8 Lɑ́ ḿbɔ́ yi cẅɛ́ɛnɑŋndɔ́ŋ pɔ́p mɛsɔpnzɔ́ŋ lɑɑnɛ ŋ́kɔ́Ꞌ nǔu yîyɑ́ zʉꞋ-tsɛ́tsɑ́Ꞌ, mbɔ ɛ́ kɛ́ cẅɛ́lɛ́ nǔu yɛcɔ́ yúu pɔ́, mbɔ Sɛ́ ɡʉ ńníꞋ ndɔɔ nǔu pɛ́ mɛꞋ, ŋ́ɡɛ ńtsʉ́Ꞌ ńtɔɔ tɔɔnɛ.
Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.
Pɛ́ zɛɛ mɔ́ ńdɑ́Ꞌ ńtíi nzɑɑ nɛlɔk ŋ́kʉ́ɔꞋ mbɑ yɛ́tɛ́ tʉ́ lɑ́ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, ɛ́fú sɛ́ kʉ́ɔꞋ wɛ́, ŋ́kɛ́ ḿmɑꞋ pɔ múk.
Tʉ́ tsʉʉ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, pɛ́ kʉ́ɔꞋ ńtɔɔ múk.
A cú mbɔ̌ tʉ́ ɛ̂yɑ́ ŋɡɔ: «Ŋu kɛ́ lɑ́Ꞌ ḿbɛn ńjʉ́ mɛntɑ́ɑ mú pɔ́, ŋ́ɡɔ ńcú, ɡɑŋku pɛ́ pɔ́ ńzúꞋ.»
Pyɛ̂ líŋɛ tʉ́ ɛ̂yɑ́, kẅíitɛ yúu mi ɛ́ kɑ lɛɛnɛ, ńcú mbɔ̌ Yɛ́su ŋɡɔ: «Tɑ̌ɑ wɛk, jʉ́ɔ pɑꞋ tʉ́ yɑ́ yi ɔ kɑ níꞋnɛ ndɔɔ nǔu lɑ́ zúunɛ tɛ ḿmɛ.»
«Ŋu lɑɑ mbɔɔ lɑtnɛ mbʉʉ yɛ nǔu mɔ pɔ́, ɑ pɔ́ pɑ́Ꞌ pɔ́tʉ́ ẅi pɛ́ kʉ́ɔꞋnɛ, ḿmɑꞋ nzʉʉ ŋkɑ́Ꞌ ɛ́ zúu. Pɛ́ lɑk ńtɔɔ múk.»
Pɛkŋɛ tsʉ́Ꞌ ŋ́ɡẅɛɛ pɔ nɛɡɔ́ ńzẅíꞋlɛ yúu mi ɛ́ sɛ́ ńtɔ́, ḿbɛn ḿbɔ́ ŋ́ɡwɛt, yîyɑ́ yúu pɔ́ ŋɡɔ pɛ́ ɡʉ ŋ́ɡɛ ŋ́ŋɑk pʉɔmɛsɔŋ mbɑ ŋɡɔ, ŋkʉꞋnɛ pɛmúk ɡʉ ŋ́ɡɛ ńtɔɔ pɑtʉʉtú mbɔ̌ Sɛ́.
Pʉʉ tsuŋ ḿbɔ́ ńjí ŋɡɔ ŋkɑ́ yi tɑ́t wɛ kɑ pɔ́ ŋ́ɡʉ ńníꞋ mbɔ́tnɛ nǔu wɛ́ kɑ ɡɛ ŋ́kuꞋ, tɑ́t wɛ tsʉ́Ꞌ ḿbɑꞋnɛ wɛ́ pɑꞋnɛnɛ. A lɔk nɛkíi, ńdɔɔ shʉ́ pɑ́Ꞌ tɑ́t wɛ ɡʉ ŋ́kúp kwɑŋɛ yɛ́, ḿbɔɔ nǔu kuꞋ.
Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.
