Ɛ́bɛlʉʉ 4:11 - Kɑɑ Fí

¹¹ Pɔ́Ꞌɔ lɑ́, pɛkŋɛ sɑ́Ꞌ tʉʉ, ŋ́kúu tsɛt wîwɑ́ mɔ́fíitɛ, pɛkŋɛ ɡɛ nǔu ntɛ́ yi wɛcɔ́ tɑ́Ꞌ ŋu nǔu pɛkŋɛ kɛ́ pɔ́ ŋ́ɡɛ tʉʉtú pɑ́Ꞌ pɛtɑ́t pɛkŋɛ, ɛ́sɑ́ɑ pɔ́.

Ɛ́bɛlʉʉ 4:11 교차 참조

Mɑtʉ̈ɔ 11:12

Ɛ́ lɔk ḿbɔ́ ŋɡɔ tɛ ɛ́fú nǔu ŋkɑ́-Jɑ̂ŋ Mbɑptíshi, ŋ́kúu ŋkɔ̂ɔnɛ, pɛ́ sɛ́ ńzuŋ ŋ́kúu nǔu nu nɛfɔɔ-Sɛ́.

Mɑtʉ̈ɔ 7:13

Pʉʉ tsʉ́Ꞌ nɛlɔɔ sɛ̂ndúŋ-tʉ́nɛ́pú, ńdɛɛ pɔ nǔu ntsuŋkɑ́Ꞌ ẅi ɛ́ kʉ́ʉpɛ kʉ́ʉpɛ́nɛ. Ntsuŋkɑ́Ꞌ ẅi ɛ́ ɡúꞋnɛ tɛꞋ, ɡʉ pɔ nɛ́ lɑ́Ꞌ-nɛvú. Sɛ̂ndúŋ ẅi ɛ́ ɡʉnɛ lɑ́Ꞌ-nɛvú ɡúꞋ tɛꞋ, nɛzɑ́ɑ pʉɔ sɛ́ ńdɛɛ pɔ ẅîwɑ́.

Lúkɑ́shi 13:24

«Pʉʉ lɔ́ɔ shʉ́ pɔ nɛtɔ́k nǔu ntsundɑ́ ẅi ɛ́ kʉ́ʉpɛ kʉ́ʉbɛ́nɛ. Pʉʉ jí sʉ́Ꞌnɛ ŋɡɔ pʉɔ tɛ ńzɑ́ɑ ɡɛ ńdɑ́Ꞌ ńdɔ́ɔ nɛkúu tsɛtú lɑ́ ḿbɛn ŋ́kɛ́ ḿbɔɔ kuꞋ.»

Lúkɑ́shi 16:16

Yɛ́su pɛn ńcú ŋɡɔ: «Jɑ̂ŋ kɑ ŋ́ɡɔ ńtɔ́, pɛ́ pɔ́ ńzúꞋ pɔ nɛpʉ́ʉ-Mɔ̌sɛ̂ɛ, pɔ́p mɛnu-pɛŋɡɛ́mndʉ̈ɔ́Ꞌ-Sɛ́, pɛ́ ŋkɔ̂ɔnɛ ḿbɔ́ ɛ́sɑ́Ꞌ Ŋkʉʉ sʉ́Ꞌnɛ ńdɔk ḿbʉ́ ŋɡɔ nɛfɔɔ-Sɛ́ zɛ nɛtɔ́. Mbɑ wɔ̌ lɑ́ sɛ́ ɛ́sɑ́Ꞌ tʉʉ nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

ŊwɑꞋnɛ-Gɑŋntúu Yɛ́su Kɛlístɔ 26:19

«Nɑɑ kɛ́mɑꞋ fɔɔ Aŋɡɛlípɑ, ɛ́ kɑ fú pɔ́Ꞌɔ, mɔ ŋkɑɑ mɔ tʉʉ tú nǔu nu yi Sɛ́ kɑ ŋíɛꞋnɛ mík mɑ́ɑ zúꞋ pɔ́.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Kɔlɔsíyɛ̂ŋ 3:6

Mɔnɛ mɛnu mi ɛ́ ɡɛnɛ Sɛ́ zɑ́ŋ lɔ́ŋ nǔu pʉɔ pi pɔ́p kɑ́ pɔ́ ńzúꞋ ntsu wɛ́ pɔ́,

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 3:18

A pɛn ŋ́kɑɑ nǔu nu pɛ́ wɔ̌ tɛ ńcú ŋɡɔ pɔ́p kɛ́ lɑ́Ꞌ ŋ́kúu tsɛt mɔ́fíitɛ ẅi ɑ kɑ kɑꞋnɛ mbɔ̌ pɔ́p pɔ́ ɔɔ? Ɛ́ kɑ pɔ́ nǔu nu pʉɔ pi pɔ́p kɑ tʉʉnɛ tú mbɔ̌ wɛ́.

Ɛ́bɛlʉʉ 4:6

Sɛ́ kɑ zɑ́p ŋɡɔ pɛcɔ́ pʉɔ ɡʉ ŋ́ɡɛ ŋ́kúu tsɛtú, lɑ́ pɛluŋmbi pʉɔ pɔɔ zúꞋ Ŋkʉʉ Sʉ́Ꞌnɛ lɑ ḿbɛn ŋ́kɛ́ mbɔɔ tsɛtú kúu pɔ́ pɔ́, mbíꞋŋɡɔ pɔ́p kɑ zúꞋ mbɔɔ pɛ́m pɔ́.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.

2 Pyɛ̂ 2:6

Sɛ́ kɑ pɛn ńtɛ́m ŋɡʉ̈ɔ́Ꞌ nǔu pʉɔ-tʉ́sɔŋ-Sɔdɔ̂m pɔ́p nǔu pʉɔ-tʉ́sɔŋ-Ŋɡɔmɔ̂ɔ ńdɔk múk ḿbík wɔ́p, ńdɔk ńnyɛt pʉɔ kɛpɔŋ nɛ́ fʉꞋ yúu mi ɛ́ ɡʉ ŋ́ɡɛ ńtɔ́ nǔu pɔ́p.