33 Yɛ́su jʉ́ɔ pɑ́Ꞌ ɑ sɛ́ ńdɑɑ, pɑyúdɑ pínɛ pɔ́p pɛ́ pɔ́p tɛmtɛnɛ ńtɔ́ pɛn ḿbɔ́ ńdɑɑ yɔ́p, ńjẅi, mbʉʉ yɛ kẅiꞋ citɛ.
Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.
Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»
nɛzɑ́ɑ pɑyúdɑ ɡɔ́ ḿbɔ́, mbɔ pɔ́p tɔ́ njɛ́Ꞌ-Mɑ́ktɑ pɔ́p Mɑlíyɑ, nɛzíi ŋki-mík mɔ́p, ntɛ́ mɔ́ɔmɑ́ wɔp ẅí ɑ kɑ pfúnɛ.
Pɑyúdɑ pinɛ pɔ́p lɑ́Ꞌnɛ ḿbɔ́ ndɑ́ nɛzíi ŋki-mík Mɑlíyɑ, jʉ́ɔ pɑ́Ꞌ ɑ fúnɛ ndɑ́ ńcẅɛt nɛ́ tʉʉ, ńcʉ́ɔ yɔ́p nzʉʉ wɛ́, ḿbɔ́ ŋ́kwɑŋɛ ŋɡɔ ɑ ɡʉ tú-nɛshi ńnɑ́ŋ zúꞋu lɑ́ ńdɑɑ.
A cú ŋɡɔ: «Pʉʉ kɑ lẅɛꞋ pfú yɛ́ ɡɔ́?» Pɔ́p pʉ̈ɔt mbɔ̌ wɛ́ ŋɡɔ: «Ndɛ, tɔ́ ńjʉ́ɔ.»
Yɛ́su lɑɑ.
Yɛ́su pɛn ńjẅi, ŋ́ɡʉ zʉꞋ-nɛshi, ɛ́ pɔ́ yɛcɔ́ mvuꞋ zʉꞋ, mbɔ pɛ́ kɑ lɔk ŋɡɔꞋ ńjʉ́ɔꞋ ntsu wɛ́.
Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»
Yɛ́su cú pɔ́Ꞌɔ, lɛ́m yɛ́ sɑ́ɑnɛ tɛꞋ, ɑ sɑ́ɑnɛ sɑ́ɑnɛ́nɛ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu nǔu pʉʉ ɡʉ ɛ́fɛn wɑ́ɑ.»
Pʉɔ lɑɑ ḿbɔ́ ńtsɑ́ɑtɛ pʉʉ pɛpɔ́p tɛmtɛ ńtsɑ́ɑtɛ, ḿbɔ́ ńdɑɑ pʉʉ pɛpɔ́p tɛmtɛ ńdɑɑ.
Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.
