43 Ńcú pɔ́Ꞌɔ, ńdɔk ŋɡi tɛnnɛ ŋɡɔ: «Lɑzɑ̂ɑ, cẅɛt.»
Pɔ́p ŋ́kẅiꞋ ńcʉ̈ɔꞋ, ḿbɔ́ ńcú tsɛtsɛt pɔ́p ŋɡɔ, yɔ lii-ŋu pɔ́ pɔ ŋɡɔ́ku? Tɛ mbɑ fɛ́m pɔ́p ŋki zúꞋ ntsu wɛ́?
Mɔ sɛ́ ńjí ŋɡɔ, n cú nu ŋkɑ́ kʉ̈ɔ́ lɑ́, ɔ zúꞋ ŋɡi yɑɑ. Lɑ́ n cú pɑ́Ꞌɑ ntɛ́ pɔ pʉɔ pínɛ pɔ́p tʉ́ʉnɛ nɛjɔ́ŋ mɔ lɑɑ, ŋɡɔ pɔ́p pɛ́m ŋɡɔ ɡu kɑ túunɛ wɑ́ɑ.
Mpfú cẅɛt. Mbɔ pɛ́ kɑ lɔk yúu-ndẅí ńzʉ́ʉ mɛku mɛ́ mbɑ mbɔ́ mɛ́, pɔ́p shʉ́ wɛ́. Yɛ́su cú mbɔ̌ pɔ́p ŋɡɔ: «Pʉʉ kíɛꞋ wɛ́, ŋ́kíɛꞋ wɛ́ ńnɑ́ ɑ ɡʉ.»
Ɛ́ ɡɛ ńtsʉ́Ꞌ ńjɑ́k lɛ́Ꞌ pɛ́nɛ́ntúkú, ɛ́ pɔ́ lɛ́Ꞌ ndínɑ Pɑ́skɑ Pɑyúdɑ. Yɛ́su ɡʉ nɛ́ Mbɛtɑni, zʉꞋ yí Lɑzɑ̂ɑ ẅí ɑ kɑ zẅíimɛnɛ wɛ́ nǔu nɛvú lɑ́ kɑ pɔ́ ńtswɛ́ zúꞋu.
Ɛ́ ɡɔ́ ḿbɔ́, mbɔ Pɑyúdɑ tɛ ńzɑ́ɑ zúꞋ ŋɡɔ Yɛ́su Mbɛtɑni, ńtɔ́ zúꞋu, ŋ́kɛ́ ḿbɔɔ síi ńtɔ́ pɔ nɛjʉ́ɔ Yɛ́su pɔ́, ńtɔ́ pɔ nɛjʉ́ɔ Lɑzɑ̂ɑ ẅí Yɛ́su kɑ zẅíimɛ́nɛ wɛ́ nǔu nɛvú lɑ́.
Pyɛ̂ jʉ́ɔ pɑ́Ꞌ pɔ́p sɛ́ ńcúꞋlɛ nɛjɔ́ŋ pɔ́p pɔ́Ꞌɔ, ńcú mbɔ̌ lɑ́Ꞌ ŋɡɔ: «Pʉɔ-Íslɑyɛ̂l, pʉʉ mɑɑ pɑ́Ꞌ ɑ fíitɛ́nɛ mbíꞋkʉ̈ɔ́? Pʉʉ sɛ́ ńdíŋɛ wɛ́k pɔ pɑ́Ꞌ ŋkɑ́ yi pɛk lɔk pɔ mɛk mɛtʉʉ kɛ pɔ mɛk mɛfɑꞋ nzʉʉ Sɛ́ lɑ́ ńdɔk ŋ́ɡɛ wɔ ŋu nɛn ntɛ́ kʉ̈ɔ́?»
Pyɛ̂ cú mbɔ̌ wɛ́ ŋɡɔ: «Ŋ kɑ́ ɡẅɛɛ sɑ̌ɑ ŋkɑ́p pɔ́, ŋ́kɛ́ mbɔɔ tʉ́n-ŋɡɔ̂l ɡẅɛɛ, lɑ́ yúu mi ŋ ɡẅɛɛnɛ, mɔ ŋ́ɡɑ́ mbɔ̌ ɡu. N cú nǔu lík-Yɛ́su Kɛlístɔ mɔ́ɔ-Nɑ̌zɑlɛt: Lɔ sɛ́ ńnɛn.»
Pyɛ̂ cú mbɔ̌ wɛ́ ŋɡɔ: «Ɛ́nɛ́ɛ, Yɛ́su Kɛlístɔ ɡɛ ɔ fíitɛ. Lɔ sɛ́, kwɑꞋ ɡu niitɛ́nɛ kúu wú.» Ɛ́nɛ́ɛ ɡɔ́ɔ ńdɔ sɛ́.
Pyɛ̂ fú ndɑ́ ńcẅɛɛtɛ pʉɔ tsʉʉ, ńcúŋ ŋ́kẅíꞋlɛ sɛ́, ńcɛꞋlɛ Sɛ́, ḿbɛn ɛ́shɔtnɛ ńdíŋɛ mpfú, ńcú ŋɡɔ: «Tɑpítɑ, lɔ sɛ́.» Tɑpítɑ ɡɔ́ɔ ńníɛꞋ mík, ḿbɔ́ tɛ ńjʉ́ɔ Pyɛ̂, ŋ́ɡɔ́ɔ ḿbʉꞋ mbʉʉ yɛ ńnɑ́ŋ nɑ́ŋnɛ.
