Jɑ̂ŋ 1:45 - Kɑɑ Fí

⁴⁵ Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 1:45 교차 참조

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑtʉ̈ɔ 2:23

ŋ́ɡʉ tɛ ŋ́kúu zúꞋu, ḿbɔ́ ńtswɛ́ tsɛt yɛcɔ́ tʉ́sɔŋ, pɛ́ fúŋ nɛ́ Nɑ̌ɑzɑlɛt, ɛ́ lɔk ḿbuutɛ nǔu pɑ́Ꞌ ŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú nu nǔu Nzɑ́Ꞌŋkʉ ŋɡɔ: «pɛ́ ɡʉ ńdɑ́Ꞌ ɛ́fúŋ wɛ́ nɛ́ ŋu-Nɑ̌ɑzɑlɛt.»

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»

Mɑ́lɛ́kúshi 14:67

Pyɛ̂ pɔ́ ńzɔ́k múk, ɑ tsuŋ ńdíŋɛ wɛ́ tɛ ńcú mbɔ̌ wɛ́ ŋɡɔ: «Mbɑ ɡu ɡúu, pʉʉ Yɛ́su-Nɑ̌zɑlɛt wɑ́ kɑ pɔ́nɛ ńnɛn.»

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Lúkɑ́shi 18:37

Pʉɔ tsɔ́Ꞌ mbɔ̌ wɛ́ ŋɡɔ: «A Yɛ́su mɔ́ɔ-Nɑ̌zɑlɛt ẅí ɑ lɛɛnɛ.»

Lúkɑ́shi 2:4

Yɔsɛ̂p fú tʉ́sɔŋ-Nɑ́ɑzɑlɛt, tsɛt ŋɡɔ́ŋ-Ŋɡɑlilɛ́, ńtɔ́ tsɛt ŋɡɔ́ŋ-Jẅidɛ̂, tʉ́sɔŋ-Mbɛ́tɛ́lɛ́hɛm, nǔu zʉꞋ yinɛ pɛ́ kɑ pinɛ fɔɔ Ndɑvît zúꞋu, ḿbɔ́ ŋ́ɡʉ zúꞋu pɔ́Ꞌɔ, mbíꞋŋɡɔ ɑ ŋu nǔu njẅɛt ndɑ́-fɔɔ Ndɑvît.

Lúkɑ́shi 2:48

Yɔsɛ̂p pɔ́p Mɑlíyɑ pɔ́ tɛ ńjʉ́ɔ wɛ́, ḿmɑɑ tɛꞋ. Mɑ́ wɛ cú mbɔ̌ wɛ́ ŋɡɔ: «Mɔ́ɔ wɑɑ, ɔ ɡɔ ŋ́ɡɛ yɔ nu nǔu pɛk pɑ́Ꞌɑ, mbíꞋku? Ɔ tsɔ́Ꞌ lɛ́m yɛk tɑ́t wu. Pɛk júk nɛlɔ́ɔ wú, ḿbɔ́ ḿbɔ́k ŋɡɔ kɛ yɛcɔ́ yúu ɡɛnɛ wú ɔ́ɔ?»

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Lúkɑ́shi 3:23

Yɛ́su kɑ ɡɔ ńzɛ nɛsɑ́Ꞌ Ŋkʉʉ sʉ́Ꞌnɛ, ɛ́ ńtsʉ́Ꞌ mɔ́yúu ɑ ɡẅɛɛ ŋɡuꞋ mɛɡɛ́mɛ́ntɑ́t, pɛ́ pɔ́ ŋ́kwɑŋɛ ŋɡɔ ɑ mɔ́ɔ-Yɔsɛ̂p. Yɔsɛ̂p pɔ́ mɔ́ɔ-Ɛlîi.

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Jɑ̂ŋ 1:44

Filîp ɛ̂wɑ́ kɑ pɔ́ ŋu-Mbɛtsɑyídɑ, tʉ́sɔŋ pɛ́ Ndɛlɛ́yɑ pɔ́p Pyɛ̂.

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.

Jɑ̂ŋ 14:8

Filîp zúꞋ, ńcú mbɔ̌ Yɛ́su ŋɡɔ: «Tsɑpʉɔ, nyɛt wɛ́k nɛ́ Tɑ́t wu ɛ̂wɑ́ ɛ́ kuꞋ pɔ́Ꞌɔ.»

