38 Ŋ kɑ túu wʉ́ʉ nɛlɔk yúu mi pʉʉ ŋkɑɑ jʉ́ɔ yɛcɔ́ ŋɡʉ̈ɔ́Ꞌ nǔu ḿbi pɔ́, pɛcɔ́ pʉɔ kɑ jʉ́ɔ ŋɡʉ̈ɔ́Ꞌ, pʉʉ kɑ tɔ́ yʉ́ʉ, ńtsʉ́Ꞌ ńjʉ́ pii-fɑꞋ yɔ́p jʉ́nɛ.»
Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.
A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.
Pɑ́Ꞌ ɔ kɑ túunɛ wɑ́ɑ ndǔmbí lɑ́, mbɑ mɔ yɑ́ɑ n túu wɔ́p ndǔmbí ɡúu.
Pɔ́Ꞌɔ, sɑknɛkɛt yí ɛ́ cúnɛ ŋɡɔ: «Ŋu ɑ pinɛ yúu ɡú, ndɔkyúu pɔ́ ɡú ɛ́ nɛ́nẅín.
Ɛ́ kɑ fú nǔu sẅiŋɛ-mɑŋɡɛ́ ɛ̂wɑ́ yi ɑ kɑ pɔ́ ńcú ŋɡɔ: «A sẅíi wɑ́ɑ nɛ́ mbɑ kʉ̈ɔ́ lɑ́ yi ŋ kɑ ɡɛnɛ, Pʉɔ-Sɑmɑlîi tɛ ńzɑ́ɑ pi pɔ́p m̄bɔ́nɛ nǔu yîyɑ́ tʉ́sɔŋ zɑ́p tʉ́m nǔu Yɛ́su,
Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.
Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.
Ɛ́ ɡɔ́ ḿbɔ́, mbɔ ɛ́ ɡʉ nǔu pʉɔ pi pɔ́p zúꞋnɛ sẅíŋɛ-Pyɛ̂ pɔ́p Jɑ̂ŋ, nɛzɑ́ɑ pɛ́m. Tɛ pɔ́p pɔ́ ŋkɑ́ ɛ̂yɑ́ tɛmtɛ nǔu pɛcɔ́ pɑpɛ́m Yɛ́su ḿbɔ́ mbɛ́ɛnɛ yúu ntsɑ́Ꞌ yɛ́tɑ́ɑ.
Mbɛ́ɛnɛ tɛ ńzɑ́ɑ pɔ́p pɑŋɡɛ́ kɑ pɔ́ ńzɑ́p tʉ́m nǔu Tsɑpʉɔ ŋ́kúu tsɛt nɔɔ yɔ́p. Ɛ́ pɔ́ lɛ́Ꞌ tsʉʉ ndɛn wɔ́p pɔ́ ŋ́kẅiꞋ.
Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.
Pɛk kɑ́ pɔ́ ŋ́ɡʉ kɑꞋmɛ tɛ jɛ́Ꞌ wɛ́k ndẅiklɛ fɑꞋ, ńdɔk fɑꞋ-pʉɔ pɛndɛꞋ kɑꞋmɛ pɔ́. Pɑ́Ꞌ pʉʉ nǔu wɛ́k ndẅiklɛ fɑꞋ lɑ́, pɛk sɛ́ ńzẅíꞋlɛ ŋɡɔ wʉʉ nɛzɑ́p tʉ́m nǔu Sɛ́ kẅiꞋ ŋ́ɡʉ pɔ nɛ́ mbi. Nu yi pɛk kɑ cúnɛ ɛ́ cʉŋɛ mɛŋɑŋ tsɛtsɛt pʉʉ pɑ́Ꞌ ɛ́ sɛ́ ḿbíkŋɛ.
