Jɑ̂k 1:19 - Kɑɑ Fí

¹⁹ Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,

Jɑ̂k 1:19 교차 참조

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑ́lɛ́kúshi 12:37

KwɑꞋ fɔɔ Ndɑvît fúŋnɛ Nzɑ́Ꞌŋkʉ ŋɡɔ wɛ Tsɑpʉɔ, lɑ́ ɑ pɛn ḿbɔ́ ŋu nǔu njẅɛt yɛ ŋɡɔ́ku? Lɑ́Ꞌ yi ɛ́ lɑ́Ꞌnɛ ḿbɔ́ zúꞋu, zúꞋ nu yí Yɛ́su cúnɛ, ɛ́ pɔŋ wɔ́p tɛꞋ.

Mɑ́lɛ́kúshi 2:2

lɑ́Ꞌ pûu ńcúꞋlɛ zúꞋu tɛ nɛtík ku pɔɔ pɛn ḿbɔ́ ɡú pɔ́, tɛ mbɑ ntsundɑ́, ɑ zɛ nɛsẅíi wɔ́p nɛ́ nu-Sɛ́.

Lúkɑ́shi 15:1

Pɑcẅɛ́ɛntsup-Pɑlɔ́mɑ pɔ́p pɛcɔ́ pʉɔ pi pɛ́ kɑ pɔ́ ŋ́kʉ́ʉnɛ wɔ́p ḿbɔ́ ńtɔ́ pɛtsʉʉ, nɛjɔ́ŋ Yɛ́su nɛzúꞋ nu yɛ́.

Lúkɑ́shi 19:48

Lɑ́ ńdɔ́ɔ kɛ́kɑ́ŋ, mbíꞋŋɡɔ lɑ́Ꞌ tsʉʉ kɑ pɔ́ ńtík mɛtúutɛ́ tɛꞋ ńzẅíꞋlɛ nu yi Yɛ́su cúnɛ.

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

Ɛ́fɛ̂zɛ 4:31

Pʉʉ cẅɛɛtɛ yúu mi ɛ́ tʉ́m pʉʉ ŋ́ɡɛ ntsu wʉ́ʉ pʉ́k, ńcẅɛɛtɛ zɑ́Ꞌ ŋkwɑɑ, ńcẅɛɛtɛ zɑ́ŋ lɔ́ŋ, kɔɔ pʉʉ pɛn ńtɑ́k mɛfɛꞋ, kɔɔ pʉʉ kɔ́ɔmɛ ntsu, pʉʉ mɛꞋ fʉꞋnɛ ntɛ́ nɛ́ ntɛ́,

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

Kɔlɔsíyɛ̂ŋ 3:8

Lɑ́, ɛ́ kɛ́ ḿbɔ́ ŋkɔ̂ɔnɛ ḿbɔ́ ḿbíkŋɛ ŋɡɔ pʉʉ cẅɛɛtɛ mîmɑ́ mɛnu nǔu pʉʉ ḿmɛꞋ. Pɛ́ lɑ́Ꞌ ŋu wʉʉ nɛzɑ́ŋ lɔ́ŋ, ŋu wʉʉ nɛnɑ́ŋ cɔ́k lɔ́ŋ, ŋu wʉʉ nɛzɑ́Ꞌ ŋkwɑɑ-ŋu, ŋu wʉʉ nɛtɑ́ŋ pɔ zɔɔ, sẅiŋɛ kɛpɔŋ nɛpɛn ńcẅɛt ntsu pʉʉ.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

Jɑ̂k 1:16

Pɔ́ɔpɛ́mɑ́ pɑ́ɑ pɛ́ tʉʉndɛn, kɔɔ kwɑŋɛ yʉ́ʉ fúklɛ wʉ́ʉ.

