Jɑ̂k 2:25 - Kɑɑ Fí

²⁵ Ɛ́ kɑ pɛn ḿbɔ́ pɔ pɔ́Ꞌɔ, nǔu Lɑɑp, ŋɡɑŋɡɑ́ɑ mɑŋɡɛ́, Sɛ́ kɑ ɡɔ́ ńcú ŋɡɔ ɑ ndʉ́ŋndʉŋ mbi yɛ́, ńdɛɛ pɔ nǔu mɛfɑꞋ mɛ́. Pɑ́Ꞌ ɑ kɑ ɡɑ́nɛ zʉꞋ nɛlʉɔmɛ mbɔ̌ pʉɔ-Íslɑɛ̂l pí pɛ́ kɑ túunɛ, ḿbɛn ńnyɛt wɔ́p nɛ́ ndúŋ yi pɔ́p ɡʉ ńdɛɛ nǔu ŋ́ɡʉ.

Jɑ̂k 2:25 교차 참조

Mɑtʉ̈ɔ 1:5

Sɑlmɔ́ŋ pí Bɔ́ɔz, mɑ́ pɛ́ Bɔ́ɔz pɔ́ Lɑɑp, Bɔ́ɔz pí Ɔbɛ̂d, mɑ́ pɛ́ Ɔbɛ̂d pɔ́ Lẅíd, Ɔbɛ̂d pí Jɛsɛ́,

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

ŊwɑꞋnɛ-Gɑŋntúu Yɛ́su Kɛlístɔ 17:7

Jɑ́sɔŋ ŋkɛmɑ́ɑ ŋ́kúkŋɛ wɔ́p njɛ́Ꞌ yɛ́. Pɔ́p sɛ́ ḿbɔ́ ŋ́ɡwɑ́k nɛpʉ́ʉ-Kɑ́sɑ, ńcú ŋɡɔ wɛcɔ́ fɔɔ ɡú, pɛ́ fúŋ wɛ́ ŋɡɔ Yɛ́su.»

Ɛ́bɛlʉʉ 11:31

Ɛ́ kɑ fú pɔ nǔu pɑ́Ꞌ Lɑ̌ɑp ŋɡɑŋɡɑ́ɑ mɑŋɡɛ́ kɑ zɑ́pnɛ tʉ́m yɛ́ nǔu Sɛ́, lɑ pɑtʉ́ʉ tú mbɔ̌ Sɛ́ pɔɔ puu ńdɑ́kŋɛ pɔ́. Pɛ́ ŋ́kɑɑ wɛ́ jẅí mbíꞋŋɡɔ ɑ kɑ kúkŋɛ pɛmɑ́nɑ́ŋ-pɑíslɑyɛ̂l sʉ́Ꞌnɛ, nǔu ŋkɑ́ yi pɛ́ kɑ túunɛ wɔ́p.

Jɑ̂k 2:18

Líkcɔ́ mbɔ ŋu cú ŋɡɔ: «wɛcɔ́ ŋu sɛ́ ńzɑ́p tʉ́m yɛ́ nǔu Sɛ́, wɛcɔ́ pɔ́ fɑꞋ mɛfɑꞋ. Mbɔ ŋ ɡʉ ńcú yɑ́ɑ mbɔ̌ wɛ́ ŋɡɔ: Nyɛt wɑ́ɑ pɑ́Ꞌ ɛ́ lɑɑ ḿbɔ́ ɔ zɑ́p tʉ́m nǔu Sɛ́ kɛ́ pɔ́ ɛ́fɑꞋ mɛfɑꞋ, n dɔk mɛfɑꞋ mɑ́ɑ ńnyɛt wú ŋɡɔ n zɑ́p tʉ́m nǔu Sɛ́.»

Jɑ̂k 2:22

Ɔ lɔk ńjʉ́ɔ ŋɡɔ wɛ nɛzɑ́p tʉ́m nǔu Sɛ́ pɔ́p mɛfɑꞋ mɛ́ kɑ tɛmtɛ ńnɛn tɑ́Ꞌ ku. Ɛ́ kɑ fú nǔu mɛfɑꞋ mɛ́ wɛ nɛzɑ́p tʉ́m nǔu Sɛ́ pɔ́ ɡú tɛ ŋ́kuꞋ.

Jɑ̂k 2:24

Pʉʉ lɔk ńjʉ́ɔ ŋɡɔ ɛ́ lɛɛ pɔ nǔu mɛfɑꞋ mi ŋu sɛ́ ɛ́fɑꞋ, lɑ Sɛ́ cú ŋɡɔ ŋɡɑŋ ndʉ́ŋndʉŋ mbi yɛ́, lɑ́ ɛ́ pɔɔ pɔ́ pɔ ndɑꞋ pɑ́Ꞌ ŋɡɑŋ zɑ́pnɛ tʉ́m yɛ́ nǔu Sɛ́ pɔ́.