Ɛ́bɛlʉʉ 2:15 - Kɑɑ Fí

¹⁵ A kɑ ńtɑ́ɑ ḿpfú, nɛlɔk pɔ́Ꞌɔ, ɛ́fú tsɛt ndɑ́-ŋkwɑɑ, ńcẅɛɛtɛ pʉɔ tsʉʉ pi tɛ fúnɛ pɑ́Ꞌ pɛ́ kɑ pínɛ wɔ́p, pɔ́p ńjúk ḿbɔ́k nɛpfú tɛ mbɔ pɔ́p kɑ tsʉ́Ꞌmɔ́ ḿbɔ́ mbɔ̌ nɛvú ḿbɔ́ pɔ pɛkwɑɑ pɛ́.

Ɛ́bɛlʉʉ 2:15 교차 참조

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

Pʉɔ-Lɔ́mɑ 8:21

Ɛ́ pɔ́ ŋɡɔ yɛcɔ́ lɛ́Ꞌ ɡʉ ńdɑ́Ꞌ ŋ́kuꞋ, ɑ fú ndɑ́-kwɑɑ ńcẅɛɛtɛ mbɑ kʉ̈ɔ́ lɑ́ yi ɑ kɑ niitɛ́nɛ, yɛcɔ́ yúu pɔɔ pɛn ńdyɔ́ nǔu pɔ́, mbɑ kʉ̈ɔ́ lɑ́ pɔ́ zʉꞋ yi pʉɔ-Sɛ́ zúꞋu tsɛt nɛɡúꞋ, yɛcɔ́ yúu lɔɔ ḿpfú zúꞋu pɔ́, yɛcɔ́ kɛ́ mbɔɔ lyɔ́.

2 Kɔlɛ̂ŋtɛ 1:10

Pɛk kɑ pɔ́ ntsu-nɛvú ḿbʉ́k pɔ́Ꞌɔ, jʉ́ zɛɛnɛ ńcẅɛɛtɛ wɛ́k, ɑ ɡʉ ŋ́ɡɛ ḿbɛn cẅɛɛtɛ wɛ́k tsɛt mɛcɔ́ mɛŋɡʉ̈ɔ́Ꞌ mɛɡwɛ́. Ɛ́ nɛ́nẅín pɛk tsuŋ ḿbɔ́ ńjí ŋɡɔ ɑ ɡʉ ŋ́ɡɛ ḿbɛn ńcẅɛɛtɛ wɛ́k tsɛt mɛcɔ́ mɛŋɡʉ̈ɔ́Ꞌ mɛɡwɛ́,

Ŋɡɑlɑ̂t 4:21

Pʉʉ pi pʉʉ sɛ́ ŋ́kɔŋ ŋɡɔ nɛpʉ́ʉ ɛ́sɑ́Ꞌ wʉ́ʉ, pʉʉ ɛ́sẅíi wɑ́ɑ: Pʉʉ kɑ́ pɔ́ ńzúꞋ yúu mi nɛpʉ́ʉ ɛ̂nɑ́ cúnɛ pɔ́ kíi?

2 Timɔtɛ́ɛ 1:7

N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.

Ɛ́bɛlʉʉ 2:16

Ɛ́ zɛɛ ḿbɔ́, kwɑꞋ nɛ́nẅín, ŋɡɔ Yɛ́su ŋkɑɑ kɛ́ ńtɔ́ nɛcẅɛ́lɛ pɛcʉ̈ɔ́Ꞌ-Sɛ́ pɔ́, ɑ kɑ tɔ́ nɛcẅɛ́lɛ pʉɔ njẅɛtndɑ́-Ábɛlɛhɑ̂m.