Ɛ́bɛlʉʉ 12:27 - Kɑɑ Fí

²⁷ Yɔ nu lɔk ńcú ŋɡɔ: Ɛ́ ɡʉ ńdɑ́Ꞌ yɛcɔ́ ŋkɑ́ pɛ́ pɑꞋnɛ yúu pi ɑ kɑ pɔ́ ńnʉꞋnɛ ɛ́ zɔŋɛ, ŋ́ɡɑ́ nzʉʉ ɛ́ ḿmɛ, mbíꞋŋɡɔ ɛ́ yúu pi pɛ́ kɑ niitɛ niitɛ́nɛ, ɛ́ ŋ́ɡɛ pɔ́Ꞌɔ, ńjí ŋɡɔ yúu mi pɛ́ ńnʉꞋnɛ́nɛ kɛ́ zɔŋŋɛ, ɛ́ ɡʉ ńtsʉ́Ꞌ ḿbɔ́ pɔ ɡú.

Ɛ́bɛlʉʉ 12:27 교차 참조

Mɑtʉ̈ɔ 24:35

Nɛpú pɔ́p tsɛ́tsɑ́Ꞌ ɡʉ ŋ́ɡɛ ḿmɛ lɑ́ sẅiŋɛ yɑ́ɑ lɑ́Ꞌ mbɔɔ pɛ́.

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

Pʉɔ-Lɔ́mɑ 8:21

Ɛ́ pɔ́ ŋɡɔ yɛcɔ́ lɛ́Ꞌ ɡʉ ńdɑ́Ꞌ ŋ́kuꞋ, ɑ fú ndɑ́-kwɑɑ ńcẅɛɛtɛ mbɑ kʉ̈ɔ́ lɑ́ yi ɑ kɑ niitɛ́nɛ, yɛcɔ́ yúu pɔɔ pɛn ńdyɔ́ nǔu pɔ́, mbɑ kʉ̈ɔ́ lɑ́ pɔ́ zʉꞋ yi pʉɔ-Sɛ́ zúꞋu tsɛt nɛɡúꞋ, yɛcɔ́ yúu lɔɔ ḿpfú zúꞋu pɔ́, yɛcɔ́ kɛ́ mbɔɔ lyɔ́.

1 Kɔlɛ̂ŋtɛ 7:31

Pʉɔ pí pɔ́p sɛ́ ńjʉ́ fuꞋ tsɛt yɔ mbí nɑ́ŋ pɑ́Ꞌ ŋkɑ́ yi pɔ́p kɑ́ pɔ́ ńjʉ́ pɔ́ lɑ́, mbíꞋŋɡɔ ndǔmbí yɔ yí pɛkŋɛ sɛ́ ńjʉ́ɔ lɑɑ kɛ́ ɡɛ ńdɑ́Ꞌ ḿbɔ́ pɔ ɡú pɔ́.

Ɛ́bɛlʉʉ 1:10

Ḿbɛn ńcú ŋɡɔ: «A ɡu, Tsɑpʉɔ, ẅi ɔ kɑ pɔ́ nzɛnɛ ńniitɛ tsɛ́tsɑ́Ꞌ, mbɑ nɛpú kɛ ḿbɔ́ pɔ mɛfɑꞋ mú.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 9:11

Ɛ́ kɛ́ ḿbɔ́ nǔu ŋkɔ̂ɔnɛ, mbɔ Kɛlístɔ kɑ tɔ́ ḿbɔ́ nɔŋpɔꞋ wɛ ɡwɛ́ nǔu yúu sʉ́Ꞌnɛ yi ɛ́ sɛ́ ńtɔ́. A kɑ ɡɔ́ ńtɔ́, ńjɛ́Ꞌ tsɛt yɛcɔ́ ntɑp, ɛ́ pɔ́ ẅi ɛ́ tsuŋ ŋ́ɡúꞋ ńdɛɛ wɛcɔ́ wɑ́, yɛcɔ́ yúu pɛn ŋ́kɛ́ ḿbɔɔ ńjɑ́k nǔu pɔ́, ɛ́ ŋ́kɑɑ pɔ́ ẅi pʉɔ kɑ lɔknɛ mbɔ́ mɔ́p ńniitɛ pɔ́, ɛ́ lɔk ḿbɔ́ ŋɡɔ ẅîwɑ́ ntɑp kɑ́ pɔ́ tsɛt yɔ mbí yi pɛ́ kɑ niitɛ niitɛ́nɛ pɔ́.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 21:1

M bɛn ŋ́ɡɔ́ɔ ŋ́kɛ́ ńjʉ́ɔ nɛfɑŋ nɛ fí mbɑ ndǔ tsɛ́tsɑ́Ꞌ yi fí. Mbɔ nduŋmbi nɛfɑŋ mbɑ nduŋmbi tsɛ́tsɑ́Ꞌ kɑ kɛ́mɔ́ ḿmɛ, mbɑ ŋki kɛ́ nɛpɑt pɔɔ pɛ́t ɡú pɔ́.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»

Mɛnu ɛ́ ńdɑ́Ꞌ ńcẅɛt 21:5

Ŋu ẅí ɑ kɑ nɑ́ŋnɛ ndǔ kɔꞋ-nɛfɔɔ pɛn ńcú ŋɡɔ: «Ŋkɔ̂ɔnɛ mɔ sɛ́ ŋ́ɡɛ kʉ̈ɔ́ lɑ́ pɔ fí fí, ḿbɑ́ɑtɛ ńcú mbɔ̌ mɔ ŋɡɔ: ŊwɑꞋnɛ. Ɛ́ mbíꞋŋɡɔ nu yɔ kɑ́ pɔ́ yi ɛ́ lɑɑ ḿbɔ́ ŋu zúꞋ ḿmʉ́Ꞌlɛ pɔ́, ɛ́ nɛ́nẅín,