Jɑ̂ŋ 21:22 - Kɑɑ Fí

²² Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»

Jɑ̂ŋ 21:22 교차 참조

Mɑtʉ̈ɔ 16:24

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

Mɑtʉ̈ɔ 24:27

Jínɛ ŋɡɔ mɛnɛ́ɛ-mbʉŋ ɡɛ ŋɡɔ ŋwɑŋ, ɛ́fú nɛsɑ́Ꞌ-nɛm, ŋ́ɡʉ ŋ́kúu mbɛ́nɛm, ɛ́ ndʉ́ŋndʉŋ pɑ́Ꞌ pɛ́ ńdɑ́Ꞌ ńjʉ́ɔ Mɔ́ɔ-Ŋu pɑ́Ꞌ ɑ tɔ́nɛ.

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

Mɑtʉ̈ɔ 24:44

Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑtʉ̈ɔ 8:22

Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»

Mɑ́lɛ́kúshi 9:1

Yɛ́su pɛn ńcú mbɔ̌ pɔ́p ŋɡɔ: «Ɛ sẅíi wʉʉ, kwɑꞋ nɛ́nẅín, ŋɡɔ pɛcɔ́ ntɑ́Ꞌ nǔu pʉɔ pí pɔ́p zɑ́Ꞌnɛ ŋkɔ̂ɔnɛ kɛ́ ɡɛ ḿpfú kɛ́ pɔ́ yi pɔ́p lɔk mík ńjʉ́ɔ Nɛfɔɔ-Sɛ́ pɑꞋ ɛ́ tɔ́nɛ nɛ́ nɛŋwɑ́ŋɛ wɛ pɔ́.»

Jɑ̂ŋ 21:19

Yɛ́su cú pɔ́Ꞌɔ, ńdɔk ńdɛꞌlɛ ntɛ́ nɛvú ni pyɛ̂ ɡʉ ŋ́ɡɛ ḿpfú yɛ́t, ɛ́ lɔk ŋ́ɡúꞋlɛ Sɛ́. Yɛ́su cú pɔ́Ꞌɔ, ḿmɛkŋɛ ŋɡɔ: «Cʉ́ɔ nzʉʉ mɔ.»

Jɑ̂ŋ 21:21

Pyɛ̂ jʉ́ɔ wɛ́ pɔ́Ꞌɔ, ḿbíkŋɛ Yɛ́su ŋɡɔ: «Tsɑpʉɔ, ŋ́ɡʉ nǔu wɔ ŋu, mbɔ kʉ̈ɔ́ ɡʉ ŋ́ɡɛ ŋ́ɡɛ wɛ́?»

1 Kɔlɛ̂ŋtɛ 11:26

Pʉʉ jí ŋɡɔ ŋɡɔŋ ŋkɑ́ tsʉʉ yi pʉʉ kwɛ́tnɛ yɔ mbɛlɛ̂ɛt, ḿbɛn ńnɔ́ yɔ ntúꞋ, pʉʉ lɔk pɔ́Ꞌɔ ɛ́sɑ́Ꞌ ŋɡɔ Tsɑpʉɔ kɑ́ pfú, ŋ́kɛ́ ńdɑ́Ꞌ ɛ́sɑ́Ꞌ pɔ pɔ́Ꞌɔ, tɛ ńdɑ́Ꞌ kúu lɛ́Ꞌ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Jɑ̂k 5:7

Pɔ́ɔpɛ́mɑ́ pɑ́ɑ, pɔ́Ꞌɔ lɑ́ pʉʉ lɔk kɔk mbʉʉ ńzẅíꞋlɛ tɛ ŋ́kúu ŋkɑ́ yi Tsɑpʉɔ ɡʉ ńtɔ́. Pʉʉ jʉ́ɔ pɑ́Ꞌ nzʉ́Ꞌnɑŋ kɑ lɑ́Ꞌ ńdɔk pɔ kɔkmbʉʉ ńzẅíꞋlɛ ŋɡɔ tsɛ́tsɑ́Ꞌ zɛ́m yúu sʉ́Ꞌnɛ, ɛ́ zɛ́m, ɑ kɑ́p ntú, ńzẅíꞋlɛ tɛ ńtɑ́ɑ ḿbɛn ŋ́kɑ́p nzʉʉ.

Jɑ̂k 5:8

Mbɑ pʉʉ yʉ́ʉ, pʉʉ lɔk kɔkmbʉʉ ńzẅíꞋlɛ, kɔɔ pʉʉ citɛ mbʉʉ mbíꞋŋɡɔ ɛ́ tsʉ́Ꞌ pɔ mɔ́zʉꞋ, Tsɑpʉɔ tɔ́.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 2:25

Mɔ sɛ́ ḿbíkŋɛ pɔ ndɑꞋ ŋɡɔ, yúu mi pʉʉ ɡẅɛɛnɛ, pʉʉ niitɛ ŋ́ɡẅɛɛ sʉ́Ꞌnɛ tɛ ŋ́kúu ŋkɑ́ yi ŋ ɡʉ ŋ́ɡɛ ńtɔ́.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.

Mɛnu ɛ́ ńdɑ́Ꞌ ńcẅɛt 22:7

Yɛ́su kɑ pɔ́ ńcú ŋɡɔ: Mɔ n ɡʉ fɛ́Ꞌnɛ ńtɔ́. Pɔ́ttú ɑ ŋu ẅí ɑ kúꞋlɛ́nɛ mɛnu mi pɛ́ cúnɛ tsɛt nɛpúꞋ-ŋwɑꞋnɛ-ŋɡɛ́mndʉ̈ɔ́Ꞌ, ɛ́ pɔ́ mi ɛ́ ɡʉ ŋ́ɡɛ ŋkɔ̂ɔnɛ mbɑ mi ɛ́ ɡʉ ńdɑ́Ꞌ lɑ́ ŋ́ɡɛ.

Mɛnu ɛ́ ńdɑ́Ꞌ ńcẅɛt 3:11

Ŋ ɡʉ fɛ́Ꞌnɛ ńtɔ́. Pʉʉ ɡẅɛɛ yúu mi ɛ́ mbɔ̌ pʉʉ tɛ ɛ́ tɛn ńjí ŋɡɔ wɛcɔ́ ŋu kɛ́ cẅɛ́ɛ yʉʉ ŋɡúꞋ pɔ́.