Jɑ̂ŋ 12:28 - Kɑɑ Fí

²⁸ Tɑ̌ɑ mɔ, ɡúꞋlɛ lík yú. Ŋɡi-ŋu ɡɔ́ɔ ŋ́kɛ́ ɛ́fú nɛpú ńcú ŋɡɔ: «Ŋ ɡúꞋlɛ mɔ. Ŋ ɡʉ ḿbɛn ŋ́ɡúꞋlɛ fí fí.»

Jɑ̂ŋ 12:28 교차 참조

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 11:26

Ɔ́ɔŋ mbɑ̌ɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡʉ ŋ́ɡɛ yɔ nu pɔ́ pɔ́Ꞌɔ.»

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 26:42

Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑ́lɛ́kúshi 1:11

Ŋɡi fú tʉ́nɛ́pú ńcú ŋɡɔ: «Ɔ pɔ́nɛ mɔ́ɔ wɑɑ, ŋ kɔŋ wú tɛꞋ, ɔ ŋkʉ-tʉ́m yɑ́ɑ.»

Mɑ́lɛ́kúshi 14:36

ḿbɔ́ ńcú ŋɡɔ: «Pɑɑpɑ́ɑ, Tɑ̌ɑ mɔ, yɛcɔ́ nu kɑ́ tsɑ wú pɔ́. PɑꞋnɛ yɔ ŋɡʉ̈ɔ́Ꞌ yi ɛ́ tɔ́nɛ nǔu mɔ lɑɑ. Lɑ́, kɔɔ ɡɛ pɔ wɑɑ nɛkɔŋtɛ, ɡɛ pɔ wu.»

Mɑ́lɛ́kúshi 9:7

Pɔ́p ɡɔ́ ńjʉ́ɔ, yɛcɔ́ lɑ́ɑ cúŋ, ŋ́kẅíipɛ wɔ́p. Ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ. Pʉʉ zúꞋ ntsu wɛ́,»

Lúkɑ́shi 3:22

Zẅikŋɛ Lɛ́ɛnɛ́nɛ cúŋ pɑ́Ꞌ puutɛ lɑ́, ńtʉ́ʉ nǔu yɛ, ŋɡi fú tʉ́nɛ́pú ŋɡɔ: «Ɔ mɔ́ɔ wɑɑ, ŋ kɔŋ wú tɛꞋ, ɔ yɑ́ɑ tsɑ́ɑtɛ.»

Lúkɑ́shi 9:35

Ŋɡi-ŋu fú tsɛt lɑ́ɑ ɛ̂yɑ́, ńcú ŋɡɔ: «Yɔ mɔ́ɔ wɑ́ɑ ẅi ŋ kɑŋnɛ, pʉʉ zúꞋ ntsu wɛ́.»

Jɑ̂ŋ 11:4

Yɛ́su zúꞋ pɔ́Ꞌɔ, ńcú ŋɡɔ: «Yɔ ɡɔɔ kɑ́ pɔ́ yi ɛ́ ɡʉ ńdɔk wɛ́ pɔ́. Pɛ́ ɡʉ ńdɛɛ nǔu ńjʉ́ɔ mɛtʉʉ-Sɛ́, ḿbɛn ńdɛɛ nǔu ŋ́ɡɑ́ mɛkuꞋ mbɔ̌ mɔ́ɔ-Sɛ́.»

Jɑ̂ŋ 18:11

Lɑ́ Yɛ́su cú nɛ́ pyɛ̂ ŋɡɔ: «NíꞋ níi yu mbɑ́ɑ!» Ŋ kɛ́ nɔ́ ŋɡʉ̈ɔ́Ꞌ yí Tɑ̌ɑ mɔ ɡɑ́nɛ ŋɡɔ n nɔ́ pɔ́ ɔɔ?

Jɑ̂ŋ 9:3

Yɛ́su pʉ̈ɔt ŋɡɔ: «Ɛ́ kɑ́ pɔ́ pɔ ŋɡɔ jʉ́ kɛ pʉɔ pinɛ pɔ́p kɑ pínɛ wɛ́ kɑ fɑɑnɛ yɛcɔ́ nu pɔ́. A fʉ ɛ́ pɔ́ pɔ ŋɡɔ Sɛ́ ńdɛɛ nǔu wɛ́ ńdɛꞋlɛ mɛfɑꞋ mɛ́.»

Ɛ́fɛ̂zɛ 2:7

A kɑ ɡɛ mɔnɛ mɛnu pɑ́Ꞌ ɑ ɡʉ ńdɑ́Ꞌ ńdɔk ńdɛꞋlɛ nǔu yîyɑ́ kɛm njí yi ɛ́ sɛ́ ńtɔ́ ŋɡɔ ɑ kɑ ɡɑ́ fuꞋ níinɛ yɛkŋɛ tɛ ńdɛɛ ntɛ́, ɛ́fú nǔu pɑ́Ꞌ, ɑ lɛɛnɛ nǔu Yɛ́su Kɛlístɔ ŋ́ɡẅɛɛ pɔŋtʉ́m nǔu pɛkŋɛ pɔ́Ꞌɔ.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Ɛ́fɛ̂zɛ 3:21

Gúꞌlɛ pɔ́ mbɔ̌ wɛ́ tsɛt cúꞋlɛ-pʉɔ-Kɛlístɔ, ńdɛɛ nǔu Yɛ́su Kɛlístɔ, nǔu mɛŋɡuꞋ mɛŋɡuꞋ, kɛ́ nɛpɑt! Ɛ́ pɔ́Ꞌɔ.

2 Pyɛ̂ 1:17

Ŋkɑ́ yi Sɛ́ Tɑ́t kɑ ɡɑ́nɛ nɛɡúꞋ mbɑ mɛkuꞋ mbɔ̌ wɛ́, pɛ́ zúꞋ ŋɡi-Sɛ́ ẅi ɑ ɡẅɛɛnɛ mɛtʉʉ, ɛ́ cú ŋɡɔ: Yɔ Mɔ́ɔ wɑ́ɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.