26 Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ kɑ pɔ́ sii ńdɔɔ wɑ́ɑ pɔ mbíꞋŋɡɔ pʉʉ kɑ jʉ́ɔ mɛnu mɑ̌ɑmɑɑnɛ mi ŋ kɑ ɡɛnɛ, ɛ́ nyɛt mɛtʉʉ-Sɛ́ pɔ́, pʉʉ lɔɔ wɑ́ɑ ntɛ́ pɔ pɑ́Ꞌ pʉʉ kɑ kwɛ́tnɛ mbɛlɛ̂ɛt tɛ ńzwɛ́t lɑ́.
Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»
Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.
Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»
Yɛ́su jʉ́ɔ shʉ́ yi pɔ́p sɛ́ ńdɔɔ nɛɡẅɛɛ wɛ́ ńdɔk wɛ́ ŋ́ɡɛ fɔɔ, ḿbɛn ńnɑ́ wɔ́p ŋ́ɡʉ nɛ́ ndǔ nɛŋkɔ́Ꞌ zɛ́nɛjʉ́.
Nɔɔ-lɑ́Ꞌ pɔ́ ńcʉ́ɔ nzʉʉ yɛ́ tɛꞋ, mbíꞋŋɡɔ pʉɔ kɑ pɔ́ ńjʉ́ɔ mɛnu mɑ̌ɑmɑɑnɛ mi ɑ kɑ pɔ́ ŋ́ɡɛ nǔu ɡɑŋɡɔɔ.
Ɛ́ ɡɔ́ ḿbɔ́, mbɔ lɑ́Ꞌ yîyɑ́ jʉ́ɔ ŋɡɔ Yɛ́su kɑ́ pɛ́t zúꞋu pɔ́, ɡɑŋku pɛ́ pɛn mbɔɔ pɛ́t yɔ́p zúꞋu pɔ́, pɔ́p ɡɔ́ɔ ŋ́kɛ́ ŋ́kúu tsɛt mɛkɑnúꞋ ɛ̂mɑ́, ńdɔk wɛ Kɑpɛɛnɑwûm nɛpɔ́ ńdɔɔ Yɛ́su.
Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?
Lɑ́, ŋ kɑ sẅíi wʉ́ʉ, pʉʉ kɑ jʉ́ɔ wɑ́ɑ, ŋ́kɛ́ mbɔɔ zɑ́p tʉ́m nǔu mɔ pɔ́.»
Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m nǔu mɔ, mbɔ ŋɡɑŋ ɡʉ ŋ́ɡẅɛɛ luk kɛ́mɛ.
Yɛ́su tsɔ́Ꞌ mbɔ̌ pɔ́p ŋɡɔ, lɑ́ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kwɛ́t mbɑp-mbʉʉ-Mɔ́ɔ-Ŋu, ńnɔ́ mɛci mɛ́ pɔ́, mbɔ pʉʉ kɛ́ ɡɛ ŋ́ɡẅɛɛ kwɑꞋ luk pɔ́.
Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.
MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.
Pɛcɔ́ pʉɔ sɛ́ ɛ́sɑ́ŋ nu pɔ ndɑꞋ nǔu yɔ́p tú tɛ pɔ́p kɑ́ pɔ́ ɛ́sɑ́ŋ nu nǔu nu-Yɛ́su Kɛlístɔ pɔ́.
Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.
ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.
