Jɑ̂ŋ 12:2 - Kɑɑ Fí

² Pɛ́ ɡɛ ɛ́fúŋ ndínɑ nǔu lík-yɛ́, Lɑzɑ̂ɑ pɔ́ wɛcɔ́ tɑ́Ꞌ ŋu nǔu pʉɔ pí pɔ́p pɛ́ Yɛ́su kɑ pɔ́ ńjʉ́ yúu, Mɑ́ktɑ pɔ́ ŋ́ɡɑp yúujʉ́.

Jɑ̂ŋ 12:2 교차 참조

Mɑtʉ̈ɔ 26:6

Ɛ́ pɔ́ ŋkɑ́ ɛ̂yɑ́ Yɛ́su pɔ́ Mbɛtɑni, ndɑ́-Símɔ̂ŋ, ŋɡɑŋkɑꞋpɑ́p,

Mɑ́lɛ́kúshi 14:3

Yɛ́su ɡɛ ḿbɔ́ Mbɛtɑni, ndɑ́-Símɔ̂ŋ ẅí pɛ́ kɑ pɔ́ ɛ́fúŋ wɛ́ ŋɡɔ ŋɡɑŋkɑꞋ pɑ́p, ńnɑ́ŋ sɛ́ ḿbɔ́ ŋ́kwɛ́t yúu, wɛcɔ́ mɑŋɡɛ́ kúu yɛ́ ndɑ́, ŋ́ɡẅɛɛ tɔ́Ꞌlɛ yɛcɔ́ lɑmɛ́ndɑɑ sʉ́Ꞌnɛ yí pɛ́ kɑ lɔknɛ yɛcɔ́ tú-nɛɡíi ŋ́ɡɛ ɛ́ pɛn ńcʉ̈ɔ́k ŋkɑ́p tɛꞋ. A lɔk ńtɔ́, ńtʉ́ʉ nɛjɔ́ŋ Yɛ́su, ńtsɔ́Ꞌ tɔ́Ꞌlɛ ɛ̂yɑ́, ńtswɛtɛ lɑmɛ́ndɑɑ nǔu tú-Yɛ́su.

Lúkɑ́shi 12:37

Pɛpɔ́ttú ɡɑŋfɑꞋ pi tɑ̌ɑfɑꞋ wɔp ɡɔ́ ńtɔ́, mbɔ pɔ́p kɑ́ lɛ́. Ɔ́ɔŋ, ɛ sẅíi wʉ́ʉ, ɛ́ pɔ́ nɛ́nẅín, ɑ ɡɛ ńtɛ́m ndẅí-fɑ́Ꞌ, cú pɛɡɑŋfɑꞋ pɛ́ ńnɑ́ŋ sɛ́, ɑ lɔk yúu ńdɛɛ, ŋ́ɡɑp pɔ́p kwɛ́t.

Lúkɑ́shi 14:12

Yɛ́su pɛn ńcú mbɔ̌ ŋu ẅí ɑ lɑ́Ꞌnɛ ɛ́fúŋ wɛ́ ŋɡɔ: «Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, nɛnɛm kɛ ntsuŋkẅɛ́Ꞌ ɔ́ɔ, kɔɔ ɛ́fúŋ pɛsúu pú, kɛ pɔ́ɔpɛ́mɑ́ pú ɔ́ɔ, kɛ pʉɔ nǔu nɛtsɛ́nndɑ́ nʉ́ʉ ɔ́ɔ, kɛ mbɑ pɛtɑ̌ɑlɑ́Ꞌ pú pɔ́p ɡɑŋŋkɑ́p ɔ́ɔ, mbíꞋŋɡɔ pɔ́p ɡʉ ŋ́ɡɛ ḿbɛn ɛ́fúŋ yú zʉꞋ, ńdɔk tsɔ́Ꞌ ɛ́sʉ́Ꞌ wú.

Lúkɑ́shi 22:27

Pʉʉ zɛɛ ɛ́sẅíi wɑ́ɑ: “Ɛ́ ɡʉ nǔu ŋu ẅí ɑ nɑ́ŋnɛ Sɛ́ ḿbɔ́ ŋ́kwɛ́t yúu pɔ́p ŋu ẅí ɑ lɑ́Ꞌnɛ ńnɛ́ɛ ńtíi tík pɛꞋnɛ, wɔ̌ pɔ́ ndʉ́m?” Ŋu ẅí ɑ ńnɑ́ŋnɛ sɛ́ ŋ́kwɛ́t jʉ́ kɑ́nɛ pɔ́ ndʉ́m pɔ́ ɔɔ? Lɑ́, ŋ kɛ́ ḿbɔ́ tsɛtsɛt pʉʉ, ḿbɔ́ pɔ ŋu ẅí ɑ fɑꞋnɛ mbɔ̌ pʉʉ.»

Lúkɑ́shi 5:29

Lɛ́vi ɡɛ ɛ́fúŋ mɑ́mɑ́ ndínɑ ndɑ́ yɛ ntɛ́ Yɛ́su. Pɑ́cẅɛ́ɛntsup tɔ́ tɛ ńzɑ́ɑ tɛ mbɑ pɛcɔ́ pʉɔ pinɛ pʉɔ-Yúdɑ kɑ pɔ́ ɛ́fúŋ wɔ́p ŋɡɔ pʉɔ kɛpɔŋ. Pɔ́p pɛ́ Yɛ́su tɛ́mtɛ ńjʉ́ yúu.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.