Jɑ̂ŋ 19:42 - Kɑɑ Fí

⁴² Pɑ́Ꞌ Pɑyúdɑ kɑ pɔ́ ńniitɛ mbʉʉ yɔp ntɛ́ lɛ́Ꞌnji yɔ́p lɑ́, zɑꞋ-njí pɔ́ ńdɛɛ, pɛ́ tíi pfú-Yɛ́su ńdɔk ŋ́ɡʉ ńníꞋ tsɛt nɛshi ni pɛ́ kɑ pɛ́t ɛ́sʉꞋ nǔu ŋɡɔꞋ. MbíꞋŋɡɔ ɛ́ kɑ pɔ́ pɔ nɛpɑt zúꞋu.

Jɑ̂ŋ 19:42 교차 참조

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Jɑ̂ŋ 19:14

Ɛ́ pɔ́ lɛ́Ꞌ yi pɛ́ niitɛ́nɛ ndínɑ-Pɑ́skɑ, ɛ́ kɑ pɔ́ ntʉ̌ʉ nɛm. Pilɑ́tɔ cú mbɔ̌ Pɑyúdɑ ŋɡɔ: «Fɔɔ wʉʉ pʉ́ɔlɑ́.»

Jɑ̂ŋ 19:20

ZʉꞋ yí pɛ́ kɑ kẅiinɛ Yɛ́su zúꞋu kɑ pɔ́ nɛpɑt tʉ́sɔŋ-Yɛlúsɑlɛm. Pɑyúdɑ tɛ ńzɑ́ɑ pɔ́ ńdɛɛ zúꞋu ɛ́fúŋ yúu mi pɛ́ ŋwɑꞋnɛ́nɛ. Ɛ́ pɔ́ nǔu sẅiŋɛ pʉɔ-Hɛbɛlʉ́, ḿbɔ́ nǔu sẅiŋɛ-pɑlɔ́mɑ mbɑ nǔu sẅiŋɛ pʉɔ-Ŋɡɛlɛk.

Jɑ̂ŋ 19:31

Pɛ́ kɑ pɔ́ lɛ́Ꞌ ɛ̂yɑ́ ḿbɔ́ ńniitɛ lɛ́Ꞌnji-Pɑyúdɑ, ɛ́ pɛn mbɔɔ pɔŋ ŋɡɔ ɛ́ pɔ́ lɛ́Ꞌnji, mɛpfú-pʉɔ pɔ́ nǔu mɛtʉ́ mbɑ́ŋtɛ pɑ́ŋtɛ́nɛ pɔ́, yîyɑ́ nu zɛɛ ḿbɔ́ ŋ́ɡʉ ḿbɔ́ nji ɡwɛ́ tɛꞋ. Pɛkɛ́m-Pɑyúdɑ ɡʉ ńjʉ́ɔ Pilɑ́tɔ, ḿbúꞋ mbɔ́ mbɔ̌ wɛ́ ŋɡɔ ɑ ɡɛ pɛ́ pʉ̈ɔ́Ꞌtɛ mɛku-pʉɔ pí pɔ́p nǔu mɛtʉ́ mbɑ́ŋtɛ pɑ́ŋtɛ́nɛ, pɔ́p pfútɛ, pɛ́ fú nǔu mɛtʉ́ mbɑ́ŋtɛ pɑ́ŋtɛ́nɛ ŋ́kɔk wɔ́p.

Jɑ̂ŋ 19:41

Yɛcɔ́ ŋkɑ́Ꞌ kɑ pɔ́ nɛpɑt zʉꞋ yí pɛ́ kɑ kẅiinɛ Yɛ́su nǔu tʉ́ mbɑ́ŋtɛ pɑ́ŋtɛ́nɛ zúꞋu. Nɛcɔ́ nɛshi nɛ fí pɔ́ tsɛt ŋkɑ́Ꞌ ɛ̂wɑ́, mbɔ pɛ́ ŋkɑɑ mɔ́ zɛɛ ńníꞋ ŋu tsɛtú pɔ́.

ŊwɑꞋnɛ-Gɑŋntúu Yɛ́su Kɛlístɔ 13:29

Pɔ́p kɑ pɔ́ tɛ ŋ́ɡɛ mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ntɛ́ jʉ́ Yɛ́su, pɔ́p ɡɛ pɛ́ fú nǔu tʉ́ mbɑ́ŋtɛ pɑ́ŋtɛ́nɛ ŋ́kɔk wɛ́, ńníꞋ tsɛt nɛshi.

1 Kɔlɛ̂ŋtɛ 15:4

Pɛ́ kɑ ńníꞋ wɛ́ tsɛt nɛshi, ɛ́ ɡɔ́ ḿbɔ́ lɛ́Ꞌ pɛtɑ́t ɑ zẅíimɛ nǔu nɛvú, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.