Ɛ́bɛlʉʉ 4:9 - Kɑɑ Fí

⁹ Ɛ́ lɔk pɔ́Ꞌɔ, ńcú ŋɡɔ: Mɔ́fíitɛ ẅi Sɛ́ kɑ fɑꞋnɛ mɛfɑꞋ mɛ́ tɛ ŋ́ɡẅɛɛ nǔu lɛ́Ꞌlɑ́Ꞌ mbɑ́ɑtɛ sɑɑmbɑ́, pɛn ńtʉ́ʉ tʉ́ʉnɛ ḿbɔ́ ńzẅíꞋlɛ pʉɔ-Sɛ́.

Ɛ́bɛlʉʉ 4:9 교차 참조

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 11:25

A kɑ jʉ́ɔ yɛ́, ɛ́ pɔŋ mbɔ̌ wɛ́ nɛkúu tsɛtsɛt pʉɔ-Sɛ́ pɔ́p pɛpɔ́p tɛmtɛ ńjʉ́ɔ ŋɡʉ̈ɔ́Ꞌ, ńdɛɛ nɛzúꞋ sʉ́Ꞌnɛ nǔu mɔ́ɔ mɔ́ŋkɑ́ lɑ́ ŋ́kɛ́ ḿbɔ́ pɔ tsɛt mɛfɑɑnɛ.

Ɛ́bɛlʉʉ 3:11

Ɛ́ yúu mi ɛ́ kɑ ɡɛnɛ n dɔk zɑ́ŋlɔ́ŋ ŋ́kɑɑ ŋɡɔ: «Pɔ́p kɛ́ lɑ́Ꞌ ŋ́kúu tsɛt mɔ́fíitɛ ẅi ŋ kɑ kɑꞋnɛ mbɔ̌ pɔ́p pɔ́.»

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

Ɛ́bɛlʉʉ 4:10

MbíꞋŋɡɔ ŋu ẅí ɑ kúunɛ tsɛt mɔ́fíitɛ ẅi Sɛ́ kɑ niitɛ́nɛ mbíꞋ wɛ́, ɑ pɛn ńjẅiitɛ yɛ́ nǔu mɛfɑꞋ mɛ́ pɑ́Ꞌ Sɛ́ kɑ fɑꞋnɛ mɛ́ ɡúu lɑ ńjẅiitɛ lɑ́.

Ɛ́bɛlʉʉ 4:3

Ɛ́ ɡʉ nǔu pɛkŋɛ pi pɛkŋɛ kɑ zúꞋnɛ tɛ ńzɑ́p tʉ́m nǔu, pɛkŋɛ ŋ́ɡɛ ŋ́kúu tsɛt ẅîwɑ́ mɔ́fíitɛ. Ɛ́ pɔ́ wi Sɛ́ kɑ cúnɛ nu nǔu, pɑ́Ꞌ ɑ kɑ cúnɛ ŋɡɔ: «Mɔ sɛ́ ńdɔk zɑ́ŋlɔ́ŋ ŋ́kɑɑ ŋɡɔ: Pɔ́p kɛ́ lɑ́Ꞌ ŋ́kúu tsɛt mɔ́fíitɛ ẅi ŋ kɑ niitɛ́nɛ mbíꞋ wɔ́p pɔ́.» Sɛ́ kɑ ɡɔ́ cú pɑ́Ꞌɑ, mbɔ ɑ kɑ lɑ́Ꞌ ɛ́fɑꞋ mɛfɑꞋ mɛ́ ŋkɑ́ yi ɑ kɑ niitɛ́nɛ ndǔmbí tɛ ɛ́ mɛ.

Ɛ́bɛlʉʉ 4:8

Ɛ́ kɑ lɑɑ ńzɛɛ ḿbɔ́ yi Yɛ́shuɑ kɑ lɔknɛ pʉɔ ŋ́ɡʉ tɛ pɔ́p kúu tsɛt wîwɑ́ mɔ́fíitɛ, mbɔ ɛ́ lɑɑ ḿbɔ́ Sɛ́ pɔɔ pɛn ŋ́kẅíi yɛcɔ́ lɛ́Ꞌ ndɛꞋ pɔ́.

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.

Mɛnu ɛ́ ńdɑ́Ꞌ ńcẅɛt 14:13

N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»