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

Jɑ̂k 2:1

Pɔ́ɔpɛ́mɑ́ pɑ́ɑ kɔɔ pʉʉ pɔ́ ńzɑ́p tʉ́m nǔu Tsɑpʉɔ Yɛ́su Kɛlístɔ wɛkŋɛ ẅí ɑ ɡẅɛɛnɛ mɑ́mɑ́ nɛɡúꞋ, ḿbɛn ŋ́ɡẅɛɛ tɔŋ tsɛtsɛt pʉʉ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Jɑ̂k 3:10

Mbɔ́tnɛ mbɑ ndɔɔ cẅɛt pɔ tsɛt tɑ́Ꞌ ntsu wɛ́mɔ́Ꞌ. Pɔ́ɔpɛ́mɑ́ pɑ́ɑ, ɛ́ kɑ́ pɔ́ ḿbɔŋ ŋɡɔ ɛ́ pɔ́ pɔ́Ꞌɔ pɔ́.

Jɑ̂k 4:11

Pɔ́ɔpɛ́mɑ́ pɑ́ɑ, kɔɔ sẅíitɛ pɔ́ tsɛtsɛt pʉʉ. Ŋu lɑɑ ɛ́sẅíitɛ nǔu mɔ́ɔmɑ́ wɛ, kɛ ńtɔ́ pɔ lɔ́Ꞌ yɛ́ ɔɔ, mbɔ ɑ sẅíitɛ pɔ nǔu nɛpʉ́ʉ, ḿbɛn ńtɔ́ pɔ lɔ́Ꞌ-nɛpʉ́ʉ. Ŋu lɑɑ ŋ́kɛ́ ńtɔ́ lɔ́Ꞌ nɛpʉ́ʉ, mbɔ ɑ kɑ́ pɛn ḿbɔ́ ŋu ẅí ɑ ɡẅɛɛnɛ nɛpʉ́ʉ pɔ́, ɑ tsʉ́Ꞌ ńtɔ́ lɔ́Ꞌ nɛpʉ́ʉ tɔ́nɛ.

Jɑ̂k 5:12

Pɔ́ɔpɛ́mɑ́ pɑ́ɑ, ɛ́ lɑɑ ḿbɔ́ pɔ nu kʉ̈ɔ́ ɔɔ, kɔɔ pʉʉ cú nu tɛ ŋ́kɑɑ. Kɔɔ pʉʉ lɔk nɛpú ŋ́kɑɑ nu, kɔɔ pʉʉ lɔk tsɛ́tsɑ́Ꞌ ŋ́kɑɑ. Ɛ́ pɔŋ ŋɡɔ wʉʉ ɔ́ɔŋ pɔ́ pɔ ɔ́ɔŋ, wʉʉ ŋɡɑ́ŋ pɔ́ pɔ ŋɡɑ́ŋ. Ɛ́ lɛɛ pɔ́Ꞌɔ, lɑ Sɛ́ pɔɔ ɡɛ ŋɡɔ pʉʉ vu ntsɑŋ pɔ́.

Jɑ̂k 5:19

Pɔ́ɔpɛ́mɑ́ pɑ́ɑ, ŋu wʉʉ lɑɑ ɛ́fɑɑnɛ sɛ̂ndúŋ, ńnɑ́ nu yi ɛ́ nɛ́nẅín, pɛ́ pɛn ńtík wɛ́, tɛ ɑ pɛn nzʉʉ,

1 Jɑ̂ŋ 2:21

Ŋ kɑ ɡɔ́ ŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ mbɔɔ ńdɔk ńcú ŋɡɔ pʉʉ kɑ́ pɔ́ ńjí nu nɛ́nẅín pɔ́ pɔ́. Ɛ́ pɔ́ pɔ nu yi pʉʉ sɛ́ ńjí. Pʉʉ pɛn ḿbɔ́ ńjí ŋɡɔ, mbɔ yɛcɔ́ cɔtnu pɔɔ tsɛt nu nɛ́nẅín cẅɛt.