Jɑ̂ŋ 18:5

Pɔ́p tsɔ́Ꞌ mbɔ̌ wɛ́ ŋɡɔ: «Yɛ́su wɛ Nɑ̌ɑzɑlɛt.» A tsɔ́Ꞌ mbɔ̌ pɔ́p ŋɡɔ: «A mɔ.» Ŋ́ɡɔ ńcú pɑ́Ꞌnɛ, Jẅidɑ ẅí ɑ lɑ́Ꞌnɛ ɛ́fɛn wɛ́ pɔ́ tsɛtsɛt pɔ́p.

Jɑ̂ŋ 18:7

Yɛ́su pɛn ḿbíkŋɛ wɔ́p ŋɡɔ: «Pʉʉ lɔɔ wɔ̌?» Pɔ́p cú ŋɡɔ: «Yɛ́su wɛ Nɑ̌ɑzɑlɛt.»

Jɑ̂ŋ 19:19

Pilɑ́tɔ ɡɛ pɛ́ ŋwɑꞋnɛ yúu, ŋ́kẅii nǔu tʉ́ mbɑ́ŋtɛ pɑ́ŋtɛ́nɛ-Yɛ́su. Ɛ́ pɔ́ nǔu ḿbɔ́ ŋɡɔ: Yɛ́su Ŋu-Nɑ̌ɑzɑlɛt, fɔɔ-Pɑyúdɑ.

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

Jɑ̂ŋ 6:42

Pɔ́p pɛn ḿbɔ́ ńcú ŋɡɔ ŋu wɑ́ kɑ́ pɔ́ Yɛ́su mɔ́ɔ-Yɔsɛ̂p pɔ́ ɔɔ! Pɛkŋɛ kɑ́ pɔ́ ńjí tɑ́t wɛ pɔ́p mɑ́ wɛ pɔ́ ɔɔ! Ɛ́ pɛn ŋ́ɡɛ ŋɡɔ́ku lɑ ɑ sẅíi wɛkŋɛ ŋkɔ̂ɔnɛ ŋɡɔ ɑ kɑ fú tʉ́nɛ́pú ńcúŋ?

Jɑ̂ŋ 6:5

Yɛ́su nɑ́ŋ tɛ ḿbʉꞋ tú yɛ́ ńjʉ́ɔ mɑ́mɑ́ nɔɔ-lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ cú mbɔ̌ Filîp ŋɡɔ: «Pɛkŋɛ ɡʉ ŋ́ɡʉ ɡɔ́ ńzúu mbɛlɛ̂ɛt lɑ ńdɔk ńzẅík wɔ́p?»

Jɑ̂ŋ 6:7

Filîp pʉ̈ɔt ŋɡɔ: «Pɛ́ lɑɑ ńzúu mbɛlɛ̂ɛt pɔ yɛ́ mɛndɛ́níɛ ŋkʉ yɛ́pɑ́, ŋu wɔp kwɛ́t mbɔ ɛ́ ŋ́kúu nǔu lʉ́m yɛ́?»

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 22:8

M bíkŋɛ ŋɡɔ ɑ ɡu wɔ̌ Ndɛ? Tsɑpʉɔ pʉ̈ɔt ŋɡɔ: “Mɔ Yɛ́su, mɔ́ɔ-Nɑ̌zɑlɛt. Ɔ tsɔ́Ꞌ pɑꞋnɛ pɔ ku yɑ́ɑ kɛpɔŋ.”

ŊwɑꞋnɛ-Gɑŋntúu Yɛ́su Kɛlístɔ 26:9

Mbɑ mɔ yɑ́ɑ, ŋ kɑ pɔ́ ŋ́kwɑŋɛ ŋɡɔ, ŋ ɡʉ ńdɔk ntsɔ ńdʉ̈ɔ́Ꞌ Yɛ́su mɔ́ɔ-tʉ́sɔŋ-Nɑ̌zɑlɛt, nǔu mɛshʉ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 3:6

Pyɛ̂ cú mbɔ̌ wɛ́ ŋɡɔ: «Ŋ kɑ́ ɡẅɛɛ sɑ̌ɑ ŋkɑ́p pɔ́, ŋ́kɛ́ mbɔɔ tʉ́n-ŋɡɔ̂l ɡẅɛɛ, lɑ́ yúu mi ŋ ɡẅɛɛnɛ, mɔ ŋ́ɡɑ́ mbɔ̌ ɡu. N cú nǔu lík-Yɛ́su Kɛlístɔ mɔ́ɔ-Nɑ̌zɑlɛt: Lɔ sɛ́ ńnɛn.»