Jɑ̂ŋ 18:37 - Kɑɑ Fí

³⁷ Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

Jɑ̂ŋ 18:37 교차 참조

Mɑtʉ̈ɔ 26:64

Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»

Mɑtʉ̈ɔ 27:11

Yɛ́su kúu mbi Ŋɡɔ́mnɑɑ Pilɑtɔ, ɑ píkŋɛ wɛ́ ŋɡɔ: «Ɔ fɔɔ-pɑyúdɑ ɔɔ?» Yɛ́su pʉ̈ɔt mbɔ̌ wɛ́ ŋɡɔ: «Ɔ cú pɔ́Ꞌɔ.»

Mɑ́lɛ́kúshi 14:62

Yɛ́su tsɔ́Ꞌ ŋɡɔ: «Mɔ jʉ́. Pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Sɛ́ ẅi yɛcɔ́ nu wɛ́ kɑ́ tsɑ. Ḿbɛn ńjʉ́ɔ ɑ fú tsɛt lɑ́ɑ tʉ́nɛ́pú ńtɔ́.»

Mɑ́lɛ́kúshi 15:2

Pilɑtɔ píkŋɛ wɛ́ ŋɡɔ: «Ɔ fɔɔ-pɑyúdɑ?» Yɛ́su tsɔ́Ꞌ mbɔ̌ wɛ́ ŋɡɔ: «Ɔ cú pɔ́Ꞌɔ.»

Lúkɑ́shi 22:70

Pɔ́p pɛtsʉʉ kɑ zúꞋ ńcú ŋɡɔ: «Ɔ lɔk ḿbɔ́ mɔ́ɔ-Sɛ́ pɔ?» Yɛ́su tsɔ́Ꞌ ŋɡɔ: «Ɛ́ cẅɛt pɔ ntsu pʉʉ, mɔ kwɑꞋ wɛ́t.»

Lúkɑ́shi 23:3

Pilɑ́tu píkŋɛ Yɛ́su ŋɡɔ: «Ɔ fɔɔ-Pɑyúdɑ pɔ?» Yɛ́su tsɔ́Ꞌ mbɔ̌ wɛ́ ŋɡɔ: «Ɔ cú pɔ́Ꞌɔ.»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 3:32

A cú nu yí ɑ jínɛ nǔu yúu mi ɑ kɑ jʉ́ɔnɛ mbɑ yi ɑ kɑ zúꞋnɛ, lɑ́ ŋu pɔɔ pɛ́m.

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Jɑ̂ŋ 8:14

Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

Jɑ̂ŋ 8:45

Lɑ́ ŋ́ɡʉ nǔu mɔ, pʉʉ pɔɔ ńzɑ́p tʉ́m nǔu mɔ pɔ́, mbíꞋŋɡɔ ɛ sẅíi nu nɛ́nẅín.

Jɑ̂ŋ 8:46

Mbɔ́ wɔ̌ tsɛtsɛt pʉʉ lɛꞋlɛ nu kɛpɔŋ yi mɔ ŋ́ɡɛ mɔ́? N dɑɑ ḿbɔ́ yi ɛ sẅíi nu nɛ́nẅín, mbɔ pʉʉ pɛn ŋ́kɛ́ ḿbɔɔ ḿbɛ́m pɔ́ mɛlɑ́Ꞌ kʉ̈ɔ́?

Jɑ̂ŋ 8:47

Ŋu ẅí ɑ ŋu-Sɛ́ ɑ zẅíꞋlɛ sẅíŋɛ-Sɛ́. Pʉʉ pɛn ḿbɔɔ ńzẅíꞋlɛ sẅiŋɛ yɑ́ɑ pɔ́, mbíꞋŋɡɔ pʉʉ kɑ́ pɔ́ pʉɔ-Sɛ́ pɔ́.

1 Timɔtɛ́ɛ 6:13

Mɔ sɛ́ ńcú yɔ nu mbɔ̌ wú, ńtʉ́ʉ mbi Sɛ́ ẅí ɑ ɡɛnɛ yúu tsʉʉ pɔ́ ɡú, mbɑ mbi Yɛ́su Kɛlístɔ ẅí ɑ kɑ tʉ́ʉnɛ mbi Pɔ́ŋtí Pilɑ́tɔ ńcú nu nɛ́nẅín yi ɑ jínɛ:

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Jɑ̂ŋ 2:21

Ŋ kɑ ɡɔ́ ŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ mbɔɔ ńdɔk ńcú ŋɡɔ pʉʉ kɑ́ pɔ́ ńjí nu nɛ́nẅín pɔ́ pɔ́. Ɛ́ pɔ́ pɔ nu yi pʉʉ sɛ́ ńjí. Pʉʉ pɛn ḿbɔ́ ńjí ŋɡɔ, mbɔ yɛcɔ́ cɔtnu pɔɔ tsɛt nu nɛ́nẅín cẅɛt.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.

1 Jɑ̂ŋ 3:19

Pɛkŋɛ ɡʉ ŋ́ɡɛ pɔ́Ꞌɔ, lɑ́ ńjí ŋɡɔ pɛkŋɛ nǔu ɡúŋ nu nɛ́nẅín, tʉ́ʉ mbi Sɛ́ tʉ́m yɛkŋɛ pɔɔ ɡwɛt.

1 Jɑ̂ŋ 4:6

Ɛ́ ɡʉ nǔu pɛkŋɛ, mbɔ pɛkŋɛ nǔu ɡúŋ-Sɛ́. Ŋu ẅí ɑ sɛ́ ńjí Sɛ́ ɑ sɛ́ ńzẅíꞋlɛ nu yi pɛkŋɛ cúnɛ. Ŋu ẅí ɑ kɑ́ pɔ́ nǔu ɡúŋ-Sɛ́ pɔ́, ɑ pɔɔ yɛkŋɛ nu zẅíꞋlɛ. Pɛkŋɛ fú pɔ pɔ́Ꞌɔ, lɑ́ ńjí nu nɛ́nẅín, ńjí cɔtnu.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Mɛnu ɛ́ ńdɑ́Ꞌ ńcẅɛt 1:4

Yɔ ŋwɑꞋnɛ fú mbɔ̌ mɔ Jɑ̂ŋ, ŋ ŋwɑꞋnɛ ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt ŋɡɔŋ-Azîi. Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, pɔ́p mɛzẅikŋɛ sɑɑmbɑ́ mi ɛ́ mbi kɔꞋ-nɛfɔɔ nɛ́, pɔ́p pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ yʉ́ʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ: