Ɛ́bɛlʉʉ 6:2 - Kɑɑ Fí

² pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

Ɛ́bɛlʉʉ 6:2 교차 참조

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Mɑtʉ̈ɔ 3:14

Jɑ̂ŋ pɔ́ ńdʉꞋ, ḿbɔ́ ńcú mbɔ̌ wɛ́ ŋɡɔ: «Gu ɡẅɛɛnɛ nɛnuꞋ wɑ́ɑ ŋki, ɔ pɛn ńtɔ́ ŋɡɔ mɔ nuꞋnɛ wú tsɛt ŋki?»

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Mɑ́lɛ́kúshi 7:4

ŋ́ɡʉ mɛntɑ́ɑ tɛ ḿbɛn, ḿbiitɛ ńcẅɛɛtɛ lɔ́Ꞌ nǔu pɔ́p, lɑ́ ńjʉ́ yúu. Pɔ́p pɛn ŋ́ɡẅɛɛ mɛcɔ́ mɛnɛpʉ́ʉ tɛ ɛ́ zɑ́ɑ, mi nɔŋŋɡɔŋ kɑ zɑ́pnɛ, ńdɔk ńnyɛt wɔ́p nɛ́ ntɛ́ nɛsuk lɔ́Ꞌ nǔu mɛntúꞋ mbɑ nǔu mɛkʉŋ, mbɑ nǔu mɛkɑ́ŋ, (tɛ mbɑ nǔu mɛkúu).

Mɑ́lɛ́kúshi 7:8

Yɛ́su cú mbɔ̌ pɔ́p ŋɡɔ: «Ɛ́ yɛ́tɛ́ yi pʉʉ pɑꞋnɛ nɛpʉ́ʉ-Sɛ́ ŋ́ɡɑ́ nzʉʉ, ńtsʉ́ꞌ ŋ́ɡẅɛɛ pɔ nɛ́ pʉɔmɛsɔŋ lɑ́.»

Lúkɑ́shi 11:38

ŋu-Fɑlísɑy jʉ́ɔ pɑ́Ꞌ ɑ ŋkɑɑ suk mbɔ́ mɛ́ pɑ́Ꞌ nɛpʉ́ʉ-lɑ́Ꞌ nɔ́p sɛ́ ḿbɔ́ ḿbíkŋɛ pɔ́, ɛ́ ŋ́kʉꞋnɛ wɛ́ tɛꞋ.

Lúkɑ́shi 12:50

Ɛ́ sɛ́ ḿbíkŋɛ ŋɡɔ pɛ́ ɡɛ ńnuꞋ wɑ́ɑ tsɛt ŋɡʉ̈ɔ́Ꞌ pɑ́Ꞌ pɛ́ nuꞋ ŋu ŋki lɑ́. Yîyɑ́ lɛ́Ꞌ lɑɑ ńdɑ́Ꞌ ḿbɛ́t kɛ́ lɛɛ, m bɔɔ sʉ́Ꞌnɛ zúꞋ!

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Jɑ̂ŋ 1:33

KwɑꞋ mɔ ŋ kɑ zɛɛ m̄bɔɔ ḿbɔ́ ńjí wɛ́ pɔ́, lɑ́ Sɛ́ ẅi ɑ kɑ túunɛ wɑ́ɑ ŋɡɔ ŋ ɡʉ ńnuꞋ pʉɔ ŋki, jʉ́ ńcúnɛ mbɔ̌ mɔ ŋɡɔ: Ɔ ɡʉ ŋ́ɡɛ ńjʉ́ɔ zẅikŋɛ-lɛ́ɛnɛ́nɛ tɔ́ ńnɑ́ŋ nǔu ŋu. A jʉ́ ẅi ɑ ɡʉ ŋ́ɡɑ́ pʉɔ mbɔ̌ zẅikŋɛ lɛ́ɛnɛ́nɛ.»

Jɑ̂ŋ 5:29

ŋ́ɡɔ́ɔ ŋ́kɛ́ ɛ́fú tsɛt mɛshi ńcẅɛt. Pʉɔ pínɛ pɔ́p kɑ pɔ́ ŋ́ɡɛ nu sʉ́Ꞌnɛ zẅíimɛ nǔu nɛvú ńcẅɛ́ɛ kwɑꞋ luk, lɑ́ pʉɔ pínɛ pɔ́p kɑ pɔ́ ŋ́ɡɛ nu kɛpɔŋ zẅíimɛ ḿvu ntsɑŋ.»

ŊwɑꞋnɛ-Gɑŋntúu Yɛ́su Kɛlístɔ 10:47

«Ŋkɔ̂ɔnɛ yi pɔ́p ńdɑ́Ꞌmɔ́ ńcẅɛ́ɛ Zẅikŋɛ Lɛ́ɛnɛ́nɛ pɑ́Ꞌ pɛk lɑ́, ɛ́ ńdɑɑ ḿbɔ́ ŋu pɛn ńtɔꞋ nɛnuꞋ wɔ́p ŋki kɛ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 13:3

Pɔ́p zúꞋ pɔ́Ꞌɔ ŋ́kɔŋ ńnɑ́ŋ njí, ńcɛꞋlɛ Sɛ́ tɛ ḿbɔ́tnɛ ńnɑ́ŋ, ńzɑ́p mbɔ́ tú pɔ́p, ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

ŊwɑꞋnɛ-Gɑŋntúu Yɛ́su Kɛlístɔ 16:33

Pɔ ŋkɑ́ yîyɑ́ ŋkɑ́ yîyɑ́, pɔ kwɑꞋ nɛtúꞋ ɛ̂wɑ́, mbyɛ́p ndɑ́tsɑ́ŋ lɔk wɔ́p ŋ́kúu tsɛt wɛcɔ́ lûmndɑ́, ɛ́suk mɛfʉ́ŋ mɔ́p, ńcɔꞋ. Pɔ́p ɡɔ́ɔ ńnuꞋ wɔ́p njẅɛtndɑ́ yɛ tsɛt ŋki.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 2:41

Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 24:21

Tɑ́Ꞌ nu ɡú ḿbɔ́ yi ŋ kɑ tʉ́ʉnɛ mbi pɔ́p, ŋ́kɑꞋ ŋɡi yɑɑ tʉ́ ńcú ɛ́ pɔ́ pɑ́Ꞌ ŋ kɑ cúnɛ ŋɡɔ, pɛ́ kɑ pɔ́ ɛ́fɛn wɑ́ɑ mbi pɔ́p lɛ́Ꞌ ɛ̂yɑ́ mbíꞌŋɡɔ m bɛ́m ŋɡɔ Sɛ́ ɡʉ ńdɑ́Ꞌ ńzẅíimɛ pɛpfú.»

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

ŊwɑꞋnɛ-Gɑŋntúu Yɛ́su Kɛlístɔ 26:8

Pʉʉ ẅi pʉʉ sɛ́ ńzẅíꞋlɛ nu yí n cúnɛ lɑɑ, pʉʉ kɛ́ ńdʉꞋ nɛpɛ́m ŋɡɔ Sɛ́ lɑɑ ḿbɔ́ ɑ ńzẅíimɛ pʉɔ nǔu nɛvú mɛlɑ́Ꞌ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 4:2

Nu tsuŋ ḿbɔ́ ḿbʉ́k wɔ́p tɛꞋ, mbíꞋŋɡɔ Pyɛ̂ pɔ́p Jɑ̂ŋ kɑ pɔ́ ńzíꞋ lɑ́Ꞌ ŋɡɔ Sɛ́ ɡʉ ŋ́ɡɛ ńzẅíimɛ pʉɔ nǔu nɛvú pɔ ndʉ́ŋndʉŋ pɑ́Ꞌ ɑ kɑ zẅíimɛnɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 6:6

Pɔ́p kɑ tsɔ́Ꞌ pʉɔ pɔnɛ, ńdɔk wɔ́p ńtɔ́ ńnyɛt mbɔ̌ ɡɑŋntúu. Gɑŋntúu cɛꞋlɛ Sɛ́, ńzɑ́p mbɔ́ tú pɔ́p.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

1 Kɔlɛ̂ŋtɛ 10:2

ńdɔk pɔ́Ꞌɔ, ńcẅɛ́ɛ ŋki, ńtsʉ́Ꞌ pʉɔ-Mɔ̌sɛ̂ɛ.

1 Kɔlɛ̂ŋtɛ 12:13

MbíꞋŋɡɔ Sɛ́ kɑ lɔk tɑ́Ꞌ Zẅikŋɛ wɛ́mɔ́Ꞌ ńtɛmtɛ wɛkŋɛ pɛtsʉʉ nɛpɔ́ yi pɛkŋɛ ɡʉ ńdɔk pɔ́Ꞌɔ, ḿbɔ́ tɑ́Ꞌ mbɑp-mbʉʉ, pʉɔ lɑɑ ḿbɔ́ pɔ pɑyúdɑ, kɛ pɔ pʉɔ pi pɔ́p kɑ́ pɔ́ pɑyúdɑ pɔ́ ɔɔ, mbɔ pɔ pɛkwɑɑ kɛ pɔ́ɔ-lɑ́Ꞌ ɔɔ, mbɔ Sɛ́ kɑ tɛmtɛ ńníꞋ tɑ́Ꞌ Zẅikŋɛ wɛ́mɔ́Ꞌ tʉ́m pɛkŋɛ pɛpɔ́p pɛtsʉʉ.

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

2 Timɔtɛ́ɛ 2:18

Pɔ́p ḿmɛꞋ sɛ̂ndúŋ-nu nɛ́nẅín. Pɔ́p sɛ́ ńjúk ńcú ŋɡɔ Sɛ́ kɑ kɛ́mɔ́ ńdɑ́Ꞌ ŋ́ɡɛ pʉɔ zẅíimɛ nǔu nɛvú. Pɔ́p ɡɛ mɔ́ pɔ́Ꞌɔ, tɛ pʉɔ tɛ ńzɑ́ɑ pi pɔ́p zɑ́pnɛ tʉ́m nǔu Sɛ́ fú nzʉʉ yɛ́ ŋ́kʉɔ.

Ɛ́bɛlʉʉ 11:35

Ɛ́ kɑ fú pɔ nǔu pɑ́Ꞌ pɛcɔ́ pɑŋɡɛ́ kɑ zɑ́pnɛ tʉ́m yɔ́p nǔu Sɛ́, pʉɔ pɔ́p pi pɔ́p kɑ pfúnɛ, zẅímɛ tɛ pɔ́p pɛpɔ́p pɛn ńnɑ́ŋ. Lɑ́ ɛ́ ɡʉ nǔu pɛcɔ́ pʉɔ, pɛ́ ɡɛ pɔ ŋɡɔ́ku nǔu pɔ́p ɔɔ, pɔ́p pɔɔ ńnɑ́ nɛzɑ́p tʉ́m nǔu Sɛ́ pɔ́, ńjí ŋɡɔ pɛ́ ŋ́ɡɛ ńnɑ́. Ɛ́ kɑ pɔ́ mbɔ̌ pɔ́p, mbii pɔ́ pɑ́Ꞌ pɔ́p ɡʉ ḿpfú, ńjí ŋɡɔ Sɛ́ ɡʉ ŋ́ɡɛ zẅíimɛ wɔ́p,

Ɛ́bɛlʉʉ 9:10

Yîyɑ́ ntɛ́ nɛɡúꞋlɛ Sɛ́ ntɛ́ yi ɛ́ líŋɛ́nɛ pɔ mbʉʉ-ŋu, ɛ́ pɔ́ nu ńdíŋɛ yúupɛjʉ́, ńdíŋɛ mɛluꞋ, ńdíŋɛ nɛsuk mɛlɔ́Ꞌ. Mɛtʉʉ mîmɑ́ mbʉ́ʉ kɑ ɡẅɛɛ nɛpɔ́ ɡú tɛ ńdɑ́Ꞌ ŋ́kúu pɔ ŋkɑ́ yi Sɛ́ kɑ pɔ́ ŋ́ɡʉ ḿbɛn ŋ́ɡɛ mbɑ kʉ̈ɔ́ lɑ́ pɔ fí fí.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.