24 Pʉɔ pínɛ pɛ́ kɑ túunɛ wɔ́p mbɔ̌ Jɑ̂ŋ lɑ́, m̄bɔ́ pɑfɑlísɑy.
Ŋu-Fɑlísɑy, ɔ fʉmík, ɔ lɑɑ ḿbiitɛ ńtuk tsɛt ntúꞋ, tɛ ɛ́ lɛ́ɛnɛ, mbɔ nzɛmpíi ɡʉ ḿbɑ́ɑtɛ ńdɛ́ɛnɛ.
Yɛ́su ɡɔ ɛ́fú ndɑ́ ńcẅɛt, pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́ mbi, ńtsʉ́ꞌ mbɔ́ ḿbíkŋɛ wɛ́ nɛ́ mɛnu pɔ ɛ́fyɛ́tnɛ fyɛ́tnɛ́nɛ,
Yɛ́su cú pɔ́Ꞌɔ, Pɑfɑlísɑy pinɛ pɔ́p ḿbɔ́nɛ zúꞋu zúꞋ, sɔ́ɔ, ŋ́ɡwɛ wɛ́ mbíꞋŋɡɔ pɔ́p ɡʉ̈ɔꞋ ŋkɑ́p tɛꞋ.
Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.
Jɑ̂ŋ lɔk sẅiŋɛ yí ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ cúnɛ ńtsɔ́Ꞌ ŋɡɔ: «Mɔ ŋu ẅí ɑ kɔ̂ŋtɛt, ḿbɔ́ ɛ́sɑ́Ꞌ ńcú ŋɡɔ: pʉʉ sɑŋtɛ sɛ̂ndúŋ-Tsɑpʉɔ ɛ́ tʉ́ʉ ndʉ́ŋndʉŋ.»
Pɔ́p pɛn ḿbíkŋɛ Jɑ̂ŋ ŋɡɔ: «Lɑ́ ɔ kɑ́ pɔ́ Nzɑ́Ꞌŋkʉ pɔ́, ŋ́kɛ́ mbɔɔ Ɛlíyɑ pɔ́? Ŋ́kɛ́ mbɔɔ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ pɔ́, tɛ mɛlɑ́Ꞌ kʉ̈ɔ́ ɔ nuꞋ pʉɔ ŋki?»
Ɛ́ zɛɛ ŋ́ɡɔ ḿbɔ́, pɑfɑlísɑy cú ŋɡɔ pɛpfú ɡʉ ńdɑ́Ꞌ ńzẅíimɛ, ŋɡɔ pɛcʉ̈ɔ́Ꞌ-Sɛ́ mbɑ mɛzẅikŋɛ kɛpɔŋ ɡú, lɑ́ ŋ́ɡʉ nǔu pʉɔ sɑdukɑy pɔ́p pɔɔ ḿbɛ́m yɔ́p pɔ́Ꞌɔ pɔ́.
Ŋ kɑ nɑ́ŋ nǔu ntɛ́ yi ŋu nǔu nɔɔ-pɑfɑlísɑy nɑŋnɛ pɔ́Ꞌɔ, pɔ́p pɛn ḿbɔ́ pʉɔ ńcʉŋɛ nǔu nɛpʉ́ʉ-nu-Sɛ́ yɛ́k tɛ ńtsɑ pɛcɔ́ pʉɔ. Pɑyúdɑ lɑɑ ŋ́kɔŋ, pɔ́p sẅíi zɑɑmɔɔ ŋɡɔ, nu yi n cúnɛ lɑɑ, ɛ́ nu nɛ́nẅín. Pɔ́p zɛɛ ńjí wɑ́ɑ tɛ ɛ́fú tɛ lɛ́Ꞌ.
