Ɛ́bɛlʉʉ 7:11 - Kɑɑ Fí

¹¹ Nɛpʉ́ʉ-Pɑíslɑyɛ̂l píkŋɛ ŋɡɔ pɛ́ lɔk pɔ pʉɔ-njẅɛt-Lɛ́vi ŋ́ɡɛ pɑnɔŋpɔꞋ. Pɔ́p pɔ́ pɑnɔŋpɔꞋ nǔu ntɛ́ yi Álɔŋ kɑ pɔ́nɛ yɛ́. Yúu kɑ pɔ́ pɛ́Ꞌnɛ mbɔɔ jɑ́k nǔu yɔ́p ntɛ́ nɛnɔŋ pɔꞋ pɔ́, mbɔ nɛnɑ́ wɔ́p, ńtsʉ́Ꞌ ńdɔɔ pɔ wɛcɔ́ nɔŋpɔꞋ pɔ nǔu ntɛ́ yɛ́ Mɛlkisɛdɛk kɑ pɔ́ ŋ́ɡʉ cẅɛ́lɛ́ nǔu kʉ̈ɔ́?

Ɛ́bɛlʉʉ 7:11 교차 참조

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ŋɡɑlɑ̂t 4:3

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́tnɛ ḿbɔ́ pɑ́Ꞌ pɔ́ɔmbɔ́ŋkʉ̈ɔ́ lɑ́, pɛkŋɛ pɔ́ pɛkwɑɑ mbíꞋ nɛnɛn ẅí pɛkŋɛ nɛnnɛ nǔu tsɛt yɔ ndǔmbí.

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ɛ́bɛlʉʉ 5:10

Ɛ́ ɡɔ́ ḿbɔ́, mbɔ Sɛ́ kɑ lɔk wɛ́ ŋ́ɡɛ NɔŋpɔꞋ wɛ ɡwɛ́ nǔu ntɛ́ yi Mɛlkisɛdɛk kɑ pɔ́nɛ yɛ́.

Ɛ́bɛlʉʉ 5:6

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɑ kɑ pɛnnɛ ńcú nǔu yɛcɔ́ zʉꞋ ŋɡɔ: «Ɔ NɔŋpɔꞋ, tɛ ŋ́kɛ́ ńdɑ́Ꞌ ḿbɔ́ pɔ wɛ́tɛ́, nǔu ntɛ́ yi Mɛlkisɛdɛk kɑ pɔ́nɛ yɛ́.»

Ɛ́bɛlʉʉ 6:20

MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.

Ɛ́bɛlʉʉ 7:10

MbíꞋŋɡɔ ɛ́ kɑ pɔ́ lɛ́Ꞌ yi Mɛlkisɛdɛk kɑ ɡʉnɛ ńzɑ́Ꞌ Ábɛlɛhɑ̂m, Lɛ́vi pɔ́ yɛ́ sɛ́, ńdɛɛ nǔu pɑ́Ꞌ ɑ kɑ pɔ́nɛ nɛpɛm-Ábɛlɛhɑ̂m, ŋɡɑpnjẅɛt wɔp.

Ɛ́bɛlʉʉ 7:12

Ntɛ́ yɛ́ nɛlɔk ńtsɔ́Ꞌ pɑnɔŋpɔꞋ lɑɑ ńzɛɛ ŋ́kúpmɛ, mbɔ nɛpʉ́ʉ ɡẅɛɛ nɛkúpmɛ yɛ́.

Ɛ́bɛlʉʉ 7:13

Pɛ́ cú mɔnɛ mɛnu pɑ́Ꞌɑ mbíꞋ Tsɑpʉɔ wɛkŋɛ. Jʉ́ ẅí ɑ fúnɛ nǔu yɛcɔ́ njẅɛt yɛ́, yi wɛcɔ́ ŋu kɑ pɔ́ ɛ́fú nǔu ɛ́fɑ́Ꞌ fɑꞋ zʉꞋ yi pɛ́ nɔŋnɛ pɔꞋ zúꞋu pɔ́.

Ɛ́bɛlʉʉ 7:15

Yúu mi pɛ́ ɡʉ ɛ́fú nǔu ńniitɛ ńzúꞋ nu yi pɛ́ ńdɑ́Ꞌmɔ́ ńzɛ nɛcú, ɛ́ pɑ́Ꞌ wɛcɔ́ nɔŋpɔꞋ ẅí ɑ kɑ cẅɛtnɛ, nǔu ntɛ́-Mɛlkisɛdɛk.

Ɛ́bɛlʉʉ 7:21

lɑ́ ɛ́ ɡʉ nǔu Yɛ́su, ɑ ɡɔ́ ńtsʉ́Ꞌ NɔŋpɔꞋ wɛ ɡwɛ́, Sɛ́ cú nu mbɔ̌ wɛ́ tɛ ŋ́kɑɑ ŋɡɔ: «Mɔ Tsɑpʉɔ, mɔ cúnɛ tɛ ŋ́kɑɑ Mɔ ŋ́ɡʉ ńdɑ́Ꞌ ŋ́kúpmɛ nu yí n cúnɛ pɔ́.» N cú ŋɡɔ: «Ɔ NɔŋpɔꞋ, ńdɑ́Ꞌ ḿbɔ́ pɔ wɛ́tɛ́ nǔu mɛŋɡuꞋ mɛŋɡuꞋ.»

Ɛ́bɛlʉʉ 8:7

Yúu kɑ pɔ́ pɛ́Ꞌnɛ ńzɛɛ mbɔɔ jɑ́k nǔu nduŋmbi kɑɑ pɔ́, mbɔ pɛ́ ŋ́kɑɑ pɛn ŋ́ɡɛ yɛcɔ́ kɑɑ ńdɔk ŋ́kúpmɛ yîyɑ́ pɔ́.

Ɛ́bɛlʉʉ 9:6

Pɛ́ niitɛ pɑ́Ꞌ, pɑnɔŋpɔꞋ ŋ́kúu tsɛt lûm wɛ píi lɛ́Ꞌ tsʉʉ ɛ́fɑ́Ꞌ fɑꞋ yɔ́p.