Jɑ̂ŋ 11:25 - Kɑɑ Fí

²⁵ Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

Jɑ̂ŋ 11:25 교차 참조

Lúkɑ́shi 23:43

Yɛ́su tsɔ́Ꞌ ŋɡɔ: «Ɛ sẅíi wú, ɛ́ kwɑꞋ nɛ́nẅín, ŋɡɔ kwɑꞋ lɔ́Ꞌnɛ puu ɡʉnɛ ḿbɔ́ tsɛt zʉꞋ mbɔ́tnɛ-Sɛ́.»

Jɑ̂ŋ 1:4

Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Jɑ̂ŋ 6:44

Wɛcɔ́ ŋu lɑɑ ḿbɔ́ ɑ pɔɔ tɔ́ ńtsɛ́t wɑ́ɑ kɛ́ pɔ́ yi Tɑ̌ɑ mɔ ẅí ɑ kɑ túunɛ wɑ́ɑ zɛɛnɛ ɛ́shuŋ wɛ́ pɔ́. Mɔ, m bɛn ńdɑ́Ꞌ nǔu ndẅiknzʉʉ lɛ́Ꞌlɑ́Ꞌ, ńzẅíimɛ wɛ́ nǔu nɛvú.»

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

Pʉɔ-Lɔ́mɑ 4:17

Ndʉ́ŋndʉŋ pɑ́Ꞌ ŋwɑꞋnɛ-Sɛ́ sɛ́ ńcú nǔu wɛ́ ŋɡɔ: «Mɔ, n zɑ́p wú pɑ́Ꞌ ɔ ɡʉ ḿbɔ́ mɑ̂ɑŋɡɑpnjẅɛt-pʉɔ-mɛlɑ́Ꞌ mɛlɑ́Ꞌ». Ábɛlɛhɑ̂m mbi Sɛ́ ẅi jʉ́ Ábɛlɛhɑ̂m kɑ zɑ́pnɛ tʉ́m nǔu wɛ́, ḿbɔ́ mɑ̂ɑŋɡɑpnjẅɛt wɛkŋɛ, ɑ pɔ́ Sɛ́ ẅi ɑ ɡɛnɛ pɛpfú pɛn ḿbɔ́ ɡú, ɛ́fúŋ yúu mi ɛ́ zɛɛ mbɔɔ ɡú pɔ́, ɛ́ cẅɛt ńtʉ́ʉ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:18

Ɛ́ pɛn ńdɔk ḿbɔ́ ŋɡɔ, pʉɔ pi pɔ́p kɑ ɡɔ́ ḿpfú, tʉ́m yɔ́p zɑ́pmɛ nǔu Kɛlístɔ, pɔ́p kɑ pɛ́ mɔ́.

1 Kɔlɛ̂ŋtɛ 15:29

Ɛ́ lɑɑ ḿbɔ́ yi pɛ́ pfú mbɔɔ pɛn ńzẅíimɛ nǔu nɛvú pɔ́, mbɔ pɛcɔ́ pʉɔ cẅɛ́ɛ ŋki nǔu tú-pɛpfú pi pɔ́p ŋkɑɑ ŋki cẅɛ́ɛ pɛ́Ꞌnɛ ńtsɑ́ɑ kʉ̈ɔ́? Mbɔ mɛlɑ́Ꞌ kʉ̈ɔ́ pîpɑ́ pʉɔ cẅɛ́ɛnɛ ŋki nǔu tú pɛpfú?

2 Kɔlɛ̂ŋtɛ 4:14

ḿbɔ́ ńjí ŋɡɔ Sɛ́ ẅi ɑ kɑ ɡɛnɛ Tsɑpʉɔ Yɛ́su zẅíimɛ nǔu nɛvú, ɡʉ ŋ́ɡɛ ḿbɛn ŋ́ɡɛ pɛkŋɛ zẅíimɛ yɛkŋɛ, mbíꞋŋɡɔ pɛkŋɛ lɑt mbʉʉ nǔu Yɛ́su, Sɛ́ ɡɛ pɛkŋɛ pɛ́tsʉʉ cẅɛt, pɛkŋɛ pɛ Yɛ́su cúꞋlɛ.

Filipɛ 1:23

Mɛnu mɛmbɑ́ mɔnɛ mbi mɔ. Mɔ sɛ́ ńtsɑ́ɑ nɛfú ndǔ tsɛ́tsɑ́Ꞌ ŋ́ɡʉ pɛk Kɛlístɔ tsʉ́Ꞌnɛ ńnɑ́ŋ. Ɛ́ yɑ́ɑ tú yi sʉ́Ꞌnɛ nǔu.

Filipɛ 3:10

Mɔ sɛ́ ńtsɑ́ɑ pɔ tɑ́Ꞌ nu wɛ́mɔ́Ꞌ. Ɛ́ pɔ́ ŋɡɔ n jí Kɛlístɔ, ńjí mɛtʉʉ mi ɛ́ kɑ ɡɛnɛ ɑ zẅíimɛ nǔu nɛvú, ńjʉ́ɔ ŋɡʉ̈ɔ́Ꞌ pɑ́Ꞌ ɑ kɑ jʉ́ɔnɛ yɛ́, ḿbɛ́m nɛɡɑ́ tú yɑ́ɑ ḿpfú pɑ́Ꞌ ɑ kɑ ɡɑ́nɛ yɛ́,

1 Tɛsɑlɔník 4:14

Pɛkŋɛ sɛ́ ḿbɛ́m ŋɡɔ Yɛ́su kɑ pfú ḿbɛn ńzẅíimɛ nǔu nɛvú. Pɛkŋɛ pɛn ḿbɔ́ ńjí ɡúu ŋɡɔ pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu Sɛ́, ɑ ɡʉ ńdɔk Yɛ́su ŋ́ɡɛ pɔ́p zẅíimɛ.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Mɛnu ɛ́ ńdɑ́Ꞌ ńcẅɛt 20:5

Pɛcɔ́ pɛpfú kɛ́ mbɔɔ fú lɑ́Ꞌ-pɛpfú ḿbɛn nzʉʉ ḿbɛn ḿbɔ́ ɡú kɛ́ pɔ́ yi yîyɑ́ ŋɡuꞋ ntsɑ́Ꞌ kuꞋ pɔ́.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.