Jɑ̂k 2:18 - Kɑɑ Fí

¹⁸ Líkcɔ́ mbɔ ŋu cú ŋɡɔ: «wɛcɔ́ ŋu sɛ́ ńzɑ́p tʉ́m yɛ́ nǔu Sɛ́, wɛcɔ́ pɔ́ fɑꞋ mɛfɑꞋ. Mbɔ ŋ ɡʉ ńcú yɑ́ɑ mbɔ̌ wɛ́ ŋɡɔ: Nyɛt wɑ́ɑ pɑ́Ꞌ ɛ́ lɑɑ ḿbɔ́ ɔ zɑ́p tʉ́m nǔu Sɛ́ kɛ́ pɔ́ ɛ́fɑꞋ mɛfɑꞋ, n dɔk mɛfɑꞋ mɑ́ɑ ńnyɛt wú ŋɡɔ n zɑ́p tʉ́m nǔu Sɛ́.»

Jɑ̂k 2:18 교차 참조

Pʉɔ-Lɔ́mɑ 14:23

Lɑ́ ŋu lɑɑ ḿmʉ́Ꞌlɛ nǔu yúu kɔɔ ɑ jʉ́, ŋ́kɛ́ ńjʉ́, mbɔ ɑ vu ntsɑŋ mbi Sɛ́. MbíꞋŋɡɔ ɑ kɑ́ ɡɛ pɑ́Ꞌ ɑ jínɛ ŋɡɔ nu-Sɛ́ sɛ́ ḿbíkŋɛ pɔ́. Ŋu lɑɑ ŋ́ɡɔ́ ŋ́ɡɛ yúu ḿbɔ́ ḿmʉ́Ꞌlɛ, mbɔ ɑ ɡɛ nu kɛpɔŋ.

Pʉɔ-Lɔ́mɑ 3:28

Pɛk zɛɛ ḿbɔ́ ńjí yɛ́k ŋɡɔ: Sɛ́ ɡɔ́ ńdíŋɛ ŋu ɑ pɔ́ ndʉ́ŋndʉŋ mbi yɛ́, ntɛ́ pɔ nǔu pɑꞋ ɑ zɑ́pnɛ tʉ́m yɛ́ nǔu Yɛ́su, ɛ́ kɑ́ fú nǔu pɑ́Ꞌ ɑ ɡɛnɛ yúu mi nɛpʉ́ʉ píkŋɛ́nɛ pɔ́.

Pʉɔ-Lɔ́mɑ 4:6

Ɛ́ pɛn ḿbɔ́ yúu mi fɔɔ Ndɑvît kɑ cúnɛ. A kɑ cú nu nǔu ŋu ẅí Sɛ́ tsʉ́Ꞌnɛ ńdíŋɛ wɛ́ ɑ pɔ́ mbi yɛ́ ḿbɔ́ pɔ ndʉ́ŋndʉŋ, ɛ́ kɛ́ mbɔɔ ɛ́fú nǔu mɛfɑꞋ-ŋɡɑŋ pɔ́, ẅîwɑ́ ŋu pɔ́ttú.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 9:19

Líkcɔ́ ŋu zúꞋ pɑ́Ꞌɑ tɛ ḿbíkŋɛ wɑ́ɑ ŋɡɔ ɛ́ lɑɑ ḿbɔ́ pɔ́Ꞌɔ, Sɛ́ pɛn ŋ́kɑkŋɛ ŋu nǔu nu mɛlɑ́Ꞌ kʉ̈ɔ́, mbíꞋŋɡɔ ŋu kɛ́ kuꞋ nɛɡɛ yúu kɛ́ pɔ́ yi jʉ́ Sɛ́ kɑ zɑ́pnɛ ŋɡɔ ŋɡɑŋ ŋ́ɡɛ pɔ́ ɔɔ?

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

Ɛ́bɛlʉʉ 11:31

Ɛ́ kɑ fú pɔ nǔu pɑ́Ꞌ Lɑ̌ɑp ŋɡɑŋɡɑ́ɑ mɑŋɡɛ́ kɑ zɑ́pnɛ tʉ́m yɛ́ nǔu Sɛ́, lɑ pɑtʉ́ʉ tú mbɔ̌ Sɛ́ pɔɔ puu ńdɑ́kŋɛ pɔ́. Pɛ́ ŋ́kɑɑ wɛ́ jẅí mbíꞋŋɡɔ ɑ kɑ kúkŋɛ pɛmɑ́nɑ́ŋ-pɑíslɑyɛ̂l sʉ́Ꞌnɛ, nǔu ŋkɑ́ yi pɛ́ kɑ túunɛ wɔ́p.

Ɛ́bɛlʉʉ 11:33

Pɔ́p pʉɔ pi pɔ́p kɑ fú pɔ nǔu pɑ́Ꞌ pɔ́p kɑ zɑ́pnɛ tʉ́m yɔ́p nǔu Sɛ́, ḿmɑꞋ ntsɔ ńjʉ́ túu nɛtúu, ɛ́sɑ́Ꞌ lɑ́Ꞌ pɔ ndʉ́ŋndʉŋ, pɔ́p zẅíꞋlɛ yúu mi Sɛ́ kɑ kɑꞋnɛ mbɔ̌ pɔ́p tɛ ŋ́ɡẅɛɛ, ńjʉ́ɔꞋ ntsu-pɛpúꞋntʉʉ,

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Jɑ̂k 2:14

Pɔ́ɔpɛ́mɑ́ pɑ́ɑ, ŋu lɑɑ ŋɡɔ ɑ zɑ́p tʉ́m yɛ́ nǔu Sɛ́, ḿbɔɔ ɛ́fɑꞋ mɛfɑꞋ ńdɔk ńnyɛt pɔ́, mbɔ ɛ́ ɡʉ ńcẅɛ́lɛ́ wɛ́ nǔu kʉ̈ɔ́? Tɛ mbɔ yîyɑ́ ntɛ́ nɛzɑ́p tʉ́m nǔu Sɛ́ ɡɛ ŋu luk?

Jɑ̂k 3:13

Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.