Jɑ̂k 1:25 - Kɑɑ Fí

²⁵ Lɑ́ ŋu ẅí ɑ niitɛ́nɛ ḿbɛ́m nu nǔu nɛpʉ́ʉ ni yɛcɔ́ yúu kɑ́ jɑ́k nǔu pɔ́, ni ɛ́ ɡɛnɛ ŋu pɔ́ ndẅíi. A lɑɑ ńzɑ́p tʉ́m yɛ́ nǔu kɛ́ kɑ́ɑ tɛ ɑ pɔɔ pɔ́ pɔ zúꞋndikŋɛ pɔ́, ḿbɔ́ zúꞋŋɡɛ, mbɔ ɑ ɡʉ ḿbɔ́ pɔ́ttú nǔu kʉ̈ɔ́ lɑ́ yi ɑ ɡɛnɛ.

Jɑ̂k 1:25 교차 참조

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

Jɑ̂ŋ 13:17

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

Jɑ̂ŋ 8:36

Ɛ́ pɔ́Ꞌɔ, lɑ́ ḿbɔ́ yi mɔ́ɔ-Sɛ́ lɑɑ ńcẅɛɛtɛ wʉ́ʉ ndɑ́-kwɑɑ, mbɔ pʉʉ ɡʉ ɛ́fú zúꞋu ńcẅɛt, kwɑꞋ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 13:43

Pɛ́ cẅɛt ndɑ́-cúꞋlɛ, ŋ́ɡɔ fyɑkŋɛ, nɛzɑ́ɑ pɑyúdɑ, pɔ́p pʉɔ pí pɔ́p pɔ́knɛ Sɛ́ ɡʉ ńcɑklɛ wɔ́p. Pɔ̂l pɔ́p Pɑnɛpɑ́ɑshi pɛn ńníꞋ mɛtʉʉ wɔ́p ŋɡɔ pɔ́p ɡẅɛɛ mɛnu sʉ́Ꞌnɛ mi Sɛ́ lɔknɛ ŋ́ɡɑ́ luk yɔ́p, ŋ́kúꞋlɛ kwɑꞋ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

Pʉɔ-Lɔ́mɑ 11:22

Jí ŋɡɔ Sɛ́ lɑɑ ḿbɔ́ yi ɑ ɡẅɛɛ pɔŋtʉ́m, mbɔ ɑ pɛn cʉ́ɔk. A kɑ cʉ́ɔk pʉɔ pi pɔ́p kɑ vunɛ sɛ́. M bɛn ḿbɔ́ ŋ́ɡẅɛɛ pɔŋtʉ́m nǔu ɡu. Lɑ́ ɛ́ sɛ́ ḿbíkŋɛ ŋɡɔ ɔ kɛ́ ḿbɔ́ ŋ́kẅiꞋ ŋ́ɡɛ pɔ yúu mi ɛ́ pɔŋnɛ wɛ́, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ńzɑ́Ꞌ wú mɛꞋ pɑ́Ꞌ pɔ́tʉ́ lɑ́.

Pʉɔ-Lɔ́mɑ 2:13

MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

Pʉɔ-Lɔ́mɑ 7:12

Nɛpʉ́ʉ lɔk pɔ́Ꞌɔ, ɛ́fú mbɔ̌ Sɛ́, nu yi ɛ́ cúnɛ ŋɡɔ pɛ́ ɡɛ pɛn ɛ́fú yɛ́ pɔ mbɔ̌ Sɛ́, ḿbɔ́ nu yi ɛ́ ndʉ́ŋndʉŋ, ḿbɔ́ yi ɛ́ pɔŋnɛ.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

1 Timɔtɛ́ɛ 2:15

Lɑ́, n cú pɑ́Ꞌnɛ, mɑŋɡɛ́ ɡʉ ńdɔk pɔ pɑ́Ꞌ ɑ ɡẅɛɛnɛ mbɔ́ŋkʉ̈ɔ́ lɑ ńduk. Lɑ́, ɛ́ píkŋɛ ŋɡɔ ɑ kɛ́ ńzɑ́p pɔ tʉ́m nǔu Sɛ́, ŋ́kɔŋ pʉɔmɛsɔŋ, ŋ́ɡẅɛɛ mbʉʉ yɛ́ nɛ́ mɛkuꞋ, ŋ́ɡɛ yúu mi ɛ́ pɔŋnɛ Sɛ́.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Jɑ̂k 2:12

Pʉʉ ɡɔ́ ḿbɔ́ ńcú nu, ḿbɔ́ ŋ́ɡɛ pɑ́Ꞌ pʉɔ pí pɛ́ ɡʉ ńdɑ́Ꞌ ńdɔk nɛpʉ́ʉ ni ɛ́ ɡɛ pɛ́ tsʉ́Ꞌ pɛlúunút ńdɔk ŋ́ŋɑk wɔ́p.

1 Pyɛ̂ 2:16

Pʉʉ lɔk mɑt wʉʉ ḿbɔ́ pɑ́Ꞌ pʉɔ pi pɛ́ kɑ cẅɛɛtɛ́nɛ wɔ́p ndɑ́-kwɑɑ. Lɑ́, kɔɔ ẅîwɑ́ nɛpɔ́ kɛ́ ńtsʉ́Ꞌ mbɔ̌ pʉʉ ḿbɔ́ ŋkwɑ́ yi pʉʉ ɡʉ ńdɔk ńdʉɔ mɛnu kɛpɔŋ. Pʉʉ lɔk mɑt wʉʉ ḿbɔ́ pɔ pɛkwɑɑ-Sɛ́.

1 Jɑ̂ŋ 2:24

Ɛ́ yúu mi ɛ́ ɡɛnɛ n cú mbɔ̌ pʉʉ ŋɡɔ pʉʉ kúꞋlɛ sẅiŋɛ yi pʉʉ kɑ zúꞋnɛ tɛ ɛ́fú nzɛnɛ kwɑꞋ sʉ́Ꞌnɛ. Sẅiŋɛ yi pʉʉ kɑ zúꞋnɛ tɛ ɛ́fú nzɛnɛ lɑɑ ḿbɔ́ tsɛt tʉ́m pʉʉ, mbɔ pʉʉ yʉ́ʉ ɡʉ ńtɛmtɛ nǔu Mɔ́ɔ mbɑ nǔu Tɑ́t.

Mɛnu ɛ́ ńdɑ́Ꞌ ńcẅɛt 14:13

N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.