Ɛ́bɛlʉʉ 6:19 - Kɑɑ Fí

¹⁹ Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

Ɛ́bɛlʉʉ 6:19 교차 참조

Mɑtʉ̈ɔ 27:51

Yɛ́su cʉ́ɔ pɔ́Ꞌɔ, ndẅí yi pɛ́ kɑ lɔknɛ ŋ́kʉŋ yɛcɔ́ zʉꞋ tsɛt zʉꞋ-nɔŋpɔꞋ fú tʉ́ ɛ́sɑ́ɑnɛ pɑk pɛ́pɑ́ tɛ ŋ́kúu sɛ́. Tsɛ́tsɑ́Ꞌ tsʉ́Ꞌnɛ, mɛŋɡɔꞋ sɑ́ɑtɛ,

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 27:29

Pɔ́p tsʉ́Ꞌ ḿbɔ́k pɔ́knɛ ŋɡɔ ɛ́ lɑɑ ḿbɔ́, mɑ́mɑ́ kɑnúꞋ wɛk kwɛn pɛmɑ́ mɛŋɡɔꞋ, ŋ́ɡɔ́ɔ ŋ́kɛ́ kɔk pɛ́ mɑ́mɑ́ tʉ́n pi pɛ́ lɔknɛ ŋ́kúꞋlɛ mɑ́mɑ́ kɑnúꞋ tɑ́Ꞌ zʉꞋ, yɛ́nɛ́kwɑ, ḿmɑꞋ tsɛt ŋki nzʉʉ mɑ́mɑ́ kɑnúꞋ, ŋ́ɡɔ ńnɑ́ŋ, ḿbɔ́ ńtsɑ́ɑ ŋɡɔ njí fɛ́Ꞌnɛ ŋ́kiɛ.

ŊwɑꞋnɛ-Gɑŋntúu Yɛ́su Kɛlístɔ 27:40

Ńcú pɔ́Ꞌɔ, ŋ́kíɛꞋ yúu mi ɛ́ ɡẅɛɛnɛ mɑ́mɑ́ kɑnúꞋ tɑ́Ꞌ zʉꞋ, ḿmɑꞋ tsɛt ŋki, ḿbɛn ŋ́kíɛꞋ mbɑ mɛŋkʉ mi ɛ́ cʉŋɛ́nɛ nǔu yúu mi pɛ́ lɔknɛ ńnyɛt mɑ́mɑ́ kɑnúꞋ nɛ́ ndúŋ, ḿbɑ́ɑtɛ, ŋ́kíɛꞋ yɛcɔ́ mɑ́mɑ́ ndẅí yi ɛ́ mbi mɑ́mɑ́ kɑnúꞋ, nɛpɔ́ yi fɛ́m ɡʉ ŋ́kúu tsɛtú tsʉ́ʉ mɑ́mɑ́ kɑnúꞋ ŋ́ɡɑ́ mbʉʉ-ŋki.

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

Pʉɔ-Lɔ́mɑ 4:18

Sɛ́ kɑ kɑꞋ yúu mbɔ̌ Ábɛlɛhɑ̂m, wɛcɔ́ nɛpɔ́ ẅi ɛ́ lɑɑ ḿbɔ́ ɑ kwɑŋɛ nɛɡẅɛɛ ɛ́ ŋkɑɑ pɔ́ ɡú pɔ́, lɑ́ ɑ kɛ ńzɑ́p tʉ́m yɛ́ nǔu Sɛ́ zɑ́pnɛ, ńnɑ́ŋ ḿbɔ́ ńzẅíꞋlɛ yîyɑ́ yúu, ŋ́ɡɛ ńtsʉ́Ꞌ tɑ́t pɛ mɛŋɡɔŋ tɛ ńzɑ́ɑ. Ɛ́ lɔk ḿbuutɛ nǔu nu yi Sɛ́ kɑ cúnɛ mbɔ̌ wɛ́ ŋɡɔ: «Jʉ́ɔ pɑ́Ꞌ njẅɛt yu ɡʉ ńdɑ́Ꞌ ńzɑ́ɑ pɔ́Ꞌɔ».

