Jɑ̂k 5:7 - Kɑɑ Fí

⁷ Pɔ́ɔpɛ́mɑ́ pɑ́ɑ, pɔ́Ꞌɔ lɑ́ pʉʉ lɔk kɔk mbʉʉ ńzẅíꞋlɛ tɛ ŋ́kúu ŋkɑ́ yi Tsɑpʉɔ ɡʉ ńtɔ́. Pʉʉ jʉ́ɔ pɑ́Ꞌ nzʉ́Ꞌnɑŋ kɑ lɑ́Ꞌ ńdɔk pɔ kɔkmbʉʉ ńzẅíꞋlɛ ŋɡɔ tsɛ́tsɑ́Ꞌ zɛ́m yúu sʉ́Ꞌnɛ, ɛ́ zɛ́m, ɑ kɑ́p ntú, ńzẅíꞋlɛ tɛ ńtɑ́ɑ ḿbɛn ŋ́kɑ́p nzʉʉ.

Jɑ̂k 5:7 교차 참조

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Mɑtʉ̈ɔ 24:27

Jínɛ ŋɡɔ mɛnɛ́ɛ-mbʉŋ ɡɛ ŋɡɔ ŋwɑŋ, ɛ́fú nɛsɑ́Ꞌ-nɛm, ŋ́ɡʉ ŋ́kúu mbɛ́nɛm, ɛ́ ndʉ́ŋndʉŋ pɑ́Ꞌ pɛ́ ńdɑ́Ꞌ ńjʉ́ɔ Mɔ́ɔ-Ŋu pɑ́Ꞌ ɑ tɔ́nɛ.

Mɑtʉ̈ɔ 24:44

Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.

Lúkɑ́shi 18:8

Tsʉ́Ꞌnɛ ŋ kɛ sẅíi wʉ́ʉ, ɑ kɛ́ lɑ́ɑtɛ nɛtɔ́ ńcẅɛ́lɛ́ wɔ́p pɔ́. Lɑ́, tɛ ɛ́ pɑꞋɑ, Mɔ́ɔ-ŋu ŋ́ɡɛ ŋ́ɡɔ ńtɔ́ ndǔ tsɛ́tsɑ́Ꞌ, ńjʉ́ɔ pʉɔmɛsɔŋ pɔ́ ńzɑ́p tʉ́m nǔu Sɛ́?»

Lúkɑ́shi 21:27

Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Jɑ̂ŋ 21:22

Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»

Jɑ̂ŋ 21:23

Yɛ́su cú yɔ nu nǔu ẅîwɑ́ ŋɡɑŋku wɛ pɑ́Ꞌnɛ, pɑpɛ́m Yɛ́su tsʉʉ tsʉ́Ꞌ ḿbɔ́ ɛ́sẅíitɛ sẅíitɛ́nɛ ŋɡɔ ẅîwɑ́ ŋɡɑŋku wɛ kɛ́ lɑ́Ꞌ ḿpfú pɔ́. Lɑ́, mbɔ Yɛ́su ŋkɑɑ cú ŋɡɔ ɑ kɛ́ lɑ́Ꞌ ḿpfú pɔ́ pɔ́. Mbɔ ɑ cú pɔ ŋɡɔ, ɑ lɑɑ ŋ́kɔŋ ŋɡɔ ẅîwɑ́ ŋu pɔ́ pɔ ɡú tɛ ɑ lɑ́Ꞌ ḿbɛn ńtɔ́, mbɔ yɛ́ nu-pyɛ̂ nǔu ḿbɔ́ kʉ̈ɔ́ ɔɔ.

Pʉɔ-Lɔ́mɑ 15:4

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

1 Kɔlɛ̂ŋtɛ 1:7

tɛ ɛ́ ŋkɔ̂ɔnɛ ḿbɔ́ mbɔ̌ pʉʉ pi pʉʉ sɛ́ ńzẅíꞋlɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ŋ́ɡɛ ŋ́ŋwɑk, yɛcɔ́ fuꞋ yi ɛ́ fúnɛ mbɔ̌ Sɛ́, tɛ pʉʉ pɛ́t ḿbɔ́ ḿmuŋɛ muŋɛ́nɛ kɑ́ pɔ́ ɡú pɔ́.

Ŋɡɑlɑ̂t 5:5

Ɛ́ ɡʉ nǔu pɛk pi pɛk zɑ́pnɛ tʉ́m nǔu Kɛlístɔ, pɛk sɛ́ ńzúꞋ nu pɔ mbɔ̌ Zẅikŋɛ Lɛ́ɛnɛ́nɛ, ɛ́ sɛ́ ŋ́ɡɛ pɛk pɔ́ ńzẅíꞋlɛ ŋɡɔ Sɛ́ ŋ́ɡɛ ŋ́ɡɛ pɛk pɔ́ pʉɔ pi pɔ́p mbi yɛ́ ḿbɔ́ ndʉ́ŋndʉŋ.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Kɔlɔsíyɛ̂ŋ 1:11

Pɛk pɛn ḿbɔ́ ńdɔ́ɔ mbɔ̌ Sɛ́ ŋɡɔ ɑ lɔk pɑ́Ꞌ mɛtʉʉ pɔ́p nɛɡúꞋ pɔ́ pɔ mɛ́ lɑ́, ŋ́ɡɛ pʉʉ tsuŋ ńtɛntɛ lɑ ŋ́kuꞋ nɛsʉk mɛnu tsʉʉ kɛ́ citɛ mbʉʉ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

Ɛ́bɛlʉʉ 6:15

Ábɛlɛhɑ̂m zúꞋ, ńzẅíꞋlɛ kɛ́ kɑ́ɑ, ɛ́ lɛɛ pɔ́Ꞌɔ, ɑ lɑ́Ꞌ ŋ́ɡẅɛɛ yúu mi Sɛ́ kɑ kɑꞋnɛ mbɔ̌ wɛ́.

Jɑ̂k 4:11

Pɔ́ɔpɛ́mɑ́ pɑ́ɑ, kɔɔ sẅíitɛ pɔ́ tsɛtsɛt pʉʉ. Ŋu lɑɑ ɛ́sẅíitɛ nǔu mɔ́ɔmɑ́ wɛ, kɛ ńtɔ́ pɔ lɔ́Ꞌ yɛ́ ɔɔ, mbɔ ɑ sẅíitɛ pɔ nǔu nɛpʉ́ʉ, ḿbɛn ńtɔ́ pɔ lɔ́Ꞌ-nɛpʉ́ʉ. Ŋu lɑɑ ŋ́kɛ́ ńtɔ́ lɔ́Ꞌ nɛpʉ́ʉ, mbɔ ɑ kɑ́ pɛn ḿbɔ́ ŋu ẅí ɑ ɡẅɛɛnɛ nɛpʉ́ʉ pɔ́, ɑ tsʉ́Ꞌ ńtɔ́ lɔ́Ꞌ nɛpʉ́ʉ tɔ́nɛ.

Jɑ̂k 5:10

Pɔ́ɔpɛ́mɑ́ pɑ́ɑ, pʉʉ pɛ́ɛ fʉꞋ nǔu pɛŋɡɛ́mndʉ̈ɔ́Ꞌ-Sɛ́ pi pɔ́p ḿbɔ́ ńcú nu nǔu lík-Tsɑpʉɔ. Nǔu nɛsʉk ŋɡʉ̈ɔ́Ꞌ, mbɑ nǔu nɛlɔk kɔkmbʉʉ ńzẅíꞋlɛ yúu.

Jɑ̂k 5:3

Gwɛ́tkɑ́ɑ ɡẅɛɛ tʉ́n-ɡɔ̂l yʉ́ʉ mbɑ ŋkɑ́p yʉʉ. Pɛ́ ɡʉ ŋ́ɡɛ ɛ́fú pɔ nǔu ńjʉ́ɔ ŋɡɔ pʉʉ vu ntsɑŋ, mbɑp-mbʉʉ yʉʉ mɛ pɑ́Ꞌ ŋkɑ́ yi pɛ́ tɔɔ wʉ́ʉ múk lɑ́. Pʉʉ kɑ cúꞋlɛ́nɛ yúu mi ɛ́ cɔ́k ŋkɑ́p nǔu mɔ mɛlɛ́Ꞌlɑ́Ꞌ mi ɛ́ ndẅiknzʉʉ.

2 Pyɛ̂ 3:4

ńcú ŋɡɔ: Yɛ́su ŋkɑɑ cú ŋɡɔ ɑ ɡʉ ńtɔ́ pɔ́ɔ? Tɛ ɑ pɔ ɡɔ́? Pɛtɑ́t pɛk kɑ lɑ́Ꞌ mɔ́ ḿpfútɛ, yɛcɔ́ yúu ŋ́kɛ́ mbɔɔ kúpmɛ, mbɑ kʉ̈ɔ́ lɑ́ kɛ́ ḿbɔ́ pɔ pɑ́Ꞌ ɛ́ kɑ pɔ́nɛ tɛ ɛ́fúnɛ pɑ́Ꞌ pɛ́ kɑ niitɛ́nɛ ndǔmbí.