Jɑ̂ŋ 4:21 - Kɑɑ Fí

²¹ Yɛ́su cú mbɔ̌ wɛ́ ŋɡɔ: «Mɑ́ɑ, pɛ́m nu yí mɔ ńcú. Ŋkɑ́ sɛ́ ŋ́kuꞋ pɑ́Ꞌ pʉʉ kɛ́ pɛn ŋ́ɡúꞋlɛ Tɑ̌ɑ ndǔ nɔ nɛŋkɔ́Ꞌ pɔ́, mbɑ Yɛlúsɑlɛm pɔ́.

Jɑ̂ŋ 4:21 교차 참조

Mɑtʉ̈ɔ 18:20

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Lúkɑ́shi 21:24

Pɛ́ lɔk mɛníi-ntsɔ ŋ́ɡwɑt pʉɔ, ŋ́ɡẅɛɛ pɛcɔ́, ɛ́sɑt mɛlɑ́Ꞌ mɛlɑ́Ꞌ pɔ́p tsʉ́Ꞌ pɛkwɑɑ. Yɔ ntɛ́ yi pʉɔ mɛlɑ́Ꞌ mi pɔ́p kɑ́ jí Sɛ́ pɔ́, ɡʉ ńdɑ́Ꞌ ḿbuu ɛ́sɑt Yɛlúsɑlɛm pɔ́Ꞌɔ, ńnɔꞋ pʉɔ zúꞋu tɛ yɔ́p ŋkɑ́ lɑ́Ꞌ ḿmɛ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Jɑ̂ŋ 16:32

Ŋkɑ́ sɛ́ ŋ́kuꞋ, tɛ ɛ́ zɛɛ ŋ́kuꞋ kuꞋnɛ, pɑ́Ꞌ pʉʉ ɡʉ ńtɑ́kŋɛ ɛ́sɑt zʉꞋ. Mbɑ wɔ̌ lɑ́ lɔk yɛ́ ɡúŋ, ńnɑ́ wɑ́ɑ zɛ́nɛ mɔ, lɑ́ ŋ kɛ́ mbɔɔ zɛ́nɛ mɔ pɔ́, pɛk Tɑ̌ɑ mɔ pɔ́nɛ.

Jɑ̂ŋ 4:23

Lɑ́, ŋkɑ́ sɛ́ ŋ́kuꞋ, tɛ ɛ́ zɛɛ mɔ́ ŋ́kuꞋ kuꞋnɛ, pɑ́Ꞌ kwɑꞋ pɑɡúꞋlɛ Sɛ́ ɡʉ ŋ́ɡɔ ŋ́ɡúꞋlɛ Sɛ́ Tɑ́t, ńdɔk pɔ Zẅikŋɛ yɛ́, lɑ ŋ́ɡúꞋlɛ wɛ́ tsɛt nu nɛ́nẅín. MbíꞋŋɡɔ ɛ́ ntɛ́ pɑɡúꞋlɛ pi Sɛ́ sɛ́ ńdɔɔ.

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 5:28

Lɑ́, kɔɔ ɛ́ kʉꞋnɛ wʉ́ʉ kʉꞋnɛ́nɛ, mbíꞋŋɡɔ ŋkɑ́ sɛ́ ŋ́kuꞋ pɑ́Ꞌ pɛpfúsɛ́ pɛtsʉʉ pinɛ pɔ́p nɔɔnɛ tsɛt mɛshi ɡʉ ńzúꞋ ŋɡi yɛ́,

ŊwɑꞋnɛ-Gɑŋntúu Yɛ́su Kɛlístɔ 6:14

Pɛk kɑ zɛɛ ńzúꞋ ɑ cú ŋɡɔ Yɛ́su ŋu-Nɑ̌ɑzɑlɛt jʉ́ ɡʉnɛ ŋ́ɡɛ ŋ́kɛm Ndɑ́-nɔŋpɔꞋ yɛkŋɛ, ḿbɛn ŋ́kúp mɑt ẅí Mɔ̌sɛ̂ɛ kɑ ɡɑ́nɛ mbɔ̌ pɛkŋɛ.»

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

1 Timɔtɛ́ɛ 2:8

Ɛ́ ɡʉ nǔu nu nɛcɛꞋlɛ Sɛ́ mɔ sɛ́ ŋ́kɔŋ ŋɡɔ mbɑ ɡɔ́ lɑ́ yi pʉɔ-Kɛlístɔ cúꞋlɛ́nɛ zúꞋu, mbɛ́ɛnɛ cɛꞋlɛ Sɛ́, ŋ́ɡɔ ńcɛꞋlɛ, ḿbɔ́ pʉɔ pi pɔ́p kɑ́ zɑ́p mbɔ́ nǔu yúu kɛpɔŋ lɑ ḿbɛn ŋ́kɑꞋ ŋ́ɡɑ́ tʉ́ ŋkɑ́ nɛcɛꞋlɛ Sɛ́ pɔ́. Pɔ́p pɛn ḿbɔ́ pʉɔ pi pɔ́p kɑ́ pɔ́ pɑzɑ́ŋlɔ́ŋ pɔ́, ŋ́kɛ́ mbɔɔ lɔɔ fɛꞋ pɔ́.

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

Mɛnu ɛ́ ńdɑ́Ꞌ ńcẅɛt 21:22

Lɑ́ ŋ kɛ́ ńdíŋɛ tʉ́sɔŋ tsʉʉ mbɔɔ ndɑ́-nɛnɔŋpɔꞋ zúꞋu jʉ́ɔ, mbíꞋŋɡɔ ndɑ́-nɛnɔŋpɔꞋ yɛ́ tʉ́sɔŋ ɛ̂yɑ́, ḿbɔ́ pɔ Tsɑpʉɔ Sɛ́, Ŋɡɑŋmɛtʉʉ tsʉʉ mbɑ Mɔ́ɔ-Njinjɔ.