Pʉɔ-Lɔ́mɑ 5:4

Nɛsʉk ɡɛ pɛkŋɛ tɛntɛ. Ɛ́ lɛɛ pɔ́Ꞌɔ, pɛkŋɛ nɑ́ŋ ḿbɔ́ ńzẅíꞋlɛ ŋɡɔ yúu mi sẅiŋɛ-Sɛ́ sɛ́ ńcú, jʉ́ Sɛ́ ŋ́ɡɛ ŋ́ɡɛ ɛ́ puutɛ nǔu pɛkŋɛ.

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

Ɛ́fɛ̂zɛ 2:6

Pɑ́Ꞌ pɛkŋɛ kɑ lɑt mɔ́ mbʉʉ yɛkŋɛ nǔu Yɛ́su Kɛlístɔ lɑ́, ɑ kɑ zẅíimɛ wɛkŋɛ pɛpɔ́p nǔu nɛvú, ḿbɛn ŋ́ɡɛ pɛkŋɛ cʉ́ɔ nzʉʉ Yɛ́su Kɛlístɔ, pɛkŋɛ pɛpɔ́p tɛmtɛ ŋ́kɔ́Ꞌ ńnɑ́ŋ tʉ́nɛ́pú ḿbɔ́ ɛ́sɑ́Ꞌ mbɑ kʉ̈ɔ́ lɑ́ zúꞋu.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Kɔlɔsíyɛ̂ŋ 3:1

Pɑ́Ꞌ pʉʉ pɛ́ Kɛlístɔ kɑ tɛmtɛ ńzẅíimɛ nǔu nɛvú lɑ́, pʉʉ tík lík yʉ́ʉ pɔ nǔu yúu mi ɛ́ tʉ́nɛ́pú, zʉꞋ yi Kɛlístɔ zúꞋu, ńnɑ́ŋ nǔu ɡúŋ pɔ́ Sɛ́ yi tʉʉ.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

Ɛ́bɛlʉʉ 4:16

Pɔ́Ꞌɔ lɑ́, kɔɔ pɛkŋɛ mʉꞋlɛ nɛkẅɛ́Ꞌlɛ ŋ́ɡʉ nɛ́ zʉꞋ yi kɔꞋ-nɛfɔɔ-Sɛ́ zúꞋu, nɛlɔk pɔ́Ꞌɔ, ḿbɔ́ nɛjɔ́ŋ jʉ́ Sɛ́ ẅí ɑ ɡẅɛɛnɛ pɔŋtʉ́m. Pɛkŋɛ kẅɛ́Ꞌlɛ pɔ́Ꞌɔ, lɑ Sɛ́ tsɑ́ɑ mɛjʉ́ŋ mɛkŋɛ, ńnyɛt wɛkŋɛ nɛ́ pɔŋtʉ́m yɛ́, ḿbɔ́ ńcẅɛ́lɛ wɛkŋɛ nǔu ŋkɑ́ yi pɛkŋɛ jɑ́knɛ nɛɡɛ.

Ɛ́bɛlʉʉ 9:3

Lûm wɛ tsɛtú ẅi ɑ nzʉʉ yúu ndẅí ɛ̂yɑ́ pɔ́ kwɑꞋ zʉꞋ-Sɛ́.

Ɛ́bɛlʉʉ 9:7

Lɑ́ ŋ́ɡʉ nǔu lûm wɛ tsɛtú, nɔŋpɔꞋ wɛ ɡwɛ́ zɛ́nɛ jʉ́ kúunɛ zúꞋu tɑ́Ꞌ ŋkɑ́ nǔu ŋɡuꞋlɑ́Ꞌ, ŋ́kɛ́ ḿbɔɔ ŋ́kúu zúꞋu kɛ́ ɡẅɛɛ mɛci mi ɑ lɔknɛ ńtɔ́ mbi Sɛ́ nɛnyɛt ntɛ́ mɛnu kɛpɔŋ mɛ́ ɡúu, mbɑ mɛ́ pɛcɔ́ pʉɔ pɔ́.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,