Jɑ̂ŋ 14:30 - Kɑɑ Fí

³⁰ «Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 14:30 교차 참조

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 22:53

Lɑ́ mɔ, ŋ kɑ pɔ́ lɛ́Ꞌ tsʉʉ, ŋ́kɛ́ ḿbɔ́ pɔ tsɛtsɛt pʉʉ tsɛt ndɑ́-nɛnɔŋpɔꞋ, pʉʉ kɛ ḿbɔɔ lɔ́ɔ nɛɡẅɛɛ wɑ́ɑ pɔ́. Lɑ́, yʉʉ ŋkɑ́ pʉ́ɔ, mbɔ ɛ́ ɡɔ́ɔ mɔ́ ŋ́kɛ́ ŋ́kuꞋ, ḿbɔ́ ŋkɑ́ yi Fɔɔ-mɛnu-nzɛ́nzʉ́ʉ tɔ́ mɔ́ tɛ ḿbɔ́ ɛ́sɑ́Ꞌ lɑ́Ꞌ yɛ.»

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

ŊwɑꞋnɛ-Gɑŋntúu Yɛ́su Kɛlístɔ 1:3

A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 6:12

mbíꞋŋɡɔ pɛkŋɛ kɑ́ pɔ́ ŋ́ɡʉ ńdʉ̈ɔ́Ꞌ pʉɔmɛsɔŋ pɔ́. Pɛkŋɛ ɡʉ pɔ nɛlʉ̈ɔ́Ꞌ mɛzẅikŋɛ kɛpɔŋ mi ɛ́ tɛ tʉ́, ńdʉ̈ɔ́Ꞌ pɛtɑ́tndɑ́ pɔ́p, ḿbɛn ńdʉ̈ɔ́Ꞌ yúu mi ɛ́ tɛ tʉ́ ŋ́ɡẅɛɛ mɛtʉʉ, pɔ́p pʉɔ-ntɔ́Ꞌ-nzɛnzʉ́ʉ pi pɔ́p sɑ́Ꞌnɛ yɔ ndǔmbí.

Kɔlɔsíyɛ̂ŋ 1:13

A kɑ sɑꞋ wɛkŋɛ mbɔ̌ mɛtʉʉ-nzɛnzʉ́ʉ, ńcɑklɛ wɛkŋɛ ńníꞋ tsɛt nu-nɛfɔɔ-Mɔ́ɔ nɛ, ɑ kɔŋ Mɔ́ɔ nɛ ɛ̂wɑ́ tɛꞋ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

1 Pyɛ̂ 1:19

A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.