38 Yɛ́su shɔtnɛ, ńjʉ́ɔ pɑ́Ꞌ pɔ́p nzʉʉ yɛ́, ḿbíkŋɛ wɔ́p ŋɡɔ: «Pʉʉ lɔɔ kʉ̈ɔ́?» Pɔ́p pʉ̈ɔt mbɔ̌ wɛ́ ŋɡɔ: «Lɑbi (ńdɔk ŋɡɔ cícɑ), ɔ tswɛ́ ɡɔ́?»
Mɑ́ɑtɑ kɑ ɡẅɛɛ mɔ́ɔmɑ́ wɛ wɛ mɑŋɡɛ́, lík yɛ́ pɔ́ ŋɡɔ Mɑlíyɑ. Yɛ́su tɔ́ tɛ ńnɑ́ŋ sɛ́, Mɑlíyɑ tɔ́ ńnɑ́ŋ nɛjɔ́ŋ yɛ́, ḿbɔ́ ńzúꞋ sẅiŋɛ yɛ́.
Yɛ́su pɔ́ yɛcɔ́ lɛ́Ꞌ, ńcʉ́ɔ sɛ̂ndúŋ ḿbɔ́ ńnɛn, pʉɔ tɛ ńzɑ́ɑ pɔ́ nzʉʉ yɛ́. A shɔtnɛ ńcú mbɔ̌ pɔ́p ŋɡɔ:
«Ŋ́kwɑŋɛ pɔ́Ꞌɔ, ńcʉ́ɔ sɛ̂ndúŋ, ḿbɔ́ ḿbɛn nɛ́ njɛ́Ꞌ pɔ́p. Tɑ́t wɛ tʉ́ʉ ńjʉ́ɔ wɛ́, tɛ ɑ pɛ́t pɔ ŋɡɑ sɛsɑ, mɛjʉ́ŋ mɛ́ kɔ́ wɛ́, ɑ nɑ́ɑtɛ wɛ́, ɛ́sɛntɛ wɛ́, ŋɡɔ: Yɔ kwɑꞋ ɡu lɑɑ?»
Yɛ́su ɡʉ tɛ ŋ́kúu zúꞋu, ḿbʉꞋ tú yɛ́ ńdíŋɛ wɛ́, ńcú ŋɡɔ: «Fɛ́Ꞌnɛ ḿpfúu mbɑ́ɑ Sɑkíyɔ, ɛ́ pɔ́ŋ ŋɡɔ, n dɛ́ pɔ ndɑ́ ɡu lɔ́Ꞌnɛ.»
Yɛ́su shɔtnɛ ńdíŋɛ Pyɛ̂, mík mɔ́pnɛ puutɛ. Pyɛ̂ ɡɔ́ɔ ŋ́kẅíitɛ nu yi Tsɑpʉɔ lɑ́Ꞌnɛ ńcú mbɔ̌ wɛ́ ŋɡɔ: «Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»
ḿbɔ́ ŋ́ɡʉ, ŋu ẅí mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, púꞋ mbɔ́ mbɔ̌ wɛ́ ŋɡɔ pɔ́pmɛ́ ŋ́ɡʉ. Lɑ́ Yɛ́su lʉꞋ ńcú mbɔ̌ wɛ́ ŋɡɔ:
Gɑŋku-Jɑ̂ŋ pɛ́pɑ́ zúꞋ yɔ sẅiŋɛ, ńcʉ́ɔ nzʉʉ Yɛ́su.
Yɛ́su cú ŋɡɔ: «Pʉʉ tɔ́, pʉʉ ɡʉ ńjʉ́ɔ.» Pɔ́p ɡɔ́ɔ ŋ́kɛ́ ŋ́ɡʉ ńjʉ́ɔ zʉꞋ yí ɑ tswɛ́nɛ zúꞋu. Ɛ́ ɡɔ́ ḿbɔ́, ḿbɔ́ nǔu nɛm yɛ́nɛ́kwɑ mbɔ́tnjí, pɔ́p pɛ́pɔ́p nɑ́ŋ tɛ yîyɑ́ lɛ́Ꞌlɑ́Ꞌ mɛ.
Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»
Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.
Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»
Yɛ́su pɛn ḿbíkŋɛ wɔ́p ŋɡɔ: «Pʉʉ lɔɔ wɔ̌?» Pɔ́p cú ŋɡɔ: «Yɛ́su wɛ Nɑ̌ɑzɑlɛt.»
A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»
Gɑŋku-Jɑ̂ŋ ɡʉ ńjʉ́ɔ Jɑ̂ŋ, ńcú mbɔ̌ wɛ́ ŋɡɔ Cícɑ, ɔ sɛ́ ŋ́kẅíitɛ ŋu wɑ́ ẅi pʉʉnɛ kɑ pɔ́ nǔu yɛcɔ́ njʉ́n-ŋki-Juudɛŋ lɑ́? Ŋu wɑ́ ẅi ɔ kɑ cúnɛ nu yí ɔ jínɛ nǔu wɛ́ lɑ́? A sɛ́ ńnuꞋ yɛ́ pʉɔ ŋki ŋkɔ̂ɔnɛ, tɛ lɑ́Ꞌ mɛnɔɔ mɛnɔɔ pɔ́ ŋ́ɡʉ ńjʉ́ɔ pɔ wɛ́.
Ŋ́ɡɔ ńtɔ́ pɔ́Ꞌɔ, ɡɑŋku pɛ́ pɔ́ ńdẅɑklɛ wɛ́ ńcú ŋɡɔ: «Cícɑ, kwɛ́t mɔ́yúu lɑ́.»
Ŋ́ɡʉ tɛ ŋ́kúu nǔu yɛcɔ́ njʉ́n, ńjʉ́ɔ wɛ́, ńcú mbɔ̌ wɛ́ ŋɡɔ: «Cícɑ, ɔ tɔ́ tɛ ŋ́kúu zɑꞋnɛ ŋkɑ́ kʉ̈ɔ́.»
Pyɛ̂ ńcúŋ ŋ́kẅɛ́ɛtɛ pʉɔ ɛ̂pɑ́, ńcú mbɔ̌ pɔ́p ŋɡɔ: «Pʉʉ sɛ́ ńdɔɔ ŋu! A mɔ. Pʉʉ tɔ́ mɛlɑ́Ꞌ kʉ̈ɔ́?»
Ɛ́ yúu mi ɛ́ ɡɛnɛ, ŋ ɡɔ́ɔ ńdɔ sɛ́ kɛ́ zɔŋ, pɑ́Ꞌ pʉʉ túunɛ ɛ́fúŋ wɑ́ɑ. Ŋkɔ̂ɔnɛ lɑ́, pʉʉ ɡɛ n jí yúu mi pʉʉ fúŋnɛ wɑ́ɑ zɑꞋnɛ ntɛ́ yɛ́tɛ́.»
