Jɑ̂ŋ 15:11 - Kɑɑ Fí

¹¹ «N cú yɔ nu mbɔ̌ pʉʉ nɛpɔ́ yi tsɑ́ɑtɛ yí ɛ́ tsɛt tʉ́m mɔ ɡʉ ḿbɛn ḿbɔ́ tsɛt tʉ́m yʉ́ʉ, pʉʉ ɡẅɛɛ kwɑꞋ tsɑ́ɑtɛ.»

Jɑ̂ŋ 15:11 교차 참조

Lúkɑ́shi 15:23

Pʉʉ lɔ́ɔ mɔ́ɔ-fɔŋ ẅinɛ ɑ ɡúꞋ tɛꞋ lɑ́, ńjẅí pɛkŋɛ kwɛ́t, ńtsɑ́ɑtɛ,

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Lúkɑ́shi 15:5

A ɡɛ ńdɔ́ɔ tɛ ńjʉ́ɔ, ŋ́ɡɔ ńtsɑ́ɑtɛ, ńtíi wɛ́ ńzɑ́p ŋkɑmbʉ̈ɔꞋ wɛ,

Lúkɑ́shi 15:9

A ɡɛ ńjʉ́ɔ, ɛ́fúŋ pɛsúu pɛ́ mbɑ pɛtɑ̌ɑlɑ́Ꞌ pɛ́, ńcú mbɔ̌ pɔ́p ŋɡɔ: «Pʉʉ tɔ́ pɛkŋɛ tsɑ́ɑtɛ, mbíꞋŋɡɔ n jʉ́ɔ pɑk-ŋkɑ́p yɑɑ yi ɛ́ kɑ pɛ́nɛ lɑ́.

Jɑ̂ŋ 16:24

Lɑ́ ŋ́kúu ŋkɔ̂ɔnɛ, pʉʉ ŋkɑɑ zɛɛ ńdɔk lík yɑ́ɑ ńdɔ́ɔ yɛcɔ́ yúu mbɔ̌ Sɛ́ pɔ́. Pʉʉ lɔ́ɔ ɑ ɡɑ́ mbɔ̌ pʉʉ, tsɑ́ɑtɛ niitɛ ńdúu tsɛt tʉ́m yʉ́ʉ.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Jɑ̂ŋ 17:13

Ɛ́ nǔu ŋkɔ̂ɔnɛ mɔ sɛ́ ńtɔ́ nɛ́ nɛjɔ́ŋ ɡu. Lɑ́ ŋ kɛ́ ńtʉ́ʉ ndǔmbí ńcú yɔ sẅiŋɛ nɛpɔ́ yi pɔ́p ɡʉ ŋ́ɡẅɛɛ yɔ tsɑ́ɑtɛ tʉ́m pɔ́p, kwɑꞋ tsɑ́ɑtɛ.

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

Filipɛ 1:25

Mɔ sɛ́ ńniitɛ ńjí pɔ́Ꞌɔ. Ŋ ɡʉ ḿbɛn ńnɑ́ŋ ḿbɔ́ ńcẅɛ́lɛ wʉ́ʉ pɛ́tsʉʉ nɛtsuŋ ḿbɛ́m nu-Yɛ́su, ŋ́ɡẅɛɛ tsɑ́ɑtɛ.

1 Tɛsɑlɔník 5:16

Pʉʉ pɔ́ ńtsɑ́ɑtɛ tsɑ́ɑtɛ́nɛ ŋkɑ́ tsʉʉ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Jɑ̂ŋ 1:4

Pɛk ŋwɑꞋnɛ yɔ nu ŋ́ɡɑ́ mbɔ̌ pʉʉ, nɛpɔ́ yi yɛcɔ́ yúu kɛ́ ɡɛ ńjɑ́k nǔu yɛ́k tsɑ́ɑtɛ pɔ́.

2 Jɑ̂ŋ 1:12

Ŋ ɡẅɛɛ mɛnu tɛ ɛ́ zɑ́ɑ zɑ́ɑnɛ mi m bɔ́ ɛ́sẅíi wʉ́ʉ, lɑ́ n jʉ́ɔ ŋɡɔ ŋ kɛ́ ŋwɑꞋnɛ ŋwɑ́Ꞌnɛ́nɛ pɔ́, mbíꞋŋɡɔ mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ, nu cẅɛt ntsu mɔ ŋ́kúu ntsu pʉʉ, ńjí ŋɡɔ tsɑ́ɑtɛ yɛkŋɛ tsuŋ ḿbuutɛ.