́ʉ kɑ kwɛ́tnɛ ŋ́kɛ́ ḿbɛn ḿpfú pfúnɛ pɔ́. Ŋu lɑɑ ńjʉ́ pɔ yúujʉ́ yi ɛ́ fúnɛ tʉ́nɛ́pú, mbɔ ŋɡɑŋ ɡʉ ńdɑ́Ꞌ ḿbɔ́ pɔ ɡú.

Jɑ̂ŋ 6:62

Lɑ́ pʉʉ lɑɑ ŋ́ɡɔ ńjʉ́ɔ Mɔ́ɔ-Ŋu pɛn ŋ́kɔ́Ꞌ ŋ́ɡʉ nɛ́ zʉꞋ yí ɑ kɑ zɛɛnɛ ḿbɔ́ zúꞋu, pʉʉ ɡɛ pɔ ŋɡɔ́ku?

Jɑ̂ŋ 6:68

Símɔ Pyɛ̂ pʉ̈ɔt mbɔ̌ wɛ́ ŋɡɔ: «Tsɑpʉɔ, pɛk ɡʉ ŋ́ɡʉ ŋ́kẅɛ́ɛtɛ pɔ wɔ̌? Ɔ ɡẅɛɛ sẅiŋɛ yí ɛ́ ɡɑ́nɛ luk kɛ́mɛ.

Jɑ̂ŋ 8:18

Mɔ pɑ́Ꞌɑ ńcú nu yí n jínɛ nǔu túmbʉʉ yɑ́ɑ, Tɑ̌ɑ mɔ ẅí ɑ kɑ túunɛ wɑ́ɑ, ɑ pɛn ḿbɔ́ ńcú yɛ́ nu yí ɑ jínɛ nǔu mɔ.»

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Kɔlɛ̂ŋtɛ 9:2

Pɛcɔ́ pʉɔ lɑɑ ḿbɔ́ ńdʉꞋ ŋɡɔ ŋ kɑ́ pɔ́ ŋɡɑŋntúu-Yɛ́su pɔ́, mbɔ ɛ́ ɡʉ nǔu pʉʉ m bɔ́ wɛ́tɛ́. Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ lɔk pɔ́Ꞌɔ, ḿbɔ́ lii yi ɛ́ lɛ́Ꞌlɛ́nɛ ŋɡɔ mɔ ŋɡɑŋntúu-Yɛ́su Kɛlístɔ.

2 Kɔlɛ̂ŋtɛ 4:18

Pɛk kɑ́ pɔ́ ɛ́fɑꞋ pɔ yúu mi pɛ́ lɔknɛ mík ńjʉ́ɔ pɔ́, pɛk sɛ́ ɛ́fɑꞋ pɔ yi pɛ́ kɑ́ pɔ́ ńjʉ́ɔ nɛ́ mík pɔ́. Ɛ́ zɛɛ ŋ́ɡɔ ḿbɔ́, yúu mi pɛ́ lɔknɛ mík ńjʉ́ɔ ɛ́ kɑ́ ńnɑ́ŋ tɛꞋ pɔ́, lɑ́ yi pɛ́ kɑ́ pɔ́ ńdɔk mík ńjʉ́ɔ pɔ́, ɛ́ ŋ́kɛ́ ńdɑ́Ꞌ ḿbɔ́ pɔ ɡú.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

Kɔlɔsíyɛ̂ŋ 2:22

Mɔnɛ mɛndúŋ kɛ́ ḿbɔ́ pɔ nǔu yúu mi pɛ́ jʉ́nɛ ɛ́ mɛ mɛnɛ, ḿbɔ́ pɔ mɛnu mi pʉɔmɛsɔŋ nɑ́ŋnɛ sɛ́ ŋ́kwɑŋɛ ńzɑ́p.

Kɔlɔsíyɛ̂ŋ 3:2

Pʉʉ nɑ́ɑtɛ pɔ yúu mi ɛ́ tʉ́nɛ́pú, kɔɔ pʉʉ nɑ́ɑtɛ yi ɛ́ ndǔ tsɛ́tsɑ́Ꞌ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

Ɛ́bɛlʉʉ 12:16

Pʉʉ pɑ́ɑ pɑ́Ꞌ ḿbɔ́ ŋu wʉ́ʉ puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, ḿbɑ́ɑ pɑ́Ꞌ ḿbɔ́ ŋu nɑ́ kɛ́ ɡɑ́ mɛkuꞋ nǔu yúu mi ɛ́ yɛ́ Sɛ́, ndʉ́ŋndʉŋ pɑ́Ꞌ Ɛzɑẅi ẅi ɑ kɑ fɛnnɛ nu-ndʉ́m ẅi ɑ kɑ pɔ́ wɛ́tɛ́, pɛ́ lɔk tɑ́Ꞌ kɑ́ŋ yúupɛjʉ́ ńzúu.

Ɛ́bɛlʉʉ 4:11

Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Jɑ̂k 1:11

Mɔ́nɛm tɑ́ tɛꞋ ńtɔɔ nɛɡíi ɛ́ zúu, tɔ̌ɔtɔ̌ɔ vu, wɛ nɛpɔŋ lɔk ḿmɛ, ɛ́ ndʉ́ŋndʉŋ pɑ́Ꞌ ŋɡɑŋyúu ɡʉ ŋ́ɡɛ ḿmɛ mɛfɑꞋ mɛ́ pfú.

1 Pyɛ̂ 1:24

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋumɛsɔŋ tsʉʉ pɔ́ pɔ pɑ́Ꞌ nɛɡíi. Wɛ nɛɡúꞋ tsʉʉ pɔ́ pɔ pɑ́Ꞌ tɔ̌ɔtɔ̌ɔ-nɛɡíi ẅi ɑ ŋkɑ́Ꞌ lɑ́. Nɛɡíi lɛɛ tɛ ńzúu, tɔ̌ɔtɔ̌ɔ tsɔ́Ꞌnɛ ḿvu sɛ́.

2 Pyɛ̂ 1:17

Ŋkɑ́ yi Sɛ́ Tɑ́t kɑ ɡɑ́nɛ nɛɡúꞋ mbɑ mɛkuꞋ mbɔ̌ wɛ́, pɛ́ zúꞋ ŋɡi-Sɛ́ ẅi ɑ ɡẅɛɛnɛ mɛtʉʉ, ɛ́ cú ŋɡɔ: Yɔ Mɔ́ɔ wɑ́ɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.