8 PɑnɔŋpɔꞋ pi pɔ́p lɔknɛ ḿbɔ́ njẅɛt-Lɛ́vi, pi pɔ́p cẅɛ́ɛnɛ tɑ́Ꞌ nji nǔu yúu nji nɛɡɛ́m, pɔ́p pʉɔ pi pɔ́p nɑ́ŋnɛ ḿpfútɛ. Lɑ́ ŋ́ɡʉ nǔu Mɛlkisɛdɛk ẅí ɑ kɑ cẅɛ́ɛnɛ tɑ́Ꞌ nji nǔu nji nɛɡɛ́m, ɑ ŋu ẅí ɑ ḿbɔ́ pɔ ɡú, pɑ́Ꞌ ŋwɑꞋnɛ-Sɛ́ sɛ́ ɛ́sẅíi wɛkŋɛ pɔ́Ꞌɔ.
Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.
Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.
Pʉɔ pinɛ pɔ́p kɑ zɛɛnɛ ńzúꞋ ŋɡi-Sɛ́, ńtʉʉ tú mbɔ̌ wɛ́, ɛ́ kɑ pɔ́ pɛ wɔ̌? Pɔ́p kɑ pɔ́ pʉɔ tsʉʉ pi Mɔ̌sɛ̂ɛ kɑ lɔknɛ wɔ́p ɛ́fú tsɛt ŋɡɔŋ-Ɛ́ɡíptɔ ńcẅɛt.
Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɑ kɑ pɛnnɛ ńcú nǔu yɛcɔ́ zʉꞋ ŋɡɔ: «Ɔ NɔŋpɔꞋ, tɛ ŋ́kɛ́ ńdɑ́Ꞌ ḿbɔ́ pɔ wɛ́tɛ́, nǔu ntɛ́ yi Mɛlkisɛdɛk kɑ pɔ́nɛ yɛ́.»
MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.
Yúu mi ɛ́ pɛn ḿbɔ́ nǔu pɔ́ ŋɡɔ: PɑnɔŋpɔꞋ pɛ́ njẅɛt-Lɛ́vi kɑ ɡɔ́ ńzɑ́ɑ zɑ́ɑnɛ mbíꞋŋɡɔ nɛvú kɑ pɔ́ ńtɔꞋ wɔ́p nɛ́ kɛ́ ńdɑ́Ꞌ ɛ́fɑꞋ fɑꞋ yɔ́p fɑꞋnɛ tɛ mbɔɔ lɑ́Ꞌ ḿpfú pɔ́.
Pɛ́ zɛɛ ńjí sʉ́Ꞌnɛ ŋɡɔ ŋu ẅí ɑ níꞋnɛ mbɔ́tnɛ lɛɛ ŋu ẅí ɑ cẅɛ́ɛnɛ mbɔ́tnɛ.
Ɛ́ lɑɑ ḿbɔ́ pɛkŋɛ cú ŋɡɔ pʉɔ-Lɛ́vi pi pɔ́p cẅɛ́ɛnɛ tɑ́Ꞌ nji, nǔu nji nɛɡɛ́m, kɑ ɡɑ́ yɔ́p tɑ́Ꞌ nji nǔu nji nɛɡɛ́m mbɔ̌ Mɛlkisɛdɛk, pɔ́Ꞌɔ ńdɛɛ nǔu Ábɛlɛhɑ̂m.
Pɑ́Ꞌ Sɛ́ kɑ zɑ́pnɛ ŋɡɔ wɛ́tɛ́ ŋumɛsɔŋ lɑ́ ɡʉ ŋ́kɛ́ ḿpfú pɔ pɑ́Ꞌ jʉ́ Sɛ́ ɡʉ ńtsɔ́Ꞌtɛ ntsɑŋ-ŋɡɑŋ lɑ́,
Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»
