Ɛ́bɛlʉʉ 2:14 - Kɑɑ Fí

¹⁴ Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 2:14 교차 참조

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 12:24

Lɑ́ ɛ sẅíi wʉ́ʉ, kwɑꞋ nɛ́nẅín, mbi yúu lɑɑ mbɔɔ vu sɛ́ tɛ ḿpfú pɔ́, mbɔ ɛ́ ɡʉ ŋ́kɛ́ ḿbɔ́ pɔ yɛ́mɔ́Ꞌɔ́. Lɑ́ ŋ́kɛ́ ḿpfú, mbɔ ɛ́ ɡʉ ɛ́sɑ́Ꞌ, ŋ́ɡɑ́ mɛmbɑŋ tɛ ɛ́ zɑ́ɑ zɑ́ɑnɛ.

Pʉɔ-Lɔ́mɑ 14:9

Kɛlístɔ kɑ zɛɛ ḿpfú ḿbɛn ńzẅíimɛ nɛpɔ́ yi ɑ ɡʉ ḿbɔ́ Tsɑpʉɔ pɛpfú mbɑ wɛ pʉɔ pi pɔ́p ntʉʉ.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

1 Kɔlɛ̂ŋtɛ 1:28

Sɛ́ kɑ tsɔ́Ꞌ yúu mi ɛ́ ndǔmbí ŋ́kɛ́ mbɔɔ yɛcɔ́ yúu kuꞋ, ŋ́kʉ̈ɔ́k ŋ́kʉ̈ɔ́knɛ, pɛ́ ɡwɑ́k ɡwɑ́knɛ, ńdɔk ńcɔŋ ndɛn yúu mi pɛ́ kwɑŋɛ́nɛ ŋɡɔ ɛ́ yúu tɛꞋ.

1 Kɔlɛ̂ŋtɛ 15:50

Pɔ́ɔpɛ́mɑ́ pɑ́ɑ, n dɔk pɑ́Ꞌɑ ńcú ŋɡɔ, ḿbɔ́ ŋu pɔɔ lɔk mbɑp-mbʉʉ yɔ yi ɛ́ ɡẅɛɛnɛ mbɑp-mbʉʉ nɛ́ mɛci lɑɑ, ńdɔk ŋ́kúu tsɛt nɛfɔɔ-Sɛ́ pɔ́. Ḿbɔ́ yúu mi ɛ́ lʉ̈ɔ́nɛ pɔ́p yi ɛ́ kɑ́ lʉ̈ɔ́ pɔɔ ńtɛmtɛ tɑ́Ꞌ zʉꞋ pɔ́.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Kɔlɔsíyɛ̂ŋ 2:15

Sɛ́ kɑ pɔ́ ńdɔk pɔ́Ꞌɔ, ŋ́ɡẅɛɛ mɛzẅikŋɛ kɛpɔŋ, mi ɛ́ ɡẅɛɛnɛ tʉʉ, ḿbɔ́ ɛ́sɑ́Ꞌ ndǔmbí yɔ, ńcẅɛɛtɛ mɛtʉʉ mɔ́p ḿmɛꞋ, ńtɛ́m sʉ́ʉ tú pɔ́p mbi lɑ́Ꞌ. Ɛ́ pɔ́ pɑ́Ꞌ ɑ kɑ lɔknɛ wɔ́p ŋ́ɡɛ puꞋ-ntsɔ, Kɛlístɔ lɔk wɔ́p ŋ́kɑ́t ńnɛn ńdɔk ńdɛꞋlɛ ŋɡɔ ɑ jʉ́ ntsɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

2 Timɔtɛ́ɛ 1:10

Ɛ́ ŋkɔ̂ɔnɛ, mbɔ Sɛ́ ɡɛ pɛkŋɛ jʉ́ɔ yîyɑ́ pɔŋtʉ́m mɑ́ntɑ́ɑ, mbíꞋŋɡɔ ŋu ẅí ɑ ɡɛnɛ pɛkŋɛ luk, Yɛ́su Kɛlístɔ tɔ́ mɔ́. Jʉ́ kɑ ɡẅɛɛnɛ nɛvú ńcẅɛ́ɛ mɛtʉʉ mɛ́. Jʉ́ kɑ cẅinɛ Ŋkʉʉ sʉ́Ꞌnɛ mbɔ̌ pɛk, ńnyɛt wɛkŋɛ ŋɡɔ ŋu lɑɑ ńnɛn pɑ́Ꞌ Ŋkʉʉ Sʉ́Ꞌnɛ ɛ̂wɑ́ cúnɛ ɑ ɡẅɛɛ Luk kɛ́mɛ mbɔɔ pɛn ḿpfú pɔ́.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:5

Ɛ́ yúu mi ɛ́ kɑ ɡɛnɛ Kɛlístɔ ɡɔ́ ńtɔ́ ndǔmbí, ńcú mbɔ̌ Sɛ́ ŋɡɔ: Ɔ ŋ́kɑɑ kɛ́ ŋ́kɔŋ yúu-pɔꞋ pɔ́, ŋ́kɛ́ mbɔɔ mɛnɑɑ mi pɛ́ jẅínɛ ńdɔk ŋ́ɡúꞋlɛ wú kɔŋ. Lɑ́ ŋ́kɛ́ ŋ́ɡɑ́ mbʉʉ mbɔ̌ mɔ.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 2:18

Ɛ́ zɛɛ fú nǔu pɑ́Ꞌ Yɛ́su nɛ́ túmbʉʉ yɛ́ kɑ jʉ́ɔnɛ ŋɡʉ̈ɔ́Ꞌ, ŋkwɑꞋnɛ pɛn ŋ́kúu wɛ́, ɑ kuꞋ nɛcẅɛ́lɛ pʉɔ pi ŋkwɑꞋnɛ sɛ́ ŋ́kúu wɔ́p ɡúu.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

1 Pyɛ̂ 1:20

Sɛ́ kɑ piitɛ ńtsɔ́Ꞌ wɛ́ nǔu yîyɑ́ nu, lɑ ńniitɛ ndǔmbí. Ɛ́ kɛ́ ŋ́ɡʉ nǔu yɔ ŋkɑ́ yi ɛ́ nɛlɔk ńdẅiklɛ lɑɑ, ńtík wɛ́ mɑ́ntɑ́ɑ mbíꞋ wʉ́ʉ.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 20:2

A ɡẅɛɛ mɑ́mɑ́ nɔ́nɛŋɡɛ́m wɑ́, jʉ́ wɑ́ ẅi ɑ nɔ́ wɑ́ ẅi ɑ kɑ fúnɛ tɛ ŋkɑ́mbi lɑ́, jʉ́ ẅi ɑ dɛɛbɛlɛ, ḿbɛn ḿbɔ́ Sɑ́ttɑ lɑ́, ńdɔk cɛ̂n ɛ̂yɑ́ ŋ́kút wɛ́ pɑ́Ꞌ ɑ ɡʉ ŋ́kɛ́ ḿbɔ́ pɔ mɛŋkʉ nǔu ŋɡuꞋ ntsɑ́Ꞌ.