Jɑ̂ŋ 2:18 - Kɑɑ Fí

¹⁸ Pɑsɑ́Ꞌlɑ́Ꞌ-pɑyúdɑ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Gɛ ndɑɑkɑ́jʉ́ɔ nu mbi pɛk ńdɔk ńnyɛt wɛ́k ŋɡɔ pɛ́ kɑ ɡɑ́ wú nɛ́ mɛtʉʉ nɛɡɛ yúu mi ɔ ɡɛnɛ lɑɑ.»

Jɑ̂ŋ 2:18 교차 참조

Mɑtʉ̈ɔ 21:23

Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»

Mɑ́lɛ́kúshi 8:11

Pʉɔ tsɛt nɔɔ-pɑfɑlísɑy tɔ́ nɛjɔ́ŋ yɛ́ ḿbɔ́ ńdɔɔ nu nǔu yɛ́, ńtsʉ́ʉnɛ wɛ́ ŋɡɔ ɑ ɡɛ ŋkʉꞋnɛ nu ŋɡɔ ɑ nyɛt ŋɡɔ Sɛ́ kɑ túunɛ wɛ́, ŋɡɔ ɑ nyɛt wɔ́p nɛ́ ntɛ́ yi ɛ́ nyɛtnɛ ŋɡɔ Sɛ́ túunɛ wɛ́.

Lúkɑ́shi 11:29

Yɛ́su pɔ́ sẅíiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ kɔ́Ꞌnɛ, ɑ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ pinɛ pɔ́p tsɛt mbí ŋkɔ̂ɔnɛ pɔ́p kɑ́ pɔ́ŋ. Pɔ́p sɛ́ ḿbíkŋɛ wɑ́ɑ ŋɡɔ n nyɛt lii. Lɑ́ pɛ́ kɛ́ nyɛt wɔ́p yɛcɔ́ yúu pɔ́, tɛ ńdíꞋ ndɑꞋ nu yi ɛ́ kɑ ɡɛnɛ Yɔ́nɑ́shi.

Jɑ̂ŋ 1:19

Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 1:25

Pɔ́p pɛn ḿbíkŋɛ Jɑ̂ŋ ŋɡɔ: «Lɑ́ ɔ kɑ́ pɔ́ Nzɑ́Ꞌŋkʉ pɔ́, ŋ́kɛ́ mbɔɔ Ɛlíyɑ pɔ́? Ŋ́kɛ́ mbɔɔ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ pɔ́, tɛ mɛlɑ́Ꞌ kʉ̈ɔ́ ɔ nuꞋ pʉɔ ŋki?»

Jɑ̂ŋ 6:30

Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?

ŊwɑꞋnɛ-Gɑŋntúu Yɛ́su Kɛlístɔ 4:7

Pɔ́p cú, pɛ́ lɔk Pyɛ̂ pɔ́p Jɑ̂ŋ ńtɔ́ mbi pɔ́p. Pɔ́p píkŋɛ wɔ́p ŋɡɔ: «Mɛtʉʉ kɑ fú ɡɔ́ pʉʉ lɔk ŋ́ɡɛ wɔ ŋɡɑŋɡɔɔ fíitɛ? Pʉʉ ḿbɔ́ pɑꞋnɛ ńdɔk lík wɔ̌ lɑ ŋ́ɡɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 5:28

«Pɛk ŋkɑɑ tɔꞋ wʉ́ʉ nɛpɛn ńzíꞋ nu-ŋu wɑ́ mbɔ̌ pʉɔ pɔɔ? Pʉʉ pɛn ńdɔk nu yɛ́ ɛ́sɑt Yɛlúsɑlɛm tsʉʉ. Pʉʉ kɑ lɔɔ pɑꞋnɛ ŋɡɔ pɛ́ ɡɔ́ pɛk jí nu nǔu nɛvú wɛ pɔ́ ɔɔ?»