Jɑ̂ŋ 5:28 - Kɑɑ Fí

²⁸ Lɑ́, kɔɔ ɛ́ kʉꞋnɛ wʉ́ʉ kʉꞋnɛ́nɛ, mbíꞋŋɡɔ ŋkɑ́ sɛ́ ŋ́kuꞋ pɑ́Ꞌ pɛpfúsɛ́ pɛtsʉʉ pinɛ pɔ́p nɔɔnɛ tsɛt mɛshi ɡʉ ńzúꞋ ŋɡi yɛ́,

Jɑ̂ŋ 5:28 교차 참조

Jɑ̂ŋ 3:7

Pɑ́ɑ nɛmɑɑ pɑ́Ꞌ n cúnɛ mbɔ̌ ɡu ŋɡɔ pɛ́ ɡẅɛɛ nɛpɛn ḿbí wʉ́ʉ fí fí.

Jɑ̂ŋ 4:21

Yɛ́su cú mbɔ̌ wɛ́ ŋɡɔ: «Mɑ́ɑ, pɛ́m nu yí mɔ ńcú. Ŋkɑ́ sɛ́ ŋ́kuꞋ pɑ́Ꞌ pʉʉ kɛ́ pɛn ŋ́ɡúꞋlɛ Tɑ̌ɑ ndǔ nɔ nɛŋkɔ́Ꞌ pɔ́, mbɑ Yɛlúsɑlɛm pɔ́.

Jɑ̂ŋ 4:23

Lɑ́, ŋkɑ́ sɛ́ ŋ́kuꞋ, tɛ ɛ́ zɛɛ mɔ́ ŋ́kuꞋ kuꞋnɛ, pɑ́Ꞌ kwɑꞋ pɑɡúꞋlɛ Sɛ́ ɡʉ ŋ́ɡɔ ŋ́ɡúꞋlɛ Sɛ́ Tɑ́t, ńdɔk pɔ Zẅikŋɛ yɛ́, lɑ ŋ́ɡúꞋlɛ wɛ́ tsɛt nu nɛ́nẅín. MbíꞋŋɡɔ ɛ́ ntɛ́ pɑɡúꞋlɛ pi Sɛ́ sɛ́ ńdɔɔ.

Jɑ̂ŋ 5:20

MbíꞋŋɡɔ Tɑ̌ɑ kɔŋ Mɔ́ɔ tɛꞋ, ńnyɛt wɛ́ nɛ́ mbɑ kʉ̈ɔ́ lɑ́ yi ɑ ɡɛnɛ. A pɛn ḿbɔ́ ŋ́ɡʉ ńnyɛt wɛ́ nɛ́ yúu mi ɛ́ ɡúꞋnɛ tɛ pʉʉ jʉ́ɔ ɛ́ tsuŋ ŋ́kʉꞋnɛ wʉ́ʉ.

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 3:12

Pyɛ̂ jʉ́ɔ pɑ́Ꞌ pɔ́p sɛ́ ńcúꞋlɛ nɛjɔ́ŋ pɔ́p pɔ́Ꞌɔ, ńcú mbɔ̌ lɑ́Ꞌ ŋɡɔ: «Pʉɔ-Íslɑyɛ̂l, pʉʉ mɑɑ pɑ́Ꞌ ɑ fíitɛ́nɛ mbíꞋkʉ̈ɔ́? Pʉʉ sɛ́ ńdíŋɛ wɛ́k pɔ pɑ́Ꞌ ŋkɑ́ yi pɛk lɔk pɔ mɛk mɛtʉʉ kɛ pɔ mɛk mɛfɑꞋ nzʉʉ Sɛ́ lɑ́ ńdɔk ŋ́ɡɛ wɔ ŋu nɛn ntɛ́ kʉ̈ɔ́?»

1 Kɔlɛ̂ŋtɛ 15:22

Ndʉ́ŋndʉŋ pɑ́Ꞌ pʉɔmɛsɔŋ tsʉʉ lɔknɛ pɑ́Ꞌ pɔ́p kɑ lɛɛtɛ nǔu Ádɑm ḿpfútɛ lɑ́, pɔ́p pɛ́tsʉʉ ɡʉ ḿbɛn ńdɔk pɑ́Ꞌ pɔ́p ńdɛɛ nǔu Kɛlístɔ ńzẅíimɛ nǔu nɛvú.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Mɛnu ɛ́ ńdɑ́Ꞌ ńcẅɛt 20:12

M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.