Jɑ̂k 2:9 - Kɑɑ Fí

⁹ Lɑ́ pʉʉ kɛ ŋ́ɡẅɛɛ tɔŋ tsɛtsɛt pʉʉ, mbɔ pʉʉ ɡɛ nu kɛpɔŋ. Nɛpʉ́ʉ-Sɛ́ ɡẅɛɛ wʉ́ʉ mbíꞋŋɡɔ pʉʉ fɑɑnɛ nɛpʉ́ʉ.

Jɑ̂k 2:9 교차 참조

Jɑ̂ŋ 16:8

A ɡʉ ḿbɔ́ tɛ ńtɔ́, ńtsuŋ ńnyɛt mbɔ̌ pʉɔ-ndǔmbí ŋɡɔ pɔ́p ɡɛ pɔ nu kɛpɔŋ, ŋɡɔ pɔ́p kɑ pɔ́ ńjí yúu mi nu ndʉ́ŋndʉŋ ɛ́ yɛ́t pɔ́, ḿbɛn ŋ́kɛ́ ḿbɔ́ɔ ńjí yúu mi nɛŋɑk, ɛ́ yɛ́t pɔ́.

Jɑ̂ŋ 8:46

Mbɔ́ wɔ̌ tsɛtsɛt pʉʉ lɛꞋlɛ nu kɛpɔŋ yi mɔ ŋ́ɡɛ mɔ́? N dɑɑ ḿbɔ́ yi ɛ sẅíi nu nɛ́nẅín, mbɔ pʉʉ pɛn ŋ́kɛ́ ḿbɔɔ ḿbɛ́m pɔ́ mɛlɑ́Ꞌ kʉ̈ɔ́?

Jɑ̂ŋ 8:9

Pʉɔ zúꞋ yɔ sẅiŋɛ, ńzɛ nɛɡʉtɛ pɔ wɛ́mɔ́Ꞌɔ wɛ́mɔ́Ꞌɔ, ńzɛ nǔu pɛlʉ́m. Tɛ ɑ tsʉꞋ Yɛ́su zɛ́nɛ́jʉ́, mɑŋɡɛ́ ɛ̂wɑ́ kɛ́ ḿbɛ́t ńtʉ́ʉ pɔ zúꞋu.

ŊwɑꞋnɛ-Gɑŋntúu Yɛ́su Kɛlístɔ 10:34

Pyɛ̂ ɡɔ́ɔ ŋ́kɛ́ ńcú ŋɡɔ: «Mɔ ŋkɔ̂ɔnɛ pɑ́Ꞌɑ, mbɔ ŋ ɡɔ́ɔ mɔ ŋ́kɛ́ ńjʉ́ɔ kwɑꞋ nɛ́nẅín, ŋɡɔ Sɛ́ kɑ́ tíitɛ pʉɔmɛsɔŋ pɔ́.»

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

1 Kɔlɛ̂ŋtɛ 14:24

Lɑ́ ḿbɔ́ yi pʉʉ pɛtsʉʉ lɑɑ ḿbɔ́ ńcẅi pɔ Ŋkʉʉ ẅi ɛ́ fúnɛ mbɔ̌ Sɛ́, ŋu kúu ndɑ́, kɛ ḿbɔ́ pɔ ŋu ẅí ɑ kɑ́ zɑ́p tʉ́m nǔu Sɛ́ pɔ́ pɔ, kɛ ŋu ẅí ɑ kɑ́ jí nu nǔu yîyɑ́ ntɛ́ pɔ́ pɔ, mbɔ kʉ̈ɔ́ lɑ́ yi ɑ sɛ́ ńzúꞋ ɛ́ ɡʉ ŋ́ɡɛ ɑ sɑ́ŋ nu, sẅiŋɛ ɛ̂yɑ́ tsʉʉ cú nu mbɔ̌ wɛ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

1 Jɑ̂ŋ 3:4

Ŋu lɑɑ ńnɑ́ŋ ŋ́ɡɛ nu kɛpɔŋ, mbɔ ŋɡɑŋ lʉꞋ nɛnɛn nǔu nɛpʉ́ʉ-Sɛ́, mbíꞋŋɡɔ nɛɡɛ nu kɛpɔŋ ɛ́ nɛlʉꞋ nɛnɛn nǔu nɛpʉ́ʉ-Sɛ́.

Jẅidɛ 1:15

Ńtɔ́ pɔ́Ꞌɔ, nɛzɑ́Ꞌ ntsɑŋ yɔ́p pʉɔ tsʉʉ, ńníꞋ ŋɡʉ̈ɔ́Ꞌ tú-pʉɔ kɛpɔŋ tsʉʉ mbíꞋ mɛfɑꞋ kɛpɔŋ mi pɔ́p kɑ fɑꞋnɛ. Mbɑ́ɑtɛ nǔu pʉɔ pɔ́p kɑ tʉʉnɛ tú mbɔ̌ Sɛ́, tɛ mbɑ nǔu sẅiŋɛ yɔ́p tsʉʉ yi ɛ́ pʉ́k pʉ́knɛ, yi pʉɔ kɛpɔŋ ɛ̂pɑ́ pi pɔ́p ŋ́kɑɑ ɡẅɛɛ mɛkuꞋ pɔ kɑ pɔ́ ńcú nǔu Sɛ́.