37 Yɛ́su kɑ pɔ́ ŋ́ɡɛ mɛnu mɑɑnɛ tɛꞋ mbi pʉɔ lɑ́, pɔ́p kɛ́ mbɔɔ ńzɑ́p tʉ́m nǔu wɛ́ pɔ́.
Yɛ́su cú pɔ́Ꞌɔ, ńzɛ nɛlɑꞋ pʉɔ-mɛtʉ́sɔŋ pí ɑ kɑ ɡʉnɛ zúꞋu, ŋ́ɡɛ mɛŋkʉꞋnɛ nu tɛ ɛ́ zɑ́ɑ, pʉɔ ɛ̂pɑ́ kɛ́ mbɔɔ shɔtnɛ ńcʉ́ɔ nzʉʉ Sɛ́ pɔ́.
Lɑ́ Ábɛlɛhɑ̂m cú mbɔ̌ wɛ́ ŋɡɔ: «Pɔ́p lɑɑ ḿbɔɔ zúꞋ sẅiŋɛ-Mɔ̌sɛ̂ɛ mbɑ yi pɛŋɡɛ́mndʉ̈ɔ́Ꞌ-Sɛ́ pɔ́, mbɔ ŋu lɑɑ ńzɛɛ ńzẅíimɛ zẅíimɛnɛ, ńtɔ́ ɛ́sẅíi wɔ́p pɔ kʉ̈ɔ́ lɑ́, mbɔ pɔ́p kɛ́ pɛ́m.»
Ɛ́ kɑ tɔ́ kwɑꞋ ŋɡɔŋ pɔ́p, pʉɔ-ŋɡɔŋ wɔ́p pɔɔ wɛ́ kúkŋɛ.
Mɔ sɛ́ ńjí ŋɡɔ, n cú nu ŋkɑ́ kʉ̈ɔ́ lɑ́, ɔ zúꞋ ŋɡi yɑɑ. Lɑ́ n cú pɑ́Ꞌɑ ntɛ́ pɔ pʉɔ pínɛ pɔ́p tʉ́ʉnɛ nɛjɔ́ŋ mɔ lɑɑ, ŋɡɔ pɔ́p pɛ́m ŋɡɔ ɡu kɑ túunɛ wɑ́ɑ.
Kyɛꞌ lɑɑ ḿbɛ́t tsɛtsɛt pʉʉ, pʉʉ zɑ́p tʉ́m nǔu kyɛꞌ, ńdɔk ńtsʉ́Ꞌ pɔ́ɔ-kyɛꞋ. Yɛ́su cú yɔ nu tɛ ɛ́ kuꞋ, ɑ ɡʉ ńdʉ̈ɔmɛ nǔu zʉꞋ yi pɔ́p kɛ́ ɡɛ ńjʉ́ɔ wɛ́ pɔ́.»
Ɛ́ lɔk ḿbuutɛ nǔu nu yi ŋɡɛ́mndʉ̈ɔ́Ꞌ-Sɛ́ Ɛ́sɑ̌yɑ kɑ cúnɛ ŋɡɔ: «Tsɑpʉɔ, wɔ̌ kɑ kɛ́ ńzɑ́p tʉ́m nǔu nu yí pɛk kɑ cúnɛ? Tɛ Tsɑpʉɔ kɑ pɔ́ ńnyɛt mɛtʉʉ mɛ́ pɔ mbɔ̌ pɛ́ wɔ̌»?
«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»
Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.
Nɔɔ-lɑ́Ꞌ pɔ́ ńcʉ́ɔ nzʉʉ yɛ́ tɛꞋ, mbíꞋŋɡɔ pʉɔ kɑ pɔ́ ńjʉ́ɔ mɛnu mɑ̌ɑmɑɑnɛ mi ɑ kɑ pɔ́ ŋ́ɡɛ nǔu ɡɑŋɡɔɔ.
