19 N zɑ́Ꞌ njí ɛ́sẅíi wʉ́ʉ ŋkɔ̂ɔnɛ lɑ mɔ mɛnu ɡɛ ńtɔ́, pʉʉ lɔk pɔ́Ꞌɔ ḿbɛ́m ŋɡɔ mɔ ɡú.
ɑ Nzɑ́Ꞌŋkʉ ẅí pɛ́ sɛ́ ńzẅíꞋlɛ wɛ́ lɑ́ kɛ pɔ́p ḿbɛn ńzẅíꞋlɛ pɔ wɛcɔ́ ŋu ndɛꞋ ɔɔ?
Ɛ́ pʉ̈ɔ́lɑɑ, mbɔ ŋ kɛ́ ńzɑ́Ꞌ njí ɛ́sẅíi wʉ́ʉ.
Lɑ́ ɛ́ kɛ ńdɛɛ pɔ́Ꞌɔ, ńdɔk ŋ́ɡɑ́ wʉ́ʉ shʉ́ nɛsẅíi ŋu ẅí mɔ jʉ́.
Jɑ̂ŋ ɡɛ ńcú yúu mi ɑ jínɛ nǔu ŋu ɛ̂wɑ́, ńdɔk ŋɡi tɛnnɛ ŋɡɔ: «Yɑ́ ŋu ẅí ŋ kɑ pɔ́ ɛ́sẅíi wʉ́ʉ lɑ́, pɑ́Ꞌ ŋ kɑ pɔ́ ńcú ŋɡɔ: Ŋu nzʉʉ mɔ ḿbɔ́ ńtɔ́, ɑ lɛɛ wɑ́ɑ, mbíꞋŋɡɔ pɛ́ kɑ ɡɔ́ ḿbí wɑ́ɑ, ɑ pɔ́ pɔ ɡú.»
«N zɑ́Ꞌ njí ɛ́sẅíi wʉ́ʉ lɑ yîyɑ́ nu ɡɛ ńtɔ́, ɛ́ ɡʉ ḿbɔ́ tɛ ńtɔ́, pʉʉ zɑ́p tʉ́m nǔu mɔ.»
Lɑ́, ŋ kɛ́ ḿbiitɛ ɛ́sẅíi wʉ́ʉ, lɑ́ ŋkɑ́ ɛ̂yɑ́ ɡɛ ḿbɔ́, pʉʉ kẅíitɛ ŋɡɔ ŋ kɑ zɛɛ ɛ́sẅíi wʉ́ʉ. Ŋ kɑ ɡɔ́ ńzɛ, mbɔɔ sẅíi wʉ́ʉ nɛ́ yɔ nu pɔ́, mbíꞋŋɡɔ ŋ kɑ pɛ́t tsɛtsɛt pʉʉ.
Yɛ́su cú mbɔ̌ wɛ́ ŋɡɔ: «Mɔ ẅí pûu sẅiŋɛ́nɛ lɑɑ, mɔ jʉ́.»
Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.
Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.
