Jɑ̂ŋ 4:45 - Kɑɑ Fí

⁴⁵ Lɑ́ ŋ́ɡʉ tɛ ŋ́kúu Ŋɡɑlilɛɛ, pɑŋɡɑlilíyɑ kúkŋɛ wɛ́ sʉ́Ꞌnɛ. MbíꞋŋɡɔ pɔ́p kɑ ɡʉ ndínɑ Yɛlúsɑlɛm, ŋ́kúu zúꞋu, ńjʉ́ɔ mbɑ kʉ̈ɔ́ lɑ́ yi ɑ ḿbɔ́ ŋ́ɡɛ.

Jɑ̂ŋ 4:45 교차 참조

Lúkɑ́shi 13:1

Ɛ́ pɔ́ ŋkɑ́ yîyɑ́, pɛcɔ́ pʉɔ tɔ́ ḿbɔ́ ḿbɛ́ɛtɛ mɛnu mi ɛ́ kɑ lɛɛnɛ sẅíi Yɛ́su, ɛ́sẅíi wɛ́ pɑ́Ꞌ Pilɑ́tɔ kɑ ɡɛnɛ pɛ́ jẅítɛ pʉɔ-Ŋɡɑlíliyɑ, ŋkɑ́ yi pɔ́p kɑ pɔ́ ŋ́ɡɑ́ yúu pɔꞋ mbɔ̌ Sɛ́.

Lúkɑ́shi 8:40

Yɛ́su pɛn nzʉʉ tɛ ŋ́kúu nǔu yɛcɔ́ njʉ́n, lɑ́Ꞌ pɔ́ zúꞋu, mbɔ pɔ́p ńdɑ́Ꞌ mɔ́ ńzɛ nɛzẅíꞋlɛ wɛ́, pɔ́p jʉ́ɔ wɛ́, ŋ́ɡɔ́ɔ ńtsɑ́ɑtɛ tɛꞋ.

Lúkɑ́shi 9:53

Pʉɔ-lɑ́Ꞌ ɛ̂pɑ́ zúꞋ ŋɡɔ Yɛ́su ńdɛɛ ŋ́ɡʉ nɛ́ Yɛlúsɑlɛm, ńdʉꞋ nɛɡɑ́ zʉꞋ mbɔ̌ wɛ́.

Jɑ̂ŋ 2:23

Yɛ́su pɛ́t ḿbɔ́ pɔ Yɛlúsɑlɛm, pɛ́ pɔ́ ńjʉ́ ndínɑ-pɑ́skɑ-pɑyúdɑ, lɑ́Ꞌ jʉ́ɔ mɛnu mɑ̌ɑmɑɑnɛ mi ɑ ɡɛnɛ, pʉɔ tɛ ńzɑ́ɑ zɑ́p tʉ́m nǔu wɛ́.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 4:54

Yɛ́su ɡɛ yɔ nu mɑ̌ɑmɑɑnɛ, ŋkɑ́ yi ɑ fúnɛ Judɛ̂ ḿbɛn Ŋɡɑlilɛɛ pɑ́Ꞌɑ, ɛ́ lɔk ḿbɔ́ nu mɑ̌ɑmɑɑnɛ mbɑ́ɑtɛ yɛ́pɑ́ yi ɑ ɡɛnɛ.