Jɑ̂ŋ 21:7 - Kɑɑ Fí

⁷ Ŋɡɑŋku ẅí Yɛ́su kɑ pɔ́ ŋ́kɔŋ wɛ́ tɛꞋ cú mbɔ̌ pyɛ̂ ŋɡɔ: «A pɑ́Ꞌɑ ḿbɔ́ Tsɑpʉɔ!» Pyɛ̂ zúꞋ ŋɡɔ ɑ Tsɑpʉɔ, ḿbɛ́ɛ ndẅí yɛ́ yi ɑ lɑ́Ꞌnɛ ɛ́sɔt, ḿmɑꞋ, ŋ́ɡɔ́ɔ ŋ́kɛ́ ńjɛ́Ꞌ ŋ́kúu ŋki.

Jɑ̂ŋ 21:7 교차 참조

Mɑ́lɛ́kúshi 11:3

Pʉʉ lɑɑ ḿbɔ́ ŋ́kíɛꞋ ŋu píkŋɛ wʉ́ʉ ŋɡɔ: Pʉʉ kíɛꞋ njɑkɑ́ɑshi wɑ́ ńdɔk ŋ́ɡʉ nɛ́ ɡɔ́, pʉʉ pʉ̈ɔt ŋɡɔ: Tsɑpʉɔ lɑ́Ꞌnɛ ḿbɔ́ ńtsɑ́ɑ, ɑ kɛ́ lɑ́ɑtɛ, ḿbɑꞋ zɑ́Ꞌnɛ.»

Lúkɑ́shi 12:35

Pʉʉ niitɛ mbʉʉ yʉ́ʉ, ńdyɛt mɛkyɛꞋ, ńtíktɛ!

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Lúkɑ́shi 7:47

Ɛ́ lɛɛ pɔ́Ꞌɔ, lɑ́ ɛ sẅíi wú ŋɡɔ, mɑŋɡɛ́ wɔ ńnyɛt yɔ ntɛ́ kɔŋɛ pɑꞋɑ, mbíꞋŋɡɔ pɛ́ ńdikŋɛ mɛnu kɛpɔŋ mɛ́ mi ɛ́ kɑ zɑ́ɑ mɔ́ tɛꞋ, ŋ́ɡɑ́ mbɔ̌ wɛ́. Lɑ́ ŋ́ɡʉ nǔu ŋu ẅi ɑ jʉ́ɔ ŋɡɔ mɛnu kɛpɔŋ mɛ́ mi pɛ́ likŋɛ́nɛ kɛ́ ḿbɔɔ zɛɛ ńzɑ́ɑ tɛꞋ pɔ́, mbɔ yɛ́ ŋkɔŋɛ ɡʉ ḿbɛn ḿbɔ́ pɔ mɔ́zʉꞋ.

Jɑ̂ŋ 13:23

Wɛcɔ́ tɑ́Ꞌ nǔu ɡɑŋku Yɛ́su ẅi ɑ kɑ pɔ́ ŋ́kɔŋ wɛ́ tɛꞋ, pɔ́ nɛjɔ́ŋ yɛ́ ḿbɔ́ ńjʉ́ yúu.

Jɑ̂ŋ 19:26

Yɛ́su jʉ́ɔ pɑ́Ꞌ mɑ́ wɛ tʉ́ʉnɛ nɛjɔ́ŋ ŋɡɑŋku wɛ ẅí ɑ kɑ pɔ́ ŋ́kɔŋ wɛ́ tɛꞋ, ńcú mbɔ̌ mɑ́ wɛ ŋɡɔ: «Mɑ́ɑmɑɑ, mɔ́ɔ nu pʉ́ɔlɑ́.»

Jɑ̂ŋ 20:2

A kʉ̈ɔ́, ŋ́ɡʉ ńjʉ́ɔ Símɔ̂ŋ Pyɛ̂ pɔ́p wɛcɔ́ ŋɡɑŋku-Yɛ́su wɑ́ ẅi ɑ kɑ pɔ́ ŋ́kɔŋ wɛ́ tɛꞋ lɑ́, ńcú mbɔ̌ pɔ́p ŋɡɔ: «Pɛ́ lɑ́Ꞌ ɛ́fú tsɛt nɛshi ɛ̂nɑ́, ńcẅɛɛtɛ pfú-Tsɑpʉɔ. Pɛk kɑ́ pɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Jɑ̂ŋ 20:20

A cú pɔ́Ꞌɔ, ńnyɛt wɔ́p nɛ mbɔ́ mɛ́, mbɑ ɡúŋ mbʉʉ yɛ́. Gɑŋku pɛ́ jʉ́ɔ wɛ́, ńtsɑ́ɑtɛ tɛꞋ pɑ́Ꞌ pɔ́p jʉ́ɔnɛ Tsɑpʉɔ.

Jɑ̂ŋ 20:28

Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»

Jɑ̂ŋ 21:20

Pyɛ̂ shɔtnɛ, ńjʉ́ɔ ŋɡɑŋku ẅí Yɛ́su kɔŋnɛ wɛ́ tɛꞋ lɑ́, ẅi pɛ́ kɑ pɔ́ ńjʉ́ yúu, ɑ ŋɔ́nɛ nɛtúutɛ-Yɛ́su ḿbíkŋɛ wɛ́ ŋɡɔ Tsɑpʉɔ wɔ̌ ɡʉnɛ ɛ́fɛn wú?

Jɑ̂ŋ 21:24

Ẅîwɑ́ ŋɡɑŋku-Yɛ́su ẅi pɛ́ cúnɛ, kɑ jʉ́ɔ mɔnɛ mɛnu, jʉ́ kɑ ŋwɑꞋnɛ́nɛ. Pɛk pɛn ḿbɔ́ ńjí ŋɡɔ nu yí ɑ cúnɛ ɛ́ nɛ́nẅín.

Jɑ̂ŋ 21:8

Pɛcɔ́ ɡɑŋku-Yɛ́su lɔk kɑnúꞋ ḿbɔ́ ńtɔ́, ḿbɔ́ ɛ́shuŋ mɛŋkʉ, mbɔ mɛshú kúu tsɛtú tɛ ńdúu. Pɔ́p ŋkɑɑ zɛɛ sîi ḿbɔ́ pɔ tɛ sɔŋ-ŋki pɔ́. Nɛfú mbʉʉ ŋki ŋ́kúu zʉꞋ yi pɔ́p kɑ pɔ́nɛ zúꞋu kɑ pɔ́ yúu mítɑ ŋkʉ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

1 Kɔlɛ̂ŋtɛ 15:47

Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

Jɑ̂k 2:1

Pɔ́ɔpɛ́mɑ́ pɑ́ɑ kɔɔ pʉʉ pɔ́ ńzɑ́p tʉ́m nǔu Tsɑpʉɔ Yɛ́su Kɛlístɔ wɛkŋɛ ẅí ɑ ɡẅɛɛnɛ mɑ́mɑ́ nɛɡúꞋ, ḿbɛn ŋ́ɡẅɛɛ tɔŋ tsɛtsɛt pʉʉ.