Ɛ́bɛlʉʉ 13:9 - Kɑɑ Fí

⁹ Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Ɛ́bɛlʉʉ 13:9 교차 참조

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:4

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

Lúkɑ́shi 5:38

Ɛ́ sɛ́ ḿbíkŋɛ ŋɡɔ pɛ́ níꞋ mɛluꞋ fí pɔ tsɛt kɑ́Ꞌlɛ fí.

ŊwɑꞋnɛ-Gɑŋntúu Yɛ́su Kɛlístɔ 20:30

Pʉɔ ńcẅɛt mbɑ tsɛtsɛt pʉʉ ńtʉ́ʉ, ńzɛ nɛzíꞋ cɔtnu ńdɔk shuŋ pʉɔ-Kɛlístɔ pɔ́p tsʉ́Ꞌ ńnɛn pɔ nzʉʉ pɔ́p.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Pʉɔ-Lɔ́mɑ 14:2

Wɛcɔ́ ŋu lɔk nu-Sɛ́ ńjí ŋɡɔ ɑ jʉ́ɔ mbɑ kʉ̈ɔ́ lɑ́, ŋ́kwɛ́t yɛ́ kwɛ́tnɛ. Wɛcɔ́ ŋu ẅí ɑ sɛ́ ńdɔk nu-Sɛ́ ńdʉ́ɔꞋtɛ yɛcɔ́ yúu ńjí ŋɡɔ ɑ ɡʉ ŋ́kwɛ́t pɔ ndɑꞋ nzɑp.

Pʉɔ-Lɔ́mɑ 14:6

Ŋu ẅí ɑ ɡẅɛɛnɛ tɔŋ nǔu mɛlɛ́Ꞌlɑ́Ꞌ, ɑ ɡɛ tɔŋ pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ. Ŋu ẅí ɑ jʉ́ɔnɛ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ, mbíꞋŋɡɔ ɑ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu. Ŋu ẅí ɑ pɛn ŋ́kɛ́ mbɔɔ jʉ́ɔ mbɑ kʉ̈ɔ́ lɑ́ ŋ́kwɛ́t kwɛ́tnɛ pɔ́, ɑ kɑ́ kwɛ́t pɔ́Ꞌɔ pɔ́, ɛ́ pɔ́ pɔ nɛlɔk ŋ́ɡúꞋlɛ Tsɑpʉɔ. A pɛn ḿbɔ́ ŋ́ɡɑ́ yɛ́ pɑ́Ꞌlɑ́ mbɔ̌ Sɛ́.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Kɔlɛ̂ŋtɛ 8:8

Jínɛ ŋɡɔ yúupɛ́jʉ́ kɑ́ pɔ́nɛ ŋ́ɡɛ lɑ́ Sɛ́ kẅiꞋ ŋ́kɔŋ wɛkŋɛ pɔ́. Pɛkŋɛ lɑɑ mbɔɔ ŋ́kwɛ́t, mbɔ pɛkŋɛ kɑ́ pɛ́ yɛcɔ́ yúu pɔ́, ŋ́kwɛ́t, mbɔ yɛcɔ́ yúu kɑ́ kẅiꞋ nǔu pɛkŋɛ pɔ́.

2 Kɔlɛ̂ŋtɛ 1:21

KwɑꞋ Sɛ́ ɡɛnɛ lɑ́ pɛk pɔ́ ńtɛntɛ tɛntɛnɛ nzʉʉ Kɛlístɔ tɛ mbɑ pʉʉ. A kɑ fɑk wɛkŋɛ,

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

Kɔlɔsíyɛ̂ŋ 2:4

Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

2 Tɛsɑlɔník 2:17

«Pɔ́p níꞋ mɛtʉʉ mʉ́ʉ, ŋ́ɡɑ́ wʉ́ʉ nɛ́ mɛtʉʉ pʉʉ lɔk ŋ́ɡɛ pɔ mɛnu sʉ́Ꞌnɛ, ḿbɛn ŋ́ɡẅɛɛ pɔ sẅiŋɛ sʉ́Ꞌnɛ.»

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

1 Timɔtɛ́ɛ 6:20

Timɔtɛ̂ɛ, pɑ́ɑ nɛlɔk nu yi Sɛ́ kɑ lẅɛꞋnɛ mbɔ̌ ɡu, ńdɔk ḿmɑꞋ kwɑŋɛ. Pɑ́ɑ sẅiŋɛ yi ɛ́ kɑ́ cẅɛ́lɛ́, mbíꞋŋɡɔ ɛ́ tɔꞋ pʉɔ tɔꞋnɛ nɛzɑ́p tʉ́m nǔu Sɛ́, sẅiŋɛ yi ɛ́ ɡɛnɛ pɛ́ zɔŋ nu tɛ ŋ́kwɑŋɛ pɔ ŋɡɔ pɛ́ lɔk ńjí nu.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

Jẅidɛ 1:12

Pɔ́p pʉɔ pi pɔ́p cɔŋnɛ ndɛn wʉ́ʉ ŋkɑ́ yi pʉʉ pɛ́ pɔ́ɔpɛ́mɑ́ cúꞋlɛ́nɛ ḿbɔ́ ńjʉ́ yúu, pɔ́p tɔ́ ŋkɔ̂ɔnɛ ŋ́kwɛ́t yúu tɛꞋ, ńnɔ́ mɛluꞋ tɛꞋ, pɔ́p kɑ́ kɔ́ sʉ́ʉ pɔ́, ŋ́kwɑŋɛ pɔ ndɑꞋ yɔ́p tú. Pɔ́p pɑ́Ꞌ mbʉŋ yi ɛ́ kɔ́Ꞌnɛ́nɛ tɛ pɛ́ pɔ́ ńzẅíꞋlɛ ŋɡɔ ɛ́ lɔ́, fɛ́m tíi lɑ́, mɛtʉ́ mi ɛ́ kɛ́ ḿbɔɔ ńzɛ́m ntɑ́ɑ pɔ́, mbɑ ŋkɑ́ yi ɛ́ ńzɛɛ ḿbɔ́ ŋ́ɡʉ ńzɛ́m, mɛtʉ́ mi ɛ́ kɑ muꞋnɛ mɔ́ ḿpfú tɛ ḿpfú.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.