Jɑ̂ŋ 14:24 - Kɑɑ Fí

²⁴ Ŋu lɑɑ mbɔɔ wɑ́ɑ ŋ́kɔŋ, mbɔ ɑ kɛ́ ɡẅɛɛ sẅiŋɛ yɑ́ɑ pɔ́. Sẅiŋɛ yi pʉʉ zúꞋnɛ lɑɑ zɛɛ ḿbɔɔ fú pɔ mbɔ̌ mɔ pɔ́. Ɛ́ fú pɔ mbɔ̌ Tɑ̌ɑ mɔ ẅí ɑ kɑ túunɛ wɑ́ɑ.»

Jɑ̂ŋ 14:24 교차 참조

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 14:15

Pʉʉ lɑɑ ŋ́kɔŋ wɑ́ɑ, mbɔ pʉʉ ɡʉ ŋ́ɡɛ ŋ́ɡẅɛɛ nɛpʉ́ʉ nɑ́ɑ.

Jɑ̂ŋ 14:25

«Ɛ sẅíi wʉ́ʉ nɛ́ mɔnɛ mɛnu ŋkɑ́ yi pɛkŋɛ pɛ́tnɛ ḿbɔ́ lɑɑ.»

Jɑ̂ŋ 3:11

Lɑ́ ɛ sẅíi wú, kwɑꞋ nɛ́nẅín, pɛk cú nu nǔu yúu mi pɛk sɛ́ ńjí, ńcú yi pɛk sɛ́ ńjí nǔu yúu mi pɛk kɑ jʉ́ɔnɛ, lɑ́ pʉʉ kɑ́ kɛ́ ḿbɛ́m nu yí pɛk cúnɛ pɔ́.»

Jɑ̂ŋ 3:34

Ŋu ẅí Sɛ́ túunɛ wɛ́, ɑ cú mɛnu mí ɛ́ fúnɛ mbɔ̌ Sɛ́, mbíꞋŋɡɔ Sɛ́ ɡɑ́ Zẅikŋɛ yɛ́ mbɔ̌ wɛ́ kɛ́ ndẅiklɛ.

Jɑ̂ŋ 5:19

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.

Jɑ̂ŋ 5:38

Sẅiŋɛ yɛ́ kɑ́ pɔ́ tʉ́m pʉʉ pɔ́, mbíꞋŋɡɔ pʉʉ ŋkɑɑ zɑ́p tʉ́m nǔu mɔ ẅí ɑ kɑ túunɛ pɔ́.

Jɑ̂ŋ 7:16

Yɛ́su tsɔ́Ꞌ mbɔ̌ pɔ́p ŋɡɔ: «Yúu mi n zíꞋnɛ pʉɔ kɑ́ fú mbɔ̌ mɔ pɔ́, ɛ́ fú pɔ mbɔ̌ Sɛ́ ẅí ɑ kɑ túunɛ wɑ́ɑ.»

Jɑ̂ŋ 7:28

Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

Jɑ̂ŋ 8:26

Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.

Jɑ̂ŋ 8:28

Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.

Jɑ̂ŋ 8:38

Mɔ, n cú pɔ yúu mi ŋ kɑ jʉ́ɔnɛ mbɔ̌ Tɑ̌ɑ mɔ, lɑ́ pʉʉ pɛn ŋ́ɡɛ yʉ́ʉ pɔ yúu mi pʉʉ kɑ zúꞋnɛ mbɔ̌ tɑ̌ɑ wʉʉ.»

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.