24 Ɛ́ ɡɔ́ ḿbɔ́, mbɔ lɑ́Ꞌ yîyɑ́ jʉ́ɔ ŋɡɔ Yɛ́su kɑ́ pɛ́t zúꞋu pɔ́, ɡɑŋku pɛ́ pɛn mbɔɔ pɛ́t yɔ́p zúꞋu pɔ́, pɔ́p ɡɔ́ɔ ŋ́kɛ́ ŋ́kúu tsɛt mɛkɑnúꞋ ɛ̂mɑ́, ńdɔk wɛ Kɑpɛɛnɑwûm nɛpɔ́ ńdɔɔ Yɛ́su.
Pɔ́p túu ŋki tɛ ŋ́kúu nǔu njʉ́n yɛ Jɛnɛzɑlɛ̂t,
ńdɔɔ wɛ́ lɔɔnɛ tɛ ńjʉ́ɔ wɛ́, ńcú mbɔ̌ wɛ́ ŋɡɔ: «Pʉɔ tsʉʉ sɛ́ ńdɔɔ wú.»
Pɔ́p túu ŋki, tɛ ŋ́kúu nǔu njʉ́n yɛ Jɛnɛzɑlɛ̂t, ńcʉŋɛ kɑnúꞋ, ɛ́fú tsɛtú ńcẅɛt,
Yɛ́su pɛn nzʉʉ tɛ ŋ́kúu nǔu yɛcɔ́ njʉ́n, lɑ́Ꞌ pɔ́ zúꞋu, mbɔ pɔ́p ńdɑ́Ꞌ mɔ́ ńzɛ nɛzẅíꞋlɛ wɛ́, pɔ́p jʉ́ɔ wɛ́, ŋ́ɡɔ́ɔ ńtsɑ́ɑtɛ tɛꞋ.
Yɛ́su cú nɛ́ jʉ́ ŋɡɔ: «Mɑ́mɔ́ɔ, ɔ kíi ku? Ɔ lɔɔ wɔ̌?» Lɑ́ ɑ ŋ́kwɑŋɛ ŋɡɔ kɛ ɑ pɔ́ pɔ ŋu ẅí ɑ pyɛ́pnɛ ŋkɑ́Ꞌŋɡɑ́ɑtɛ ɔɔ, ńcú nɛ́ jʉ́ ŋɡɔ: «Ndɛ, ɛ́ lɑɑ ḿbɔ́ yi ɡu lɑ́Ꞌnɛ tíi pfú-Yɛ́su, ɔ lɛꞋlɛ wɑ́ɑ nɛ zʉꞋ yí ɔ nɔŋnɛ zúꞋu, ŋ ɡʉ, tíi.»
Pɔ́p kúu tsɛt yɛcɔ́ mɑ́mɑ́ kɑnúꞋ. Ḿbɔ́ ŋ́ɡʉ nɛ́ Kɑpɛɛnɑwûm nǔu yɛcɔ́ njʉ́n. Mbɔ túꞋ sʉ́ʉ mɔ́, lɑ́ Yɛ́su pɛ́t pɔ kɛ́ kẅɛ́ɛtɛ wɔ́p.
Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.
Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ kɑ pɔ́ sii ńdɔɔ wɑ́ɑ pɔ mbíꞋŋɡɔ pʉʉ kɑ jʉ́ɔ mɛnu mɑ̌ɑmɑɑnɛ mi ŋ kɑ ɡɛnɛ, ɛ́ nyɛt mɛtʉʉ-Sɛ́ pɔ́, pʉʉ lɔɔ wɑ́ɑ ntɛ́ pɔ pɑ́Ꞌ pʉʉ kɑ kwɛ́tnɛ mbɛlɛ̂ɛt tɛ ńzwɛ́t lɑ́.
Yɛ́su kɑ pɔ́ ńcú mɔnɛ mɛnu, ŋkɑ́ yi ɑ kɑ pɔ́ ńzíꞋ pʉɔ nɛ́ nu-Sɛ́ tsɛt ndɑ́-cúꞋlɛ-pɑyúdɑ Kɑpɛɛnɑwûm.
Pɛ́ pɔ́ tɛ ḿbɔ́ ńjʉ́ ndínɑ, pɑsɑ́Ꞌlɑ́Ꞌ-pɑyúdɑ pɔ́ ŋ́kɑ́t ńdɔɔ wɛ́, ḿbíkŋɛ ŋɡɔ: «Yɛ́su pɔ́ pɔ ɡɔ́